اقتباس:
المشاركة الأصلية كتبت بواسطة خلف الغريب
تقبلوا متواضعتي ...
ما عاد باقـي لـك مشاريـه وعتـاب=مـا دام بالعشـرة عتـاب ومشاريـه
( ان كان هذي فعلة احبـاب باحبـاب=ما عاد باقـي للعـدو مـا يسويـه )
ما ارضى بعيش الحب في شرعة الغاب=الله ولا عشـق جـلـب ذل راعـيـه
شمس الغلا غابت ! وبدر الغلا غاب !=يعنـي نهـار الحـب يشبـه لياليـه!!
اول اقول: الهجـر عـادة للاصحـاب=لو ما يجينـي تالـي اليـوم لا اجيـه
اخفض جناح الوصل من باب الاعجـاب=ويخطي واعاتب مـن يحـاول يخطٌيـه
واقول : يا ما احلا خطا تلـع الارقـاب=واعد سيـات الغضـي مـن حسانيـه
لكن صحيت وكل غلطة لهـا حسـاب=( بعض العرب لا تمونه تبتلش فيـه )
يحسب سكوتي ذل واعجابـي ارهـاب=فاهم غلط و( العقل من حظ راعيـه )
وش جاب لين الحب للذل؟ وش جـاب؟=صحيح (كل إناء ينضح بمـا فيـه )!!
روحي بدربك جعلـه ورود واعشـاب=وانا طريقـي جعـل الازهـار تكسيـه
( لا انتي مثل نوت .. وانا ماني عقاب )=كلن عسـى الله فـي طريقـه يهنيـه
لو ما بقا فـي كوكـب الارض جـذاب=بدري عليك انكـس الـراس واحنيـه
عزي ومقداري وراسـي وانـا شـاب=حتم علـي مـن المـذلات لا احميـه
طبع مـن الله , لا تطبـع ولا اكـذاب=( والسيل ماله غير سابـق مجاريـه )
وسلامة قلوبكم يا بعد راسي |
الاخ الشاعر القدير خلف الغريب
صح لسانك وسلم بنانك على هذه القصيده الرائعة
التي تستحق الاشاده والاعجاب أتمني لك التوفيق
15/12/07, (01:41 PM)
رد: ما انتي مثل( نوت ) وانا ماني ( عقاب )...
العرض المتطور
