ميسي ولعيبة ليفربول ^_^ - °~*¤®§(§ شبـــكة ويــلان العـربـيـه §)§®¤*~ˆ°

**عبدالله المعيوف الدهمشي** · 17/04/11, (07:33 AM)

تدري وش أكثر شي ٍ يغثني فيك=إنك يحبك من يشوفك ،، على طول
ماودي أحد ٍ يااريش العين يطريك=ودي بك مخبَّى وغامض ومجهول
أغار من ناس ٍ تمشى حواليك=واذا مشيت اقول يا حي هالزول
حبك تشربك مع شرايين مغليك=واشتبكت اسلاك الغلا عرض ٍ وطول
وازرار خط الكهربا بين اياديك=اتكهرب احساسي وهو فيك مشغول
علقت قلبي صار كنه (تِلِفريك)=متعلق ٍ بحبالك يصول ويجول
وانا تسَحِّب بي اذا جيت ناصيك=تسحيب ميسي في لعيبة ليفربول
واحيان اذا خربتها وجيت اناديك=اتشوتني وتسجل بشوتتي قول
ياخي تعدَّل .. يا تجيني او آجيك=أما كذا ،، شغلتك ذي شغلة خبول

طبعاً ما اخبر ميسي سحب بليفربول لكن للضرورة الشعرية :d

**فــرج الدهمشي** · 17/04/11, (08:48 AM)

الشاعر عبد الله الدهمشي

صح لسانك مدد رائع دائما

بانتظار مايفيض به قلمك

**مشهور الرشدان** · 17/04/11, (09:37 AM)

الشاعر القدير / عبد الله الدهمشي
صح لسانك وعتلا شانك شاعر متمكن مشاء الله عليك
بنتظار جديدك حفظك الله رعاك

**سالم صالح** · 17/04/11, (09:48 AM)

عبدالله الدهمشي ’’

صح السانك رائع دائما وقصيدة مميزة وميسى ماخلا احد ماسحب فيه من هاللعيبة فالله يعينك اذا كان خلك مثل ميسي هههههه

الله يعطيك العافية قصيدة راائعة ومميزة بكل امانه وانت شاعر مميز

وتقبل جل تقديري

**محمد بن موسى** · 18/04/11, (02:59 PM)

تدري وش أكثر شي ٍ يغثنـي فيـك
إنك يحب من يشوفك ،، على طول

عبدالله الدهمشي

صح الساانك ملايين يالغالي

قصيدة رائعه بروعة وجمال كابتيها

استمتعت جداًُ بقرائتي لها

فأنت صاحب لمسات واسلوب

تجعل القارئ يبحر مع نصوصك الى ابعد أفق

ولكن اتوقع ان هناك خطأ املائي في اول شطر ؟؟

تقبل مروري وجل احترامي

كن بخير

**اسيرة الزمن** · 18/04/11, (09:47 PM)

صــــــــــــــــــــــــــــــح لسانك . . . أبيــــــــــــــــات رائعة

يعطيك العافية

**بنت الكحيلا** · 19/04/11, (12:06 AM)

صح لسانك اخوي عبدالله المعيوف

والله يعطيك العافية على القصيدة الرائعه

كتبت فأبدعت بارك الله فيك

تسلم ويسلم بوحك الراقي

لك شكري وتقديري