شعراء منتدى الويلان يشعلون فتيل الابداع (بالصور)

[ماجد الوايلي]

السلام عليكم ورحمة الله وبركاته

اقيم مساء يوم الخميس الماضي في محافظة حفر الباطن امسية شعرية لكلً من :

الشاعر : سعود العواجي

الشاعر : مزيد المزيد

الشاعر : بدر الحنيف

وكان عريف هذه الامسية... الاعلامي / عبدالله الثابت

بدا عريف الامسية .بمقدمة سلسه ورائعة كاعادته وبدا يتقديم الشعراء .....

بداية ليلة الابداع كانت مع المبدع / سعود العواجي

بــقــصــيــدة / (لا يازمن)

ترى الرجل في هالزمن لازم يحسب له حساب=أمـا بيغلـب هالزمـن وإلا الزمـان بيغلبـه
لك حق والله يازمـن لاشنابنـا محـدٍ يهـاب=دام الصغيـر بوقتنـا قـام يتفاخـر بشنبـه
لا يازمن في هالزمن كل ٍ يبي نفسـه عقـاب=يظن ذكره صار نـار وتـو مالـم ّ حطبـه

ثم انتقل بنا الشاعر سعود صالح العواجي إلـــى محطة لنتوقف بها ...لكي نعانق الجزاله والحبكه الشعريه الرائعه بقصيدة :

السكوت ارحم كثير من الكلام اللي نقوله=والكلام ان زاد عن حده وصل درب السماجه
والكذوب اللي بقوله مدعي دور البطوله=صار كذبه مثل نور الصبح لابان انبلاجه
ماسعى لهداية الله لو عرف سنة رسوله=ولايرده عن كلامه غير شيء" في مزاجه

وكانت نقطة الوصول هــــنـــا .....

لـ نذهب الــى عالم الروعه والابداع الشعري والمعنى القوي مع الشاعر / مزيد المزيد :

ياسيدي عبدالله العين بالعين=اللي تبين طيبها من رداها
ناسً غدوا بالمفترق بين دربين=ماينعرف وش وجهها من قفاها
اللي لفونا تالي الوقت غازين=جحادة المعروف نلعن ثواها

(وبشويش بشويش) نذهب مع مزيد المزيد ونعانق الحروف الابجديه بصياغه وايليه .. بقصيدة (بشويش):

بشويش هد اللعب بشويش .. بشويش=ياغاويً يمشي على درب غاوي
اركد هنا بالدرب نقطه وتفتيش=لنك بعكس الريح تمشي خلاوي
تسعى على التفريق والنهج تنبيش=تموت ضامي ماوصلت الحراوي

ومن ثم ننتقل من عالم الابداع وعالم الروعه الى عالم لا حدود له عالم الجمال عــــالـــــم الشاعر / (بدر الحنيف )

السوالف بعضها مثل الكمين=تطرح الرجال وتجيب خبره
ردها عني وقل درس" ثمين=لعنبو رجال من غير اثمره
والله ان اتفه رجل يامسلمين=من يسلم لحيته سلطة مره

صور من الامسية .......... :



على يمين الصوره سعود العواجي ومن بعده عبدالله الثابت ثم بدر الحنيف ثم مزيد المزيد

الشاعر : سعود العواجي

الشاعر : مزيد المزيد

الشاعر : بدر الحنيف

على اليمين : مزيد المزيد & ماجد الوايلي & سعود العواجي



من اليمين (الشاعر سعود العواجي & الشاعر مزيد المزيد & سندباد الشعر مصلح النشمي & الشاعر عبدالله الحجيلان الاعلامي عبدالله الثابت )



من اليسار ( مزيد المزيد & ماجد الوايلي & عبدالعزيز ابو وايل العدوان & سعود العواجي )



من يمين الصوره (سعود العواجي وابو وايل العدوان والاستاذ / عزيز الفدعاني وماجد الوايلي )


-*-*-*-*-*-*-*-*-*-*-*-*-*-*-*-*-*-*-

في الختام اتمنى ان يحوز ما قدمته لكم على رضاكم واستحسانكم وانشاءالله تكون التغطية اكبر بالامسيات القادمه باذن الله ...
ومن هذا المنطلق انوه بانه سوف يكون هناك (ملتقى الويلان) برعاية شبكة الويلان قريباً جداً وبالملتقى سوف يكون هناك امسيات شعرية ومحاورات وفقرات عديده والآن يتم الترتيبات لها .. فقط انتظرونا

اخوكم / ماجد الوايلي

[فهد معزي]

مشكور اخوي ماجد على هذا النقل

الاكثر من رائع وعلى هذا المجهود

ودمت

[مصلح النشمي]

.



اخي الغالي ماجد الوايلي شكرا من الاعماق لهذا المجهود الاكثر من الرائع


جهد تشكر عليه وماقصرت يابعدي


بارك الله فيك


واجمل مافي تلك الامسية بالنسبة لي انني قابلت الاحبة رغم عتبي عليكم لماذا لم تخبروني بأبووايل العدوان!!!!!!



تحياتي لك

[عزيز نفس]

الأخ ماجد الوايلى

بارك الله على المجهود الطيب

والله يحميكم من اعين الناس بلفعل شعراء طيبين

دمت فى رعاية الله وحفظه

[هزاع الساري]

الله عليكم يا الويلان


ماشاء الله


ما قصرتو والله

ونبي الاجتماع القادم ان شاء الله بالكويت


او بالرياض



وان شاء الله ما تنقطع هالاجتماعات بين عيال العم

[هيـاا العـازمـي]

الفاضل .. ماجد الوايلي

وعليكَ السلام ورحمة الله وبركاته

كل الشكر والتقدير واسمى آيات العرفان اقدمها لك على هذا الطرح

وهذه الروح البيضاء التي نتعلم منها سمو الاخلاق والكرم

أنتَ هنا تحمل لواء شعراءنا الشاعر سعود العواجي

والشاعر مزيد المزيد و الشاعر بدر الحنيف متجهاً

بهم نحو العلا ليرتفع النداء وتقيم القوافي عرسها في شبكة الويلان

للجميع في تلك الامسية كل التقدير وأصدق الامنيات بالتوفيق والسداد

والله يحفظكم ويرعاكم والى الامام

تحياتي

هيــــاااا العــــازمــــي

[صالح الضويحي]

لاهنت اخوي ماجد الوايلي

مجهود تشكر عليه وتغطية رائعه جدا

ابدعت وبالتأكيد ابدعوا الشعراء فهم مبدعون وحضورهم المتميّز يدركه الجميع

شكرا لك اخي ماجد وشكرا لكل من شارك بنجاح الامسيه

تحياتي للجميع