بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
اعضاء وزوار واداره هذا الصرح الشامخ ( شبكه ويلان العربيه )
اعود اليكم في برنامج لقاءات الذي سلطت الضؤ من خلاله على الشعراء الذي لم يخدمهم الاعلام
لقاءنا هذه المره مع الشاعر الكبير عبد الله سعود فياض الجعفري العنزي
اهلاً ومرحباً بك ياطير شلوى
اعتذر عن الاسئله واكتفي بالقصائد والصور
الشاعر / عبد الله سعود الفياض
يامرحبا وانور المكان = وان ماوسع تاسع عيوني
يامرحبا بمنتدى ويلان = ولي الشرف يوم زاروني
عنهم لفاني ابن رشدان = وافي ومن ربع يافوني
مشهور علمه وذكره بان = بالطيب والناس يدروني
اعلام عنزه
إسري ياحروف القوافي=إسري باليوم الثقافي
وارقي براس المشرافي=وقولي عبدالله عناني
أمرتك بالأمر السامي=لعيون ربوعي وحزامي
عنزه والموقف حامي=فيهم تزين المعاني
ياأعلام عنزه إرتزي=عنزه عزها عزي
جبالٍ ترسي ماتهزي=من عبر ماض الأزماني
تشهد جميع القبايل=لربعي سلايل وايل
يوم الفعايل هوايل=للفعل يوجد برهاني
وقفتهم محداٍ جهلها=لو إن الإديه دبلها
عنزه ربعي أهلها=جابوها عيال الويلاني
ماهي غريبه وقفتنا=من قبل عندك نخوتنا
بالماضي حصه جابتنا=وأجلينا عنها الأحزاني
ولعيون البنت ولرموشه=هزمنا كسرى وجيوشه
عقب المعزه نحوشه=من أجل بنت النعماني
الشكر لله سبحانه=من قبل الزير وزمانه
من دوراٍ زايح أمانه=وحنا نسود العرباني
أفعال عنزه مثيره=سدنا بسيوفاٍ شطيره
إنظر تاريخ الجزيره=سدنا قاصيها والداني
وحكمنا الشام وشماله=وأرض العراق ومن جاله
بالغصب ماهي جماله=بقيادة شيخ الشيخاني
بقيادة إبن هذالي=ابطالٍ تارث أبطالي
تاريخٍ يبقى للتالي=عن ذكره يعجز إلساني
وألا العوجان عواجيه=بأفعالٍ ماهي منسيه
شيوخاٍ نارهم حيه=هم مقدم ولد سليماني
والأيدا خزام الفيلي=لهم فعايل تهيلي
لاركبو فوق الأصيلي=النعم بكل الإيدياني
والرفدي شيخاٍ للسلقا=من ورى نجد اليالبلقا
شيوخاٍ بالفخر ترقا=بأفعالٍ لها بياني
ونعمن بالشيخ الطياري=شيوخاٍ ماكر حراري
هم بعيدين الأذكاري=شيوخآ شانهم شاني
والمرشد ويا إبن غبيني= لهم تاريخٍ ثميني
يوم المواقف وافيني = ربعي ذربين الأيماني
والملحم ويا إبن سميري = أهل التاريخ الشهيري
تاريخٍ عزه كبيري = من ورى نجد إليامعاني
ورويل إن قلنا ياروله = المجد هم ساسه واهله
وتاريخٍ محداٍ إجهله = مقدمهم إبن شعلاني
ومصوت بالعشا إمهيدي = شيوخ المجد التليدي
فازوا بتاريخٍ مجيدي = مقدم شيوخ الفدعاني
ونعماٍ بشيوخ المجلادي = أهل الفعايل وكادي
حرارٍ وقت الهدادي = هم مزبن من جاهم جاني
ونعماٍ بالشيخ الفقيري = شيوخاٍ لهم تقديري
هل التاريخ الكبيري = من ظمن شيوخ الويلاني
نعماٍ بشيوخ القبيله = وبفعلاٍ واضح دليله
فخرهم عزاٍ نشيله= يبقى لعزوتنا عنواني
الطنخه والله طنختكم = ياربعي محلا جمعتكم
ويلان تعجبني نخوتكم = نخوتكم ثورة بركاني
وأختمها بأحلى تحيه = ياربعي صكوا عليه
الدحه وين الدحيه = والحاشي وسط الميداني
الشاعر مع والده سعود فياض العنزي
الحمدلله ما اتحسف على شي = ونفسي قليل المعرفه ماشحنها
مؤمن ومتعافي ولا منهجي سي = وطرق المراجل ماتخليت عنها
وان ضاقت بوجهي ولاجت بيدي = اطلب ورب النفس يجلي حزنها
اطلب كريمآ خالق الخلق يعطي = سبحانه ارزاق الخلايق ضمنها
وارفع مقام النفس عن قول ياخي = مااهين نفسي لين تلقى كفنها
ومدام مااخطينا وعلى الصدق نمشي = ماهمني هرج الرخوم وعفنها
لشافني اقبلت يركض رضا لي = يضحك بوجهي والبغيضه دفنها
ولشافني اقفيت قال سوته بي = هافي ضمير وكلمته ما وزنها
رضا البشر كايد لنا قيل مبطي = رضا البشر غايه ولاحدن مكنها
وياحي بيتنن من الشعرياحي = بيتن من شاعر بيوته وزنها
سمعتهن وعلى قوافيهن ابني = واقولهن قول القصيده ثمنها
خلقت باالدنيا وانا مامعي شي = واروح منها مامعي شي منها
خلوني استانس بها دامني حي = وان مت مدري جثتي من دفنها
محدثكم مع الشاعر
حضرمن يمين مدرستي الشعريه الشاعر سليمان الهويدي والاديب ماجد السعوود
هذه القصيده مسنده الى الشاعر الكبير / بشير بن سماح العنزي
هاض الضمير اسباب هماً لجابه = هموماً لجت بالقلب ويعذبنه
اصبر على جرحي ولاحداً درابه = حتى اكثرن بالجوف ياما صطنبه
اقول انا السؤال وأبغى الاجابه = عندي كلام بس انا حايرنبه
كنى كما اللي تايهاً وسط غابه = يتابع الخطوات ياما غدنبه
نتوه في دنياء كثيره غرابة = وقتاً يحير كل شخصاً فطنبه
أبشتكي للقرم فتاح بابه = بشير بن سماح ياجهلنبه
يشره على الطولات ويتعب ركابه = وكل الصفات الطيبه ينلقنبه
اشكي زمانً هالني بقتلابه = ولاحداً عرفله مسلكاً ثابتنبه
شفت الصديق اليوم يجحد اصحابه = وللدرب الردي رجليه عجلاً مشنبه
وشفت التفرق صار بين القرابه = سبه غرور النفس واللي فتنبه
وشفت احتقار الناس اكبر معابه = وسب الرجل من غير مايشاف ذنبه
واللي يتكبر مايحصل مثابه = يفقد اصحابه عقب ماهم بجنبه
واللي يعزك عز واكرم جنابه = والا الردي تر ماحداً بالشنبه
احذر تغرك بس نظرة ثيابه = على العفانه بس متمظهرنبه
وراعي الوفاء تر الوفاء ينلقابه = والا الردي لو تكرمه خاسرنبه
نصايحاً للي فهمها ونابه = نصايحاً يالله عسى ينفعنبه
وصلاة ربي عد مامطر سحابه = على محمد عد مايمطرنبه
وهذا رد الشاعر بشير السماح
يالله يامرسي رواسي هضابه = تفرج هموم اللي همومه لجنبه
قامت تلاطم والغلط في حسابه = ومع كل وادي لين تعانقنبه
غدا لهن هيضات ماهي طلابه = وهديتهن باسم الولي واستعنبه
وجبت القلم واحضرت بوك الكتابه = وجبرتهن لين انهن طاوعنبه
للشاعر اللي فيه طيب وحبابه = وأنا على اللزمات جنبي بجنبه
عبد الله بن سعود يسلم شبابه = اللي على الطولات هجنه سرنبه
يامسندي خلك نمر وسط غابه = صميدعي للعوج مازرفلنبه
من قابلك بالزين قله هلابه = ومن صد خله عنك لاتشتحنبه
تبقى عزيز وماقفك به صلابه = وخل الردي ركايبه ينتحنبه
جعله مهف مقيط مابه حبابه = في صحصحً بس الذيابه عونبه
والذيب يسطي لو تنابح كلابه = لجاتهن ماتفيد لو نبهنبه
ياخذ عشاه وضارياً للنهابه = ولاهو بحال ناصحاً مااثرنبه
وتر خوه الانذال عيب وكآبه = يسير تاليها سفاله وخنبه
ولو طبت به يجزاك بالانقلابه = ردي حظ البيض ماملحنبه
هذي عوايد فاشلين العصابه = مع عابد الوجهين لا ساعفنبه
ينسى الجميل ومدتك لرشابه = ويبيع معروفك وينسى الثمنبه
خايب يعله للوهم والخيابه = والا يرشه حامياً من طرنبه
لكن اليا برقت لك انجنابه = خل العفون بسكنها تنخزنبه
غنا لها المطرب وراع الربابه = الوقت شن هجوم كلن فتنبه
وجنب طريقك عن طريق المعابه = وترى صديق اليوم مايؤتمنبه
وقلبه خسيس لو ضحك لك بنابه = وزمايله على الردي روجنبه
يشن حرب ولايثمن جوابه = على طريق الخير لادرهمنبه
وشيب عيني كان لجيتها اطلال = اطلال للماضي ولافيه حاظر
بعد الغياب وكل مانذكره زال = وشلون اباقف كيف عيني تناظر
يابدر شيل الصوت مع ضايق البال = يابدر شيل الصوت وش انت ناطر
الهم والغربال من حالتي نال = حالي تزيد الهم ماتسر خاطر
من اولآ صاحبك حاله ماهي حال= هم الغياب بقلب صاحبك قاطر
واليوم بعد غياب وافراق واطلال = تحطمت آمال ماكان ناطر
ويابدر جرالصوت موال موال = همي لعب باالقلب وابليس شاطر
انا احسبك من حالتي حالك على حالي تضيق = لا مادريت انك بعكس الحال هي وظنها
انا من اشواقي قبل لاكلمك طال الطريق = كلمتك وكلي وله وانت الخيول تعنها
انا وانا في موقفن محتاجلك حاجة صديق = القاك تعلن صدتك واقسى الحروب تشنها
ياطير هذا ماجرى جرحي من اسبابه عميق = ماهو بجرح الأ جروحن ماقدرت اكنها
ياطير هذي قصتي يااللي مع الخوه رفيق = اما انت طربي وانسها والأ انت عني غنها
ابيات مهداه لشيخ / كريم بن محمد السويلم يرحمه الله
يالحر تزها قولت الحر الاشقر = حيثك على اسمك والمسمى دليلي
هديتك وصلت وبالخير نشكر = حيثاً لك عاده بكسب الجميلي
الله يجيرك يالسنافي من الشر = يابن سويلم فعلكم له دليلي
ياكريم اللي بالصعيبات تذكر = مثل البليهي يرتكي للثقيلي
أفعالكم وسط الدواوين تنشر = يابن الشيوخ مزبنين الدخيلي
ابن الذي بالطيب يمدح ويذكر = محمد اخو شاهه وفعله جزيلي
ذباح للخرفان وللذود ينحر = ياشح في زاده خطاة البخيلي
يضحك حجاجه يالفوله ويستر = بابه امبرهج بين صبحاً وليلي
وانتم حرار وماكر الحر يظهر = وسرتوا على المنهاج مافيه ميلي
وانت العزيز وفي مرافقك نفخر = رجلاً ملم وبالمعاني نبيلي
والا الردي مبغاه قربه يخسر = أميل للطيب واكب الهزيلي
اشفق على رفقة اعيال مطمر = ومرافق اللي مثلكم يستويلي
قرماً يساندني على الحلو والمر = وفعلك مجرب ماظيله دليلي
واختامها نرجوا السموحه وتعذر = وماقل دل ونكتفي بالقليلي
ولاصلاة ربي عد مزناً تنثر = على النبي ماهل مزناً مخيلي
من يمين ابو ليان وضيفنا الكريم والشاعر سليمان الهويدي
هذه قصيده الرد من الشاعر كريم محمد السويلم يرحمه الله
ياراكب اللي تو ورد وصدر = اوراق جمرك سلموها الوكيلي
ماعد طلبون المسافه ومتر = مصفر الطبلون ماعد ميلي
نوع الشبح اخر مديلاً محضر = مايشتريه اللي رصيده قليلي
ياشافه المفلس بوصفه تحير = وده بمثله مار مامن حصيلي
جاه الزبون اللي برصيده يفاخر = وعد الثمن به كاش ليد العميلي
لو سقت مالك بالشبح ماتخاسر = مركب مريح وبالوصايف مهيلي
جاني وعنيته بخط ً مسطر = يحمل بطياته سلاماً جميلي
ياحامل المكتوب وده وتشكر = لعبد الله بن سعود رجلاً نبيلي
يحمل شذى الريحان ومسكاً معطر = سلام مني عد يوماً وليلي
خطك وصلني واضحاً لي معبر = فرحت به فرح العرب للمخيلي
يامرحبا به عد ماساق وامطر = نو السحاب اللي مزونه ثقيلي
اهلاً هلا مازار زاير وكبر = ماطاف طايف وماسعى بتهليلي
بالقاف والقايل وبيوت كما الدر = شاعر وفاء ولاشعار فكره تميلي
مدحتني وانتا بالافعال نادر = ولو مانت طيب مامدحتك بقيلي
امدحك وامجدك والاش يخسر = ياطير شلوى للمحامل تشيلي
والنجر يضرب والمعاميل تسطر = ومبهرات بين عوداً وهيلي
ولاكل زرعاً يافتى الجود يثمر = ولاكل براقاً لمزنه تخيلي
تحتار في وضع البشر لو تفكر = ودنيام هذي بين عدلاً وميلي
ودنيا الفناء دولابها دوم يفتر = ولابد من يوماً قفاه الرحيلي
اضرب على ماتشير والرزق ساير = والحر مرقابه علو الطويلي
عندي خبر بهوايتك طلعة البر = وتشب نارك في خطاة المسيلي
تدور من صيد البراري وتسبر = وتقصن لا حودرن للمقيلي
وتطرق نظرك بروض مزهر ومخضر = تلقاء الخزامى مشاجره والشتيلي
وتبعد عن ناس تكح وتكبر = ناسً فشقهم طيش غثو المسيلي
ومجالس لوجيهها توجس الشر = وعاقلهم اللي لانظرته هبيلي
((قصيده الخوي))
قل للذي يبغى يدور خويه = لايخاوي الا رجال صافين وافين
خوة رجل يسوى من الناس ميه = رجلاً فعوله بالمواقف براهين
فيه الشجاعه والكرم والحميه = ودايم حجاجه مسفهل خاطره زين
وفيه الخصال الطيبه حي حيه = وفيه الوفاء دايم على العسر واللين
ولايخاوي اللي كل يوماً بنيه = اللي تغير صحبته بعد يومين
يالعنبوه الاش نفسه رديه = مقلب النيات يلعب بوجهين
لصار محتاجك فلافيه زيه = ولصار ماله شين كنك ولاشين
وعلى الخوي ماتدفعه غايريه = يكشف عيبوبه للقريب والاقصين
وصيتي كانك سمعت الوصيه = كلن عطه قدره وخل الرديين
حق الردي بالذل والمحقريه = يحقر ويحسب من حساب المساكين
وراع الوفاء والطيب له مقدريه = مقدر ويبقى على الراس والعين
وقل للذي يبغاء يدور خويه = بوقتنا مامن خوياً على الدين
واذا لقى يبشر وياخذ هديه = يمكن تكون المعجزه بوقتنا الشين
درع تذكاري تكريمي مقدم من / شبكه ويلان العربيه
انتظروني في لقاءات اخرى ومع شعراء اخرين
تحيااتي / مشهور هويدي الرشدان
29/06/11, (04:47 PM)
(لقاءات ) مع الشاعر / عبد الله سعود الفياض
العرض العادي
