صبــــاح الـــثلـــج ...... - °~*¤®§(§ شبـــكة ويــلان العـربـيـه §)§®¤*~ˆ°

**خلف الغريب** · 09/04/08, (12:21 PM)

تحياتي للجميع ... وإسقاء للعاطفة إليكم ( صباح الثلج )

،
،
،
،

صباح الثلج من دفء المشاعر ذاب في دربي=صباح ..يشبه شعور الاحبة عند فرقاهم
وأنا ..ياللي تعبت ولاحصل من قربهم قربي=برودة هالمشاعر شبت النيران تنعاهم
بعد ليل سريته والنجوم البيض تسخر بي=تلحفت الظلام , وقلت : ياربي متى القاهم ؟
اجر خطاي ودروبي خذتني دون ما اشعربي=ومع باب الاماني الواسعة ذي جرة خطاهم
انادي واتلفت والرياح الهوج تغدر بي=واثرهم في الصحاري المجدبة شدوا مطاياهم
رفعت الصوت من جور الفراق وشدة الكربي=وزما رجم الجفا العالي , واشوف البعد غطاهم
دقيقة !! قبل لا تفارق تمهل لي وناظر بي : =سيوف الهجر في صدر المحبة وانزع اتلاهم
وش اسوي بحبك وانت خابر ما تخبر بي ؟ =وابي اسأل : وين مقبرة الغوالي ؟ بادفن اغلاهم
تحياتي لحب غرد بسرب ما هو سربي=خلاص .. اقبل تعازي الشامتين وضحكة شفاهم
انا خليت وابل هالسحايب قبل تمطر بي=وانا عطشان لكن ما طلبت الري من ماهم
بعد ما كان حبي لك ..بدل زادي .. بدل شربي=نويت اصوم عن حب الحبايب.. و ارجع انساهم

**ماجد الغانم** · 09/04/08, (12:49 PM)

الأخ العزيز

والشاعر القدير

خلف الغريب

صح لسااانك ...ولاهنت

قمة الأبدااع وجدته في هذه الشاامخه ...التي اسقيت عواطفنا بها

وتذوقنا طعم الأبدااع الحقيقي...والحس الصادق

لله درك ..ولافض فوك

دمت بكل خير

وداا م هذا التميز الراقي

تقبل تحيااااتي

**صالح الجطيلي** · 09/04/08, (07:21 PM)

خلف الغريــــــب صح لسانك

قصيده رائعه الله لا يهينك

تحياتي لك

**سعود العواجي** · 12/04/08, (12:55 AM)

خلف

الله يبعدنا الفراق

رائعه رغم حزنها

صح لساااااااااانك

**اميرة الحرف** · 12/04/08, (12:58 AM)

الرائع
خلف الغريب لاهنت صح الله لسانك ياشيخ

وصباحك ربيع وورد انشالله

**مسعد النافل** · 12/04/08, (01:42 AM)

الشاعر الفذ خلف الغريب صح لسانك على ها النص الحركي بقمة الترابط والحبك
وماتحتاج مني شهاده لكن انشهد انك شاعر له اسلوبه
بعد ليلٍ سريته والنجوم البيض تسخربي = تلحفت الظلام وقلت يارب متى لقاهم
كلها ياخلف إبداع
تقبل التحيه من مسعد النافل

**محمد المقبل** · 12/04/08, (01:48 AM)

الاخ الفاضل خلف الغريب

صح لسانك بلاحدود

قصيده جزله تستحق الاشاده

تقبل تحياتي