كــيبورديـــــه ... واستلـــم يا بــدر حنــيـف
اعزائي اعظاء ويلان
بعد قياته 000 وكومه اسئله 000 استلم يابدر حنيف .. :)
يابدر للشعر وقـت وللقـوافي ثوره=والقصيد اللي معك يا صاحبي يحلا لي مايضيق ولا يروغ ولا يفارق طوره=وافي ولا له مع اهل التافهه منزالي الملك في ديره العميان عينه عوره=وانت تسلم لي عيونك فوقهم متعالي هاك بعض اللي طرا يوم طرت لي نوره=هاك بعضي واترك لبعضي لحن موالي يابدر و(العين بالعين) ياعيني وعينه حوره=لاتقول (السن بالسن) وتزود علي هبالي دونها عود يحرس البيت بالباكوره=ول .. عله .. من ضحى باكر .. بليا والي نوب عند الباب واقف .. نوب يمسح سوره=مار حتى ظلالها عيا ينوش ظلالي كن وجهي وجه جندي منتصف بالدوره=ناحل حاله وحاله ما يخالف حالي يستعد ويستريح وما يغيب حظوره=ويتمنا شوفه الغاليين .. غالي غالي ويالمسيكي لو تشوف اللي بهاك الصوره=كان ماتطري( شعيب الهيل) و(البغالي) |
رد: كــيبورديـــــه ... واستلـــم يا بــدر حنــيـف
الملك في ديـره العميـان عينـه عـوره
وانت تسلم لـي عيونـك فوقهـم متعالـي ما ادري انت مدحت بدر ولا سبيتنا ؟!! عموما ً يعطيك العافية . |
رد: كــيبورديـــــه ... واستلـــم يا بــدر حنــيـف
الملك في ديـره العميـان عينـه عـوره
وانت تسلم لـي عيونـك فوقهـم متعالـي يعطيك العافيه ياسلطان المسلط . |
رد: كــيبورديـــــه ... واستلـــم يا بــدر حنــيـف
عبدالله عايد
هلا وغلا فيك وماعاش اللي يسبكم يالويلان الملك في ديره العميان عينه عوره .. لكن فيه مثل يقول ( الاعور في ديره العميان ملك )) لا والله يا عبدالله عايد .. اللي يسبكم يسبني يالغلاا اقتباس:
|
رد: كــيبورديـــــه ... واستلـــم يا بــدر حنــيـف
سعود العواجي ..
هلا فيك يالغالي الملك في ديره العميان عينه عوره .. وانت تسلم لي عيونك فوقهم متعالي والله يا جماعه بيت مافيه شي .. لا تحسسوني بذنب مارتكبته سعود مكانك مرتفع ياسعود مودتي سلطان المسلط |
رد: كــيبورديـــــه ... واستلـــم يا بــدر حنــيـف
قله ترا الغيمه تبـي دهنـة السيـر
ان كان له خاطـر بباقـي غلاهـا هذي هي فئه الاعور في بلاد العميان ملك وبدر حنيف وصل رغم عنهم .. |
رد: كــيبورديـــــه ... واستلـــم يا بــدر حنــيـف
اقتباس:
...............................لاتفسرها على ماتريدها يالغالي وانت ياسلطان نوب ونوب من جمهوره .......................حسب عرفي والمعاني جزلها يحلالي اقتباس:
الاخ سلطان بغيت تكحلها وعميتها أعتقد بانك أخطاءت فهمها على كلاً الله يعطيك العافيه |
رد: كــيبورديـــــه ... واستلـــم يا بــدر حنــيـف
.
اقتباس:
الملك في ديـره العميـان عينـه عـوره وانت تسلم لـي عيونـك فوقهـم متعالـي الغالي سلطان المسلط.. من هم العميان ومن هو الاعور..!! يعني لاحنا اللي سلمنا منك ولا بدر .!! وماعلاقة الابيات المقتبسة من قصيدة مزيد ..!! هاك بعض اللي طرا يوم طرت لي نـوره هاك بعضي واترك لبعضي لحـن موالـي وحسبي الله على ابليس نوره شكلها هي اللي جابت العيد..:) عموما كلما اقرأ جديدك ياسلطان اشعر بأنني سبق لي ان قرأتك سابقا ولكن وين مدري..!! |
رد: كــيبورديـــــه ... واستلـــم يا بــدر حنــيـف
سـلـطـان مـسـلـط ، فــي هــــذا الرابط ... تجــد الـــرد عـــــســى ان يقــنــعــك . http://www.weelan.com/vb/editpost.ph...itpost&p=92701 بــــــــدر ،، |
رد: كــيبورديـــــه ... واستلـــم يا بــدر حنــيـف
اخوي القايد
العلوم الاوله والتاليه مخبوره ...............................لاتفسرها على ماتريدها يالغالي وانت ياسلطان نوب ونوب من جمهوره .......................حسب عرفي والمعاني جزلها يحلالي صح لسانك ويعطيك العافيه لكن ،، انا ما كتبت كلامي عشان ابرر ويعلم الله اني احبكم جميعكم بالله وليس لي هدف من القصيده سوى التقرب منكم اكثر و مداعبه بدر حنيف ببعض المصطلحات البحته لكن كبرتوا الموضوع منتدى ويلا ن يضم صفوه شعراء الخليج يضم مطلق النومسي ويضم ياسر التويجري وخلف مشعان ومزيد المزيد وسعود العواجي وبدر حنيف ومصلح النشمي وبضم الكثير والكثير من المبدعين الذين يتشرف الشخص بالتواجد معهم على سقف واحد والله الشاهد اني احببتكم كثيرا وكنت حريص على مشاركتكم وتركت منتديات كنت مشرف الشعر فيها وشريتكم لاتصدقون ان راح يجي اليوم اللي اسب فيه اي وايلي على وجه الارض اخوي القايد اتمنى ان تكون الرساله وصلت وانتظر ردك اخوك سلطان المسلط |
رد: كــيبورديـــــه ... واستلـــم يا بــدر حنــيـف
مصلح النشمي
في البدايه اجيبك على الااسئله اقتباس:
الاعور هو الشاعر البرحه الذي اشتهر عند هؤلاء العميان سؤالي لك واتمنى ان تجيب .. هل شعراء منتدى ويلان تنطبق عليهم هذه الصفه يامصلح والله مالكم حق بكل هاللي صار اقتباس:
قلت لبدر وانت تسلم لي عيونك فوقهم متعالي ومدحته بالبيت اللي قبله اقتباس:
اخوي مصلح النشمي .. كان كلامك جارح في النهايه لكن كما اني احترمت ردودك في بدايه دخولي للمنتدى سأحترمها هنا اخوك |
رد: كــيبورديـــــه ... واستلـــم يا بــدر حنــيـف
.
الغالي سلطان .. لا احب ان اعود لموضوع ابديت وجهة نظري فيه كي لاندخل في متاهات ونخرج من الموضوع ولكن ابشر لعيونك ابي اجاوب:) اقتباس:
السؤال نفسه اوجهه لك.. طالما انك شاعر وابياتك جزله يعني عارف المعنى من مثل هذه الابيات.. ياسيدي العزيز لاتأخذ بفهمي انا لوحدي..أيعقل ان يتفق فهمنا جميعاً وكلنا لنا في الشعر باع طويل..!! اما مالنا حق فالسموحه يالغالي طالما انك لاتقصد من الابيات مافهمناه :) اقتباس:
اقتباس:
ويابدر قل للي علـى كفـه الطيـر ماكل صيـده تشبـع اللـي رماهـا وللشاعر المبدع عسى فاله الخيـر وصل سلامي واخبـره فـي مداهـا قله ترا الغيمه تبـي دهنـة السيـر ان كان له خاطـر بباقـي غلاهـا بس مزيد هنا يقول (قله) والهاء ضمير للغائب اللي هو الشاعر المبدع ومزيد يخاطب بدر ..يعني ماهو بدر المقصود بدهنة السير و محشوم بدر عن (الغيمه) المقصوده فشلون تقول انه وصل;) لو كان غيرك كان عذرته بس انت شاعر واستغرب فهمك للبيت بهالطريقه..!! اقتباس:
وان احترمت ردودي فقط..فأنا احترمك شخصياً قبل ردودك..واختلاف الرأي لايفسد للود قضية.... اقتباس:
ولا يوجد اغلى وارقى من الاخوة التي تجمعنا هنا في الويلان.. هناك مقوله قديمة تقول كن صالح ..ولك مطلق الحرية فيما تفعل.. وصدقني قبل ان ابحث عن مطلق الحرية في ردودي ..فأنا ابحث عن صلاح ما اكتبه.. لك الحب ياسلطان :) تحياتي لك |
| الساعة الآن (05:53 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه