نــ 2 2 2 ـــــــــــاصر - °~*¤®§(§ شبـــكة ويــلان العـربـيـه §)§®¤*~ˆ°

**خلف بن فهد الراشد** · 22/05/08, (12:48 AM)

الزين والله لغدا الروض منقع ___والقشع يزمي بالخظار وصفاره

والجيب ابو الجيب وحرآ مبرقع ___ اخير من ضوضا الرياض وعماره

مع رفقتآ تروم هد المصرقع ___ الي لمنه كفخ في مطاره

يشمخ لكبد الغيم وبساع يرجع ___ظاري على رمي الحكيم بمساره

حرآ خزر بالقاع صيدآ مبقع ___ طيرآ هوى صيد فال ونظاره

ياناصر ادري مابها لي مهجع ___ من النظيم لين حي السفاره

عزي لمن مثلي بنومه يفجع ___ كنه مجند مسكوه الخفاره

وظابط خفر مللجآ يوم وزع ___مهام جنده كل جندي بحاره

**سعود العواجي** · 23/05/08, (03:34 PM)

يشمخ لكبد الغيم وبساع يرجع ___ظاري على رمي الحكيم بمساره

خلف الراشد

قصيده جميله من شاعر أجمل ..

صح لسانك

**خلف الغريب** · 24/05/08, (10:12 AM)

شكرا لوجودك خلف ..

عز الله هذا الزين ..

الف صح لسانك..

**تركي صالح** · 24/05/08, (01:58 PM)

الاخ القدير / خلف الراشد

يعجبني أصرارك وتفانيك لتقديم الافضل

ويعجبني فيك حسن تقبلك للنقد

فأن دل ذلك فأنما يدل على ثقتك العاليه بنفسك

وأصرارك لتقديم الافضل

تقدم في الطرح والقادم أفضل بأذن الله

أهنيئك من القلب على ما قدمته

وأتمنى لك التوفيق

**خلف بن فهد الراشد** · 25/05/08, (07:36 AM)

تركي صالح
مشرف منتدى الشعراء

هههههههههه
يارجل الله كريم
انا بس عبيط شوي
واحب اعاند
حياك وحي مرورك الغالي
النقد لما يكون عن درايه احبه
اما تشدق وكلام بس لعدم وجود كلام اسميه سماجه
واسمي راعيه مهايطي

حياك ورحب ومسهلا
بود الكون

خلف الغريب
مشرف منتدى المحاولات والمختارات الشعريه

ياسمي حياك ورحب ومسهلا
انا تعودة على وجودك لجوار بوحي
اخ وصديق وابن عم
فالك مودتي
الغالي

سعود العواجي
مشرف المنتديات الأدبية

اه والله يسي العواجي بيه
انت الي جميل ومرورك اجمل
دنتا يارجل شرفة الحرف
ومجيك لحد بوحي دى بحد زاتو تكريم
لاخلا ولاعدم

بود
خلفكم
للجميع

**سعود المسعودي** · 25/05/08, (08:37 AM)

خلف بن فهد الراشد
صح لسانك وعلا شانك
وتقبل مرور ودمت بود وخير وعافية

**مصلح النشمي** · 26/05/08, (10:08 PM)

.

الغالي خلف

صح لسانك مليون

معاني سامية وجميله

الوزن يحتاج لاعادة نظر

لك الحب والتقدير

تحياتي لك