قم شق صدري تشوف ان الغلا مشرع =ماعندك الا غلاك وزولك وودك

[ابوالهيثم]

يسعدلي مساءكم جميعاً جتني رساله على الجوال من (؟؟؟)يقول


الوه صوتك بعيد وخطك يقطع = واذا انفصل فاشل الارسال من عندك
الصدر ضايق وراسي منك متصدع = ويشدني شي عمره مابعد شدك
طبعاً القصيده طويله وانا لا ادري هل هو قايلها اولا

استثارني بالقصيده ورديت عليه بهذه القصيد ه امل ان تحوز على اعجابكم

الوه انا اسمعك بس الخط مايجمع = صوتك يروح ويجي ماسمع بعض ردك
ابتسمع لصوتك بس مايسمع = تكفا تقرب تلفونك على خدك
ماشوف بالشاشه الا برج متقطع = ادور الذبذبه ومشي على حدك
دقيت في وقت محتاجك ومتوجع = ياوجد حالي على صوتك رغم صدك
ماقول صدفه لاوالله كنت متوقع = انك تدق وتشوف اللي فعل وجدك
قم شق صدري تشوف ان الغلا مشرع =ماعندك الا غلاك وزولك وودك
الصدر ضايق وقلبي فيك متولع = اصرف الشوق بس الشوق ماهدك
على الثريا شبكت الخط ويجمع = لو الدقيقه بميه ماغلت عندك
وشلي بصبر قديم وثوبه مرقع = ماصبر على غيبتك يالعنبو ودك

[عليا الشمري]

دقيت في وقـت محتاجـك ومتوجـع
ياوجد حالي على صوتك رغم صـدك

ماقـول صدفـه لاوالله كنـت متوقـع
انك تدق وتشوف اللـي فعـل وجـدك

الله قمه في الشعر والشعور معا ..
صح لسانك شاعرنا ..
وصحت قوافيك المترفه ..
تقديري ..

[سالم صالح]

صح السانك قصيدة جميلة من شاعر اجمل


ملاحظة ارجوا ان تتقبلها بصدر رحب ------- (كان ودي تضع كلمة متربع بدل كلمة مشرع ) وهذه وجهة نظر تقبل الصواب والخطا


وهذا لايغير في جمال القصيدة فهي رائعة بروعة شاعرها وكذلك موضوعها جميل جدا

تقبل تقديري واحترامي لشخصك دمت بخير وصحة

[الصقار]

الصدر ضايـق وقلبـي فيـك متولـع
اصرف الشوق بس الشـوق ماهـدك
على الثريـا شبكـت الخـط ويجمـع
لـو الدقيقـه بميـه ماغلـت عنـدك ........
ابو الهيثم مساء الخير والانوار ....صح لسانك ...قمة الابداع وانا اتمنى كل ماافتح الجهاز اجد قصيده جديده
دقيت في وقـت محتاجـك ومتوجـع
ياوجد حالي على صوتك رغم صـدك....
تقبل مروري ولك جزيل الاحترام

[هندي المقبل]

دقيت في وقـت محتاجـك ومتوجـع *****ياوجد حالي على صوتك رغم صـدك
ماقـول صدفـه لاوالله كنـت متوقـع ***** انك تدق وتشوف اللـي فعـل وجـدك

ابو الهيثم

احاسيس في قمة الروعه

صح لسانك على هذه المشاعر الصادقه والقافيه الرنانه

كعادتك عودتنا الابداع

صح لسانك

[البدر]

الله الله ما اجمل الشعر حينما يكون صادقا ومعبر عن احاسيس ومشاعر الانسان

ابو الهيثم ما اعذبك

[هاوي]

ياسلامي عليك يابو الهيثم

هذا الشعر الي يطرب

بس يوجع القلب شوي ياخوك القلب خضر وانت هيضتني

اقول صح لسانك وبس