خلقت بالدنيا وانا مامعي شي = وباروح منها مامعي شي منها
هذه القصيدة وقصتها اعجبتني واحببت ان النقلها لكم وان شاءالله تعجبكم . كان الشاعر مبارك فايز البخيت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا ينصحونه عن الكرم . حيث ان كرمه واجد جداً وحواله مصلحه . وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه له بعضهم فقال وشبلاك يامبارك عسى ما شر هل انت هوجست قال نعم . سجـه مـع الهاجـوس طبيعتـلـي=طبيعتـن بامـوت ماجـزت عنهـا اشكي على الخلاق وارفعلـه ايـدي=لاكثـرت الافكـار يـفـك منـهـا اما الكرم قـد فازبـه حاتـم الطـي=حتى الفرس من شان ضيفه طعنهـا خلوني اكرم في حياتـي وانـا حـي=ولامت مـدري جثتـي مـن دفنهـا خلقت بالدنيـا وانـا مامعـي شـي=وباروح منهـا مامعـي شـي منهـا لابد مانرحل عـن المـزح والغـي=ونسكن بيوتـن قبلنـا مـن سكنهـا مسكين ياللي تحسب الواجـد شـوي=العافيـه لـو تنشـري وش ثمنـهـا ياجاهل الدنيـا تراهـا كمـا الفـي=ويامخبل اللـي فـي حياتـه ومنهـا ان ناحرتلك قامـت تـروح وتجـي=مثل الذلـول اللـي طويلـن رسنهـا وان دبرت خلتـك طايـح ومرمـي=كم واحدن لـه حاجتـن ماضمنهـا يالله عسى الحسنات تقضي على السي=لاقربـو للنفـس ذرعـت كفنـهـا |
يصح لساان شااعرهااا خلقت بالدنيـا وانـا مامعـي شـي وباروح منهـا مامعـي شـي منهـا انشهد وربي هذا حالنا جميع . . الفاضل سليمان الجعفري طبتَ وطاب حضورك ومليوون شُكراً لاتكفيك إختيار جزل وجميل ..من روحٍ أجمل وليدم لنا هذا الذوق وهذا الرقي :) تقديري هيـــااااا |
رد: خلقت بالدنيا وانا مامعي شي = وباروح منها مامعي شي منها
اقتباس:
الكاتبه الرااائعه / هياااا العازمي اهلا وسهلا فيك .. تشرفت بمرور كاتبه رااائعه بماتعنيه الكلمه.. ياكثر ماسطر قلمك من الابداع والرقي في جميع مواضيك .. الله يعطيك الف عافيه ..لاهنتي ..على الاطر الرااائع لك مني اجمل التحايا والاحترام |
رد: خلقت بالدنيا وانا مامعي شي = وباروح منها مامعي شي منها
نعم الاختيار ونعم الطرح يابو عادل
ابدعت وتفننت يابن عمي ودي وتقديري لشخصك الكريم |
رد: خلقت بالدنيا وانا مامعي شي = وباروح منها مامعي شي منها
بيض الله وجهك على هذا الاختيار الجميل الغير مستغرب منك يابو عادل
قصيده كثير من الناس يرددها ولايعرف صاحبها قصيده معبره وشاعر جزل لك الاحترام والتقدير |
رد: خلقت بالدنيا وانا مامعي شي = وباروح منها مامعي شي منها
ابن العم العزيز سليمان الجعفري ..
اولا كل عام وانت بخير يا ابو عادل وصيام مقبول ان شاء الله .. حقيقة سبقتني بهذا الموضوع فقد كنت اود ان اكتب عن القصيدة ومناسبتها حيث انني كنت ارويها سابقا لغير صاحبها الحقيقي وهو كما ذكرت انت انه مبارك بن فايز البخيت السبيعي حيث ان القصيدة ادعاها عدد كثير من الشعراء ظلما وبهتانا وبعضهم ضمنها قصيدة له كما فعل مفرج بن مفرح السبيعي وبعد اخذ ورد حول قائل القصيدة كون الامير سلمان بن عبد العزيز لجنة من عدد من كبار الشعراء والرواة وحققوا في القصيدة واستدعوا كل من له علاقة بها وقرروا انها للشاعر مبارك بن فايز البخيت السبيعي وهذا ما افادني به شاعرها في مكالمة هاتفية لي معه في شهر رجب هذا العام 1430 هـ واخبرني بالقصة كاملة وهي كما رويتها يا ابو عادل .. بودي ان اضيف انهم عند لومهم له قالوا له : ترا ما انت حاتم طي ولا ابن مهيد يوم تكرم بهالشكل .... واما قضية نسبتها لسعد بن جدلان فهو خطأ من مجلة المختلف ونفاها الشاعر سعد بن جدلان عنه في العدد الذي تلاه .. قاله وكتبه : خلف الغريب 24 / 9 / 1430 هـ |
رد: خلقت بالدنيا وانا مامعي شي = وباروح منها مامعي شي منها
قصيده رائعه حقااا
وقصه توخذ للعبره شكرا استاذي وتقبل مروري |
| الساعة الآن (07:58 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه