الشاعر القدير : بندر السديري

شاعر متمكن فاض علينا سَيلهُ في وقت نحن أمس فيه إلى ماطر

أرتوت ذائقتنا الشعرية بهذه الفاخرة وأزهرت ورود شبكة ويلان بقدوم شاعر بـ شاعريتك الجميلة

نشكرك على هذه القصيدة الرائعة يا جزل

وأعتذر على قدومي متأخر وصح الله لسانك مدد بلا عدد

دمت بخير ولاتحرمنا جديدك

بسم الله الرحمن الرحيم

هذه اول مشاركه لي بهاالمنتدى الرائع اللي اتمنى له ولـ اعضائه وادارته كل التوفيق والنجاح
وعسى هاالقصيده تجملني امامكم

سلام الله عدد ماغنت الورقا على الاغصان=وعدد مالاح براق الحيا وهلت تباشيره
وعدد ماسطر بكبد الورق من كايف القيفان=وعدد ماشب خفاق المولع شوق(ن)وغيره
على رجال(ن) تحل الكايده وتكرم الضيفان=مطالق(ن) تنومس باالسلوم وتحشم الجيره
وانا يومي ورت العد اسقاني وانا ضميان=وعلى جاله انوخ قاف حرفي وياالله الخيره
تحياتي على كل الحضور بمنتدى الويلان=وعسى ربي يجملني واسوق الطيب واديره
وهذي قافية بندر تمد يمينها من شان=تسافر في معاليق الحنايا بدون تأشيره
تدوج بفكر عشاق القصيد الرايع الطربان=وتشبع رغبة الشفقان للشعر بحذافيره
قصيدي ياقصيدي سم باالله وادحر الشيطان=تقدم وافتح قفول الصدور وفضها سيره
قصيد(ن) مايحرك جفن عين ومايهز إلسان=رفيق(ن) بار باالخوه وخانت به معاذيره
والا يالله دخيلك من حضور(ن) ابكم ونقصان=وانا في وجهك من غرور شيطاني وتقصيره

قصيدة منبرية .. مكتملة البناء .. شكراَ لك شاعرنا على حضورك القوي .............. تقبل صادق تحياتي