جعافره عند امهات المخاليــــــــل

[عبدالكريم العنزي]

ذهبت قبيله الجعافره بقياده مشل العواجي ( للحضير) الى خيبر وتركوا بعض الفرسان لحمايه القبيله من أي عدوان خارجي , وكان العدوان الخارجي متمثل بالحنشل لانهم لم يكونوا يتوقعون هجوم أي قبيله عليهم بعدد كبير . ومن الفرسان الذي امرهم الشيخ مشل بحمايه القبيله ابناء ( النمران ) وهم اخوان وابناء عمومه
.( والنمران فخذ صغير من الجعافره وهم ابناء اعمام للعواجيه ). ويعدون النمران فرسان بحق يعتمد عليهم مشل اعتماد كبير في معاركه .
المهم غزا ( منقره) وهو شيخ بلي . وكانت الجعافره على مورد لقط عند جبل عرنان .
وكانت المعركه بالليل وقتل في هذه المعركه اربعه من فرسان النمران وفرس اصيل لاحد فرسانهم .
وانكف منقره بعد مقتل النمران واخذا بعض الابل معه راجعا لدياره
فتمثل شاعر بلي ( التلافين البلوي) بهذه القصيده :

يابرد لاهبت عليـك النسانيـس=ولاجاك من وبل الثريـا نشيـه
غرنا على وضحاً عليهن برانيس=كلش ايلالي وسمهـا جعفريـه
باثمانهن ياماجدعنا من الكيـس=من ذود ابوعسكر زبون الونيـه
ياحيف ياسليمان ذيب المعابيس=يامشبـع الخطـار والاهلـيـه
منهم خذيناقضاه باربع ملابيـس=والخامسه باالليل بنـت العبيـه
اربع من النمران ماهم هلابيس=مثل القليب الياانهدم ركن طيـه
بالليل ضوالملح مثل المجابيـس=وعلى لقط يامادنت مـن منيـه
يوم انكم يم النخـل والدهاليـس=وحنا ورا عرنان ندفـع شويـه

بعد ان علم مشل بقتل فرسانه واخذ الابل نهى افراد قبيلته بأن لا يتمثل احد بالشعر وان لايرد وا على التلافين بقصيد حتى يأخذوا الثأر من بلي , ويكون فعلآ لا قولآ . وكانت مشكله مشل ان بلي كانت تسكن وسط الجبال , وكما هو معروف عن بلي اذا تم الهجوم عليها تحصنت بالجبال واخذوا يرمون الرصاص من بنادقهم على اعدائهم . وكان مشل يراقبهم ولما علم مشل في احد الايام ان بلي خارجين للغزوا امر الجعافره بركوب الخيل والاتجاه الى منقره , وكان يسابق الزمن خوفآ من ان تلوذ بلي بالفرار وتتحصن بالجبال
ولما التقى الجمعان بدأت رحى المعركه واخذت الجعافره تعاملهم بالسيف , وتقتلهم شر قتله حتى لم يبقى احدآ من الغزوا على قيد الحياه . ولما انتهت المعركه سمح مشل للشعار ان تقصد , ومن القصائد التي قيلت

حر تنهض يتبعونـه هـل الخيـل =الجمع يزبر والرمك لـه اضلالـي
طلعه رمع من راس عرنان وكحيل=وادلى بجول الصيد من راس عالي
يامنقـره جاكـم بعيـد المناويـل=مشل ضربكـم ضربـة بحتمالـي
اخذ حلالك غير ذبـح الرجاجيـل=هـذا جزاكـم يابعيـد المـدالـي
ذبحتوا النمران هـود مـن الليـل=هرج صحيحـاً والعدالـه تقالـي
جعافره عنـد امهـات المخاليـل=بياعتـاً لـروح والعمـر غالـي
ومنكم وقع سلمان ريف المهازيل =الـي لدكـلات السبايـا ايوالـي
خلوه ربعي طايحـاً كنـه الميـل=عليه سحمان الضـواري تلالـي
صاحاً عليـه منقضـات العثاكيـل=يبكن على سلمان ريف الهزالـي
يامنقره جوز حريمك غـدن حيـل=ترى حريمـك وجهـن للحيالـي
حريمكم ياسنيـد حيـل مراحيـل=تجرعن ويـلات حـزن الليالـي
ارجالهن ذبحـوا بحـد الغراميـل=بين البليطـا والهضـاب العوالـي
ذبحاً بحد السيف ماهـي تقاويـل=تسعين لحيـه عدنـا باالكمالـي
الذيب ياكل من عـذي المواكيـل=والطير ينقر مـن ثنـاد العيالـي

تقبلوا تحياتي


تم التعديل بالقصايد بعد رد اخي الكريم /بعيد الهقاوي