رد: كــيبورديـــــه ... واستلـــم يا بــدر حنــيـف
 

.




الملك في ديـره العميـان عينـه عـوره
وانت تسلم لـي عيونـك فوقهـم متعالـي


الغالي سلطان المسلط..

من هم العميان ومن هو الاعور..!!

يعني لاحنا اللي سلمنا منك ولا بدر .!!

وماعلاقة الابيات المقتبسة من قصيدة مزيد ..!!


هاك بعض اللي طرا يوم طرت لي نـوره
هاك بعضي واترك لبعضي لحـن موالـي


وحسبي الله على ابليس نوره شكلها هي اللي جابت العيد..:)




عموما كلما اقرأ جديدك ياسلطان اشعر بأنني سبق لي ان قرأتك سابقا

ولكن وين مدري..!!

رد: كــيبورديـــــه ... واستلـــم يا بــدر حنــيـف
 

رد: كــيبورديـــــه ... واستلـــم يا بــدر حنــيـف
 

اخوي القايد


العلوم الاوله والتاليه مخبوره
...............................لاتفسرها على ماتريدها يالغالي
وانت ياسلطان نوب ونوب من جمهوره
.......................حسب عرفي والمعاني جزلها يحلالي



صح لسانك ويعطيك العافيه


لكن ،،

انا ما كتبت كلامي عشان ابرر ويعلم الله اني احبكم جميعكم بالله وليس لي هدف من القصيده


سوى التقرب منكم اكثر و مداعبه بدر حنيف ببعض المصطلحات البحته

لكن كبرتوا الموضوع


منتدى ويلا ن يضم صفوه شعراء الخليج

يضم مطلق النومسي ويضم ياسر التويجري وخلف مشعان ومزيد المزيد وسعود العواجي وبدر حنيف ومصلح النشمي

وبضم الكثير والكثير من المبدعين الذين يتشرف الشخص بالتواجد معهم على سقف واحد



والله الشاهد اني احببتكم كثيرا وكنت حريص على مشاركتكم

وتركت منتديات كنت مشرف الشعر فيها

وشريتكم


لاتصدقون ان راح يجي اليوم اللي اسب فيه اي وايلي على وجه الارض





اخوي القايد اتمنى ان تكون الرساله وصلت وانتظر ردك


اخوك سلطان المسلط

رد: كــيبورديـــــه ... واستلـــم يا بــدر حنــيـف
 

مصلح النشمي

في البدايه اجيبك على الااسئله

العميان يامصلح هم من يطبلون للشاعر البرحه

الاعور هو الشاعر البرحه الذي اشتهر عند هؤلاء العميان

سؤالي لك واتمنى ان تجيب .. هل شعراء منتدى ويلان تنطبق عليهم هذه الصفه


يامصلح والله مالكم حق بكل هاللي صار


ليش حكمت من خلال بيت واحد وخليت الابيات الباقيه .. وحتى يوم جبت طاري الااعور والعميان

قلت لبدر وانت تسلم لي عيونك فوقهم متعالي ومدحته بالبيت اللي قبله




له علاقه يا مصلح هو يقول ان الغيمه تبي دهنه السير وانا قلت ان بدر وصل بدون السير ودهنته


اخوي مصلح النشمي ..





كان كلامك جارح في النهايه

لكن كما اني احترمت ردودك في بدايه دخولي للمنتدى سأحترمها هنا




اخوك

رد: كــيبورديـــــه ... واستلـــم يا بــدر حنــيـف
 

.

الغالي سلطان .. لا احب ان اعود لموضوع ابديت وجهة نظري فيه كي لاندخل في متاهات ونخرج من الموضوع

ولكن ابشر لعيونك ابي اجاوب:)




السؤال نفسه اوجهه لك.. طالما انك شاعر وابياتك جزله يعني عارف المعنى من مثل هذه الابيات..

ياسيدي العزيز لاتأخذ بفهمي انا لوحدي..أيعقل ان يتفق فهمنا جميعاً وكلنا لنا في الشعر باع طويل..!!

اما مالنا حق فالسموحه يالغالي طالما انك لاتقصد من الابيات مافهمناه :)


ياعزيزي,, ان هجوتني ببيت مبطن بقصيدة (مدح) من مائة بيت..فلن تشفع لي التسع وتسعين بيتاً كي امحو سوءة بيت الهجاء ..ولم اتطرق لبقية الابيات لأني لست في صدد نقد انما اوضح مافهمته وفهمه غيري..





لنعود قليلا للابيات..

ويابدر قل للي علـى كفـه الطيـر
ماكل صيـده تشبـع اللـي رماهـا

وللشاعر المبدع عسى فاله الخيـر
وصل سلامي واخبـره فـي مداهـا

قله ترا الغيمه تبـي دهنـة السيـر
ان كان له خاطـر بباقـي غلاهـا

بس مزيد هنا يقول (قله) والهاء ضمير للغائب اللي هو الشاعر المبدع ومزيد يخاطب بدر ..يعني ماهو بدر المقصود بدهنة السير و محشوم بدر عن (الغيمه) المقصوده فشلون تقول انه وصل;)

لو كان غيرك كان عذرته بس انت شاعر واستغرب فهمك للبيت بهالطريقه..!!

الغالي سلطان.. وهل تود مني ان احتفظ بما يدور في مخيلتي او ان اسره للغير..!! .. ياعزيزي رحم الله امرئ اهدى الي عيوبي والمجاملة ليست لا في صالحك ولا صالحي.. وما اجمل ان نكون (على وضح النقا) ابدي وجهة نظري ولك ان تؤيدها او تخالفها. او تصححها فالكمال لله عز وجل ونحن نستفيد من بعضنا..

وان احترمت ردودي فقط..فأنا احترمك شخصياً قبل ردودك..واختلاف الرأي لايفسد للود قضية....


ولا يوجد اغلى وارقى من الاخوة التي تجمعنا هنا في الويلان..







هناك مقوله قديمة تقول

كن صالح ..ولك مطلق الحرية فيما تفعل..

وصدقني قبل ان ابحث عن مطلق الحرية في ردودي ..فأنا ابحث عن صلاح ما اكتبه..


لك الحب ياسلطان :)


تحياتي لك