إرتفاعات الاسعار

[مسعد النافل]

السلام عليكم ورحمة الله وبركاته :

من دون تكرار المعاني والافكار =وصيت مندوبي على غير تكرار
ماني من الي يعكسون القصايد =الي بتغير المسارات مكار
يدري بانه ماكتب شي يسوى = لكن يحاول للبشريلفت انظار
مثل الذي ركب جناحين فرناس = ويقول للعالم انا صرت طيار
او كنه الي با سط بالسلعة الصين = تلقالها بالسوق مجموع تجار
مايشتريها الي ملا البنك ماله = والعرف مثل المال في سوق الاشعار
ناقص يبا الشهره تحقق كماله= مابه علاج كود ترحيل لشهار
ماقلتها قصدي من الناس واحد = قضية مثل ارتفاعات الاسعار

وسلامة الجميع

[بنت العبيّه]

كــفــوا واللــــه...صـــح لـســــانــك وتــعــلاشـــانـــك..

مــســعـــد الـنافــل..


لـسـان المـنـطـق يـتحـدث هـــنا.


دمـت بــخــير.

[احساس شاعر]

مسعد النافل اولا لي الشرف في كتابة اول مشاركة لي في هذا المنتدى على قصيدتك

ثانيا قصيده من شاعر متمكن ورائعه تحمل من المعاني ,ولا فكار افكار للشاعر متمكن

صح لسانك وتقبل مروري

[القايد]

مسعد النافل صح لسانك

على هذا النص الرائع

وانا تمنيت بان يكون اطول

حتى نستمتع بروعته أكثر

أتمنى لك السداد والنجاح

[تركي صالح]

مسعد النافل

صح لسانك

على هذا النص والذي يحاكي واقع اليوم

وحال الكثير عن غلا الاسعار

نص مفعم بالجمال والتعبير الصادق

دمت وسلمت

وتقبل فائق التقدير والاحترام

[سعود المسعودي]

مسعد النافل

صح لسانك

على هذا النص والذي يحاكي واقع اليوم

وحال الكثير عن غلا الاسعار
ودمت بكل خير وعافية

[ابو البدر]

سلمت يا اخي وصح لسانك