ذا قــ ــول مــ ــن لا هــ ــو بـ للـ ــنـ ــفـ ــس تـ ــبـ ــاع ,,!

[فايز العبدلي]

لا أود ان اقدمها بمقدمات تقبلوها كما هي

يوم الخلايق فـي دجـا الليـل هجًـاع=انـا مـن الاوجـاع عفـت المنـامـي
اسهر ومجضاعي علـى روس الاكـواع=من ساطي(ن) يودع حشا الجوف دامـي
ارى جروحـي ترتـوي بنزفهـا القـاع=وكن الوطا من لاهـب القيـض ضامـي
وين المداوي .. لا غدى القلب ملتـاع !=ووين العيون لراحتـي مـا تنامـي ..!
ووين الكفوف .. اللي يكفـن الادمـاع !=ووين الذي لنيران صـدري غمامـي ..!
وش عاد لو ناديت وش فود الاسماع ..؟=يا ضحكة الشامـت ويـا رمـاح رامـي
يا وجد حالي وجد مـن جتـه الافجـاع=في موت ( خيًه ) وان بكى ما يلامي ..!
ويا وجـد وجـدي عـد مـا لاح لمًـاع=واعداد ما ادمـى نـاب سنـي ابهامـي
ووالله يا لو لا ما ورى عوج الاضلاع ..!=لا ابيح في سد (ن) له سنين كامـي ..!
ونفسي كما حر (ن) عـن الـذل جـزاع=عزيـز عـن ذل المطامـيـن صـامـي
ويـوم الـردي للنفـس خايـن وبيـاع=هدرت كاللي لا غشى القـاع طامـي ..!
يا دار وين اللـي يعـزون الاتبـاع ..؟=قصيرهـم .. دخيلهـم .. مـا يضامـي
اقفت ركايبهـم .. سفـر دون مرجـاع=وخلفهم ... اللي يفلتـون اللجامـي ..!
ذا قـول مـن لا هـوب للنفـس تبـاع=ولا داس يوم مرودعـات الوشامـي ..!

فايز بن سليمان العبدلي

[القايد]

الشاعر القدير فايز العبدلي

صح لسانك ملايييييييييييين ولا يكفون

قصيدة أكثر من رائعة حملت بين طياتها الجزالة والابداع الامتناهي

تقبل أعجابي وتقديري

[تركي صالح]

الشاعر القدير / فايز العبدلي

صح لسانك ملاييييييين يالنشمي

على هذا الابداع وهذه الروعه

أبيات صيغت بأسلوب شاعرها المنفرد

يامال العافيه على ما قدمته لنا خلالها

وتقبل خالص تقديري ومودتي

[صالح الجطيلي]

ويا وجـد وجـدي عـد مـا لاح لمًـاع
واعداد ما ادمـى نـاب سنـي ابهامـي

الله الله

صح لسانك يا فايز على ها القصيده الجزله

الله لا يهينك وجعلك سالم

اسأل الله لك التوفيق

[ماجد الغانم]

الأخ العزيز

فايز العبدلي



صح لسااانك ..ولاهنت

قصيدة في غاية الرووعه والجزالة لله درك ولافض فوك

دمت بكل خير

تقبل تحياااتي

[شيهانه]

الاخ

فايز

صح لسانك

وقصيده ولا اروع


سلمت على هذا الابداع
....................

[سالم صالح]

فايز العبدلي


صح السانك قصيدة جميلة بجمال حضورك المميز