خلقت بالدنيا وانا مامعي شي = وباروح منها مامعي شي منها - °~*¤®§(§ شبـــكة ويــلان العـربـيـه §)§®¤*~ˆ°

**سليمان الجعفري** · 13/09/09, (06:00 PM)

هذه القصيدة وقصتها اعجبتني واحببت ان النقلها لكم وان شاءالله تعجبكم .

كان الشاعر مبارك فايز البخيت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا ينصحونه عن الكرم . حيث ان كرمه واجد جداً وحواله مصلحه . وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه له بعضهم فقال وشبلاك يامبارك عسى ما شر هل انت هوجست قال نعم .

سجـه مـع الهاجـوس طبيعتـلـي=طبيعتـن بامـوت ماجـزت عنهـا
اشكي على الخلاق وارفعلـه ايـدي=لاكثـرت الافكـار يـفـك منـهـا
اما الكرم قـد فازبـه حاتـم الطـي=حتى الفرس من شان ضيفه طعنهـا
خلوني اكرم في حياتـي وانـا حـي=ولامت مـدري جثتـي مـن دفنهـا
خلقت بالدنيـا وانـا مامعـي شـي=وباروح منهـا مامعـي شـي منهـا
لابد مانرحل عـن المـزح والغـي=ونسكن بيوتـن قبلنـا مـن سكنهـا
مسكين ياللي تحسب الواجـد شـوي=العافيـه لـو تنشـري وش ثمنـهـا
ياجاهل الدنيـا تراهـا كمـا الفـي=ويامخبل اللـي فـي حياتـه ومنهـا
ان ناحرتلك قامـت تـروح وتجـي=مثل الذلـول اللـي طويلـن رسنهـا
وان دبرت خلتـك طايـح ومرمـي=كم واحدن لـه حاجتـن ماضمنهـا
يالله عسى الحسنات تقضي على السي=لاقربـو للنفـس ذرعـت كفنـهـا

**هيـاا العـازمـي** · 13/09/09, (06:49 PM)

يصح لساان شااعرهااا

خلقت بالدنيـا وانـا مامعـي شـي
وباروح منهـا مامعـي شـي منهـا

انشهد وربي هذا حالنا جميع

.
.

الفاضل سليمان الجعفري

طبتَ

وطاب حضورك

ومليوون شُكراً لاتكفيك

إختيار جزل وجميل ..من روحٍ أجمل

وليدم لنا هذا الذوق وهذا الرقي

تقديري

هيـــااااا

**سليمان الجعفري** · 13/09/09, (09:24 PM)

اقتباس:

المشاركة الأصلية كتبت بواسطة هيـاا العـازمـي

يصح لساان شااعرهااا

خلقت بالدنيـا وانـا مامعـي شـي
وباروح منهـا مامعـي شـي منهـا

انشهد وربي هذا حالنا جميع

.
.

الفاضل سليمان الجعفري

طبتَ

وطاب حضورك

ومليوون شُكراً لاتكفيك

إختيار جزل وجميل ..من روحٍ أجمل

وليدم لنا هذا الذوق وهذا الرقي

تقديري

هيـــااااا

الكاتبه الرااائعه / هياااا العازمي

اهلا وسهلا فيك .. تشرفت بمرور كاتبه رااائعه بماتعنيه الكلمه..

ياكثر ماسطر قلمك من الابداع والرقي في جميع مواضيك ..

الله يعطيك الف عافيه ..لاهنتي ..على الاطر الرااائع

لك مني اجمل التحايا والاحترام

**أبو غرام** · 13/09/09, (09:58 PM)

نعم الاختيار ونعم الطرح يابو عادل

ابدعت وتفننت يابن عمي

ودي وتقديري لشخصك الكريم

**سليمان الجعفري** · 14/09/09, (05:06 AM)

اقتباس:

المشاركة الأصلية كتبت بواسطة ابو غرام

نعم الاختيار ونعم الطرح يابو عادل

ابدعت وتفننت يابن عمي

ودي وتقديري لشخصك الكريم

الاخ العزيز / ابوغرام

اهلا وسهلا فيك .. تشرفت بمرورك راااقي

الله يعطيك الف عافيه ..لاهنت يالغالي ..على الاطر الرااائع

لك مني اجمل التحايا والاحترام

**نافع عيد الجديد** · 14/09/09, (02:53 AM)

بيض الله وجهك على هذا الاختيار الجميل الغير مستغرب منك يابو عادل

قصيده كثير من الناس يرددها ولايعرف صاحبها

قصيده معبره وشاعر جزل

لك الاحترام والتقدير

**سليمان الجعفري** · 14/09/09, (05:12 AM)

اقتباس:

المشاركة الأصلية كتبت بواسطة نافع عيد الجديد

بيض الله وجهك على هذا الاختيار الجميل الغير مستغرب منك يابو عادل

قصيده كثير من الناس يرددها ولايعرف صاحبها

قصيده معبره وشاعر جزل

لك الاحترام والتقدير

الاخ العزيز/ نافع بن عيد الجديد

اهلا وسهلا فيك .تشرفت بمرورك الغالي على قلبي

الله يعطيك الف عافيه ..لاهنت .يابو عيد على الاطر الرااائع

ووجهك ابيض يالغالي

لك مني اجمل التحايا والاحترام