&&&&&من منبر الشوق ترسل لك عناويني&&&&&

[حمد الوايلي]

][®][^][®][اشتقت للويلان واعتذر عن الغياب الطويل ][®][^][®][

من منبر الشوق ترسل لك عناويني=تقدير وافر بكل احساس قدمته
يااصدق الحلم تدري كيف ترضيني=تعطيني الشوق في فنه وترجمته
في فعل صادق بردة فعل تكفيني=وتوقف الهاجس اللي زج همهمته
ان كان تبغى تشوف اللي بقى فيني=من صبر صامد تكسر ثم لملمته
تعال وافحص خفوقي مع شراييني=تستكشف انك دميت الجسم واجحمته
انا اشهد انك تحمَل مايعنييني=وانك بايدك دفنت القلب واعدمته
وش بك تغلى ونار الشوق تكويني= وانا خفوقي لنار الحزن سلمته
ماتعلم الغيب وانا الغيب يخفيني=لو اعلم الغيب حلمي ماتحلمته
لاشفت حالي تشوف الحزن في عيني= علمت قلبي يجر الآه علمته
لعل اهات قلبي هي تداويني=واترجم الحزن وانا ماتكلمته
كان الامل في مشاويري يخاويني=كنت ارسمه شي واقع ما تكتمته
لين ابتدا باخر المشوار يغويني=ويصغر بعيني بسرعه يوم ساومته
ورجع بنصف المسافه صار يشقيني=وانا رجعت لمساري يوم داومته
انا ادري انك لوافي الحب ترجيني=وانا وفيتك جفاك المر قاومته
من شان عينك رضيت الهم يأويني=وكتمت حزني بوسط القلب قسمته
بذلت جهدي على ماكنت تعطيني=وجاهدت عقلي على الصعبه ولجمته
شف كيف بس بعطاك اتكون تحييني=اشلون لاجيت في جوي وغممته
لاجيت تشرق وتفرحني وتضويني=ولارحت جوي تعتم وانت عتمته
ماعاد ابا اسرد دلايل مع براهيني=واثبت لك اني احبك والغلا همته
الهاجس اللي كتبه مع عناويني=يحكي عن الشوق وقافي ماتلعثمته

[سعد النفج]

الشاعر / حمد الوايلي
صح لسانك
مرحبا بك بعد الغياب ومرحبا بشعرك و ابداعك
مميز و كلمات رائعه ..
الله يعطيك العافيه اخوي حمد و بإنتظار جديدك..

[هندي المقبل]

الشاعر المميز حمد الوايلي

لو لم تعود لنا بعد هذا الغياب بهذه القصيده لحولناك للمحاكمه واخذنا الحق منك

لكن هذه القصيده الرائعه شفعت لك وجعلتنا من روعتها وجمالها ننسى الغياب

حمد الوائلي صح لسانك ونتمنى ان لايطول الغياب

تقبل ودي

[الصقار]

الاخ الشاعر

حمد الوايلي

قصيده ..رائعه وجميله بجمال حضور كاتبها

صح لسانك وسلمت يمينك

تقبل فائق تحياتي

[حمد الوايلي]

يعطيكم العافيه على المرور الكريم وإلي نور متصفحي

ويسعدني إن قصيدتي نالت على أعجابكم وأنها تكون مبررهـ عن غيابي

شكراً من القلب

[خلف الغريب]

الحقيقة كنت قد جهزت محاضر التحقيق للمتهم حمد الوايلي بتهمة الانقطاع عن شبكة ويلان العربية بدون سبب مقنع بناء على توجيهات الادارة
ولكنني فوجئت بهذا العذر السحري الرائع الامر الذي ادى بي الى تمزيق المحاضر والصمت امام جمال هذه الفاتنة ..

حمد الوايلي..

والله انك ابدعت وامتعت ..

عودة حميدة بدون انقطاع ان شاء الله ..

الف صح لسانك على هالمشاعر الراقية التي سكبتها هنا وفاح عبيرها في ارجاء شبكة ويلان ...

تحياتي وتمنياتي لك بالتوفيق..

[نافع عيد الجديد]

الشاعر / حمد الوايلي
صح لسانك
مرحبا بك بعد الغياب ومرحبا بشعرك و ابداعك