جمر المفارق

[سعد النفج]

قالت تعال بجنبي و جيت في صمت ..=مثل الطفل علامة الشك صمته ..
جاهل و قبل اشوفها ما تعلمت ..=قلبي من انفاس المشاعر حرمته ..
ما قصدي إني بالزمن ما تنعمت ..=لكن دروب العشق هذا سئمته ..
إما محبه ما بها ضيقه و شمت ..=و الا اترك حلوم الهواوي و شمته..
واذا لقيت اللي تمنيتها و همت ..=و اسمي على جبينها قد وسمته..
ساعة لقاها من حلاها تيممت..=و اسلوبها بأغلى القصايد رسمته ..
و اللي تناديني و انا ما تولمت ..=فجأه ينادي شوقها لا عدمته ..
نفضت ثوبي و ارتخيت و تنضمت ..=و جبت الشماغ و فوق راسي حزمته ..
وساعه و انا اجمع كلمتين و تلعثمت ..=و ضيعت كل اللي جمعت و كتمته ..
قالت وش اسمك؟ .. يوووه من جد تمتمت ..=سؤالها واضح و انا ما فهمته ..
قلت اسمي احمد لا فهد بعدها قمت ..= ادري ( سعد ) اسمي و لكن ظلمته ..
قالت ( سعد ) إسمك و انا ما توهمت ..=لا تغير اسمك و القصيد ارتسمته ..
قريت لك كم بيت يا مزعج الصمت ..=قلبك من البسمات يا ما حرمته ..
ارفق بحالك و ادري انك تحطمت ..=حزين لكن كل شي ٍ هدمته ..
حتى ليا منك ضحكت و تقدمت ..=يردك الماضي اذا ما لجمته ..
و انا بدون اشعور ضقت و تبسمت ..=كلامها يهمني و احترمته ..
فجأه.. سكت و في شماغي تلثمت ..=و جمر المفارق بالمدامع شعمته ..

[محمد دعسان]

الله الله الله
ياسعد كم انت مبدع
لله درك
تقبل مروري

[هيـاا العـازمـي]

.
.
.

لله درك يا سعد

انتَ لا تنظمْ القوافي فحسب

بل أنتَ تعزفُها عزفاً أخاذا بّاذخاً

ماشاء الله تبارك الله

لديك مقدرة على سكب احسَاسك بحرفنَه مدهشه

يصح لسانك وبوحك وفكرك

ورائع يا رائع

تقديري

هيــــااااا

[محمد بن موسى]

الراقي / سعد النفج


صح بووحك ونبض رووحك


نص مميز يحفه الابداع من جميع جوانبه


ومهما قلت ياسعد فشهادتي في شاعريتك مجروحه


تقبل مروري وفائق احترامي


كن بخير

[بنت الكحيلا]

صح لسانك اخوي سعد النفج

قصيدة رائعه وجميله

ابداع لا حدود له تبارك الله

والله يعطيك العافية على هذا البوح الراقي

لك شكري وتقديري

[مشهور الرشدان]

الاخ العزيز / سعد النفج
صح لسانك وعتلا شانك على هذه المعلقه الشامخه
بشموخ سموك الكريم لله درك على هذا الابداع بنتظار جديدك
تحيااتي / ابوحفص

[سلمان العنزي]

الاخ/سعد النفج

صح لسانك و يعطيك العافيه
على هذا النص
تقبل مروري