دامي شمالي وعزوتي دهمشية = وربعي هلا الريشا زحول الرجاجيل
وقفاتنا بالعز والنار حية = نفزع وفينا بالمراجل حلاحيل
اهل الكرم والنخوة الوايلية = واهل الدلال المهدفات المهاييل
فرسان من ماض الزمان ودهية = مع الخوي عز الرجال المشاكيل
قاله نسل شمـّر زبون الونية = ربعه طنايا كاسبين التنافيل
بخوة جلاعيد (ن) تفك المطية = عز الخوي للي وطته الغرابيل
ودك بحزات الليال العصية = تعنز على اللي ذلل الصعب تذليل
اهل كفوفٍ للجزالة ندية = كبار العطايا مثل غيث الهماليل
وجدي سعود اللي شمخ بالعطية = راعي سميراء الدهمشي وافي الكيل
ربعي هلا الفزعات واهل الحمية = قولت هلا للضيف قبل التعاليل
في ظل حكامٍ تقود السرية = آل السعود اهل السيوف المصاقيل
قبيلة (ن) بالطيب نعم السمية = ويلان في وقت المجاعة مداهيل
وصلوا على المختار خير البرية = شفيعنا في وقت جني المحاصيل

للحفظ

http://www.sadanajd.com/up/uploads/f...e23c02a185.wav

أخي الفاضل راعي سميراء,,
( محددة الجمل )

المشاركة الأصلية كتبت بواسطة محمد خلف الزايدي (المشاركة 272740) أخي الفاضل راعي سميراء,, ( محددة الجمل ) صـــــح إلسانكـــــــــــــــــ على هالطرح الجزل بجزالة قايله وألنعم بالدهــامشــــــه , بدون قصور في بقية القبايل دام ابداعكـــــ وننتظر ماهو قادم من جديدك تقبل فائق تحياتي واحترامــــــــي أبو عبدالله / الخمعلي

حياك وبياك البنآخي الغالي

ابو عبــدالله الخمعلي

صح بدنك وماعليك زوود

ومرورك تاج على الراس

دمت عزيز ولاهنت

شكري وتقديري

المشاركة الأصلية كتبت بواسطة عوض بن خميس (المشاركة 272748) ونعم والله بمحددت الجمل الدهامشة ونعم باهل سميرا الجلاعيد سلمت قصيدة فى قمة الروعة والجمال اخى راعى سميرا تقبل تحياتى ومرورى

والنعم بحالكــ

الاروع ردك يالغالي عوض بن خميس

يسلم راسك

بيض الله وجهك

لاهنت

المشاركة الأصلية كتبت بواسطة مزيد المزيد (المشاركة 272783) ونعم ياراعي سميرا وصح لسانك ولاهنت دمت بكل خير

ماعليك زوود اخوي العزيز

مزيد المزيد

صح بدنك ودمت عزيز

مرورك وسام الله يوفقك

تحيااتي