كل مالديت عيني في جمال البيض مره = ثم راقت لي هنوف كنت اظن الله فردها
انبهرت من اختها اللي زينها لله دره = عقب ماقلت ان ذيك البنت مايوجد بعدها
صدق اثر فالبحر دره فارده عن كل دره = لو زعم من غاص فاعماقه وقال انه وجدها
امس يوم الشمس ماباقي سوى مثقال ذره = والظلام اللي ثواني هجمته قرب عددها
كنت اناظر للغروب استتبع النور لمقره = لين مليت انتظار الليل والنفس بجهدها
اثر شمس الناس غابت والظلام اقفى بسره = واثر هذا النور شمس ثانيه عمت بلدها
اقبلت كن الثرى يشتمها ساعة تمره = كل ما تاطى حصاه تقول الاخرى ياسعدها
والنحل يرقص على عطر بممشاها تذره = عاف يشموم الزهر وانساق مع بلسم جسدها
اقبلت حتى اصبحت قدام عيني مستقره = قلت هذي فرصة ٍ ماني بمتحين وعدها
جيت ابانطق واستعير من الخيال حروف حره = لين قامت تقترب حتى بغيت اوصف نهدها
عاجلتني واهي ترمي بالسواد اللي تجره = ماقدرت انطق ولاادري يم بابي وش قصدها
قيدتني بابتسامه ثم قالت من تشره = هو ليامن جاك يلقى حاجته والا فقدها؟؟
قلت شكلك سامعه عني صديق ٍ للمبره = آمري والنفس تحت رضاك يامحلى نكدها
بينت لي كفها الايسر عسى الله مايضره = ملمسه يكفي عن الدنيا ويغني عن رغدها
معصمه به ساعة بيضاء وبه خيط تفره = ابيض لكن بياض الجلد منه امر وادهى!!
قالت اقر اللي على كفي وعنوانه تحره = اسم خل ٍ جت تبي لقياه ماخانت عهدها
تذكر الموعد مضى وقته وهي كره وفره = مالقت من يعرفه والروح بنهاية جلدها
قلت هذا فلان ولدفلان بيته مانغره = سهل الله لك دروبك والا انا حالي قردها
روحت والعين ترعاها ووسط القلب حره = واعذاب اللي تيقن له بحاجه وافتقدها
ليتني لو بس ساعتها او زراز ٍ تزه = ذا يداوي روحي اللي ماتداوت من كمدها
ماشرهت اصبح حبيب حالها بلياه مره = ومن غلاته ياعذابي سجلت اسمه بيدها

المشاركة الأصلية كتبت بواسطة خلف الغريب (المشاركة 292971) العزيز والغالي سلامة صح لسانك .. معصمه به ساعة بيضاء وبـه خيـط تفـره ابيض لكن بياض الجلد منه امـر وادهـى!! سلمت وسلمت مشاعرك بس لا تعود توقف قدام الباب هالحزة ( حزة عصير ) تراها دايم تسببب الضيقة .. تشرفت بالمرور هنا واكرر صح لسانك ...

المشاركة الأصلية كتبت بواسطة الجضيعي (المشاركة 292983) صح لسانك قصيده غاية في الروعه والجمال ابداع من شاعر اعتاد على الابداع والتألق قصيدة من الطراز الفريد الجعفري فعلا قصيده غير هذه المرة سلمت اناملك وسلم بوحك ودمت بخير

المشاركة الأصلية كتبت بواسطة سالم صالح (المشاركة 292988) الاخ العزيز / سلامة الجعفري صح السانك فانت شاعر مميز ومبدع واكبر دليل هذة الفاتنة والحقيقة غير هالمرة راااااااايح بيدها وصدق ابو خالد انتبه (لحزة العصير ) لله درك شاعرية فذة والقادم امر وادهى تسلسل مميز وقافية راااائعة الحقيقة اعجبتني كثير تقبل ودي ولا تعود تغيب

المشاركة الأصلية كتبت بواسطة سليمان العنزي (المشاركة 292997) ماشاء الله عليك الا عجبتنا 100% كيف وانت عيشتنا بهذا الجو وكأننا نشاهد معك صح لسانك

المشاركة الأصلية كتبت بواسطة الخالدي (المشاركة 293002) من طول الغيبات جاب الغنايم ابداع ابداع بلا حدود اقرأ هذه القصيده وكأني اتفرج على لوحة رسمها فنان مبدع صح لسانك ياسلامه

المشاركة الأصلية كتبت بواسطة سعد النفج (المشاركة 293016) الرآئع / سلامه الجعفري .. ما أروع هذا النص .. 2% لا و الله 100% يا بو بشآير .. صح لسآنكـ لين ترضى على هالشعر .. و الحمدلله على السلآمه و ان شاء الله آخر الغيبآت يالغالي .. دمت بألف خير ..

المشاركة الأصلية كتبت بواسطة حمد الخمعلي (المشاركة 293059) الاخ القدير سلامه صح لسانك وسلم قلبك على هالابداع الغير مستغرب من شاعر بحجمك0 كُن بخير

المشاركة الأصلية كتبت بواسطة سالم العنزي (المشاركة 293204) جزل ومبدع كالعاده .. صح لسانك ياسلام عليك ياسلامه انا هنا لتسجيل اعجابي .. اتمنى قبوله

المشاركة الأصلية كتبت بواسطة بدرفهد الجعفري (المشاركة 293206) الشاعر القدير : سلامه الجعفري لا املك الا ان اقف صامتا ورافعا عقالي لهذا النص صح لسانك وكفى

المشاركة الأصلية كتبت بواسطة عاشق المعالي (المشاركة 293210) ياسلام عليك ياسلامه نص وتوصيف جميل جدا ما اروعك وصح لسانك

المشاركة الأصلية كتبت بواسطة البدر (المشاركة 293224) كم انت كبير ومميز ياسلامه صح لسانك ملايين

المشاركة الأصلية كتبت بواسطة محمد العاند (المشاركة 293226) سلامه الجعفري يده شاعر كبير الله لايهينك اعجبني الوصف الاكثر من رائع درر وامر ودهى لاحاله هذا البيت قصيده صح السانك ملايين

المشاركة الأصلية كتبت بواسطة سليمان الجعفري (المشاركة 293318) الاخ العزيز / سلامة الجعفري صح السانك شاعر مميز ومبدع الله يعطيك الف عافيه قصيده راااائعه ووصف اروع حلقت بنا في سماء الابداع لله درك شاعرية فذة وتسلسل مميز وقافية راااائعة الحقيقة اعجبتني كثير تقبل ودي وتقديري ولا تغيب مره ثانيه الا ان تجيب مثلها

المشاركة الأصلية كتبت بواسطة سعود العواجي (المشاركة 293347) الله ياسلااااااااامه .. مبدع وكلمة مبدع قليله في حقك ... صح لسانك ...

المشاركة الأصلية كتبت بواسطة ماجد الجعفري (المشاركة 293418) الشاعر القدير والأخ الغالي سلامة الجعفري حضور رائع ...وتصوير فريد ..ومفردة راقية ..وتسلسل جميل ماذا عسى أن أقول امام هذه المميزات ...وكيف ستفي الكلمات بجمال هذا النص فأنت شاعر كبير ومميز بكل أمانه .... لله درك ...وصح لسااانك ..ولاهنت لا أخفيك فقد عشت الموقف معك من خلال هذا النص وكأني معك في الحدث لله درك من مبدع ... دمت بكل خير ...,دام هذا التميز سجل اعجاابي وتقديري