عزوتي دهمشية ... الجلعود - °~*¤®§(§ شبـــكة ويــلان العـربـيـه §)§®¤*~ˆ°

**راعي سميراء** · 17/08/09, (02:46 AM)

بسم الله الرحمن الرحيم

الله يسعد مساء الجميع بالخير والسرور

قصيدة جديدة تشرفت بالقاءها في زواج

الاخ العزيز

بندر بن فاضل العياشي الدهمشي

بالعاصمة الرياض ويسعدني ان ابارك له

سائلا الله ان يرزقه الذرية الصالحة

واهنئكم بمناسبة قرب شهر رمضان سائلا

الله ان يعيننا على صيامه وقيامه

دامي شمالي وعزوتي دهمشية = وربعي هلا الريشا زحول الرجاجيل
وقفاتنا بالعز والنار حية = نفزع وفينا بالمراجل حلاحيل
اهل الكرم والنخوة الوايلية = واهل الدلال المهدفات المهاييل
فرسان من ماض الزمان ودهية = مع الخوي عز الرجال المشاكيل
قاله نسل شمـّر زبون الونية = ربعه طنايا كاسبين التنافيل
بخوة جلاعيد (ن) تفك المطية = عز الخوي للي وطته الغرابيل
ودك بحزات الليال العصية = تعنز على اللي ذلل الصعب تذليل
اهل كفوفٍ للجزالة ندية = كبار العطايا مثل غيث الهماليل
وجدي سعود اللي شمخ بالعطية = راعي سميراء الدهمشي وافي الكيل
ربعي هلا الفزعات واهل الحمية = قولت هلا للضيف قبل التعاليل
في ظل حكامٍ تقود السرية = آل السعود اهل السيوف المصاقيل
قبيلة (ن) بالطيب نعم السمية = ويلان في وقت المجاعة مداهيل
وصلوا على المختار خير البرية = شفيعنا في وقت جني المحاصيل

للاستماع بالصوت

للحفظ

http://www.sadanajd.com/up/uploads/f...e23c02a185.wav

شعر اخوكم

ابراهيم بن عبدالله بن عبدالعزيز ابن جلعود

سميــراء ــ حـــائل

25 ــ 8 ــ 1430 هــ