الآد وائـل فـي نهـار الـزحامي..!! - °~*¤®§(§ شبـــكة ويــلان العـربـيـه §)§®¤*~ˆ°

**متعب العطاوي** · 19/04/11, (11:27 PM)

السلام عليكم ورحمه الله وبركاته

هاذي احدى قصائدى وردي على فهيد العنزي بس قصيدته لاتحظرني
واتمنى ترتقي لذائقتكم

حـي الكلام اللـي حرمـني منامي=ولـوان لـي جنحـان يـافهيد لااطير
واتـرك مـواضيعي وكـل إلتزامي=واشهر الى العليا كما يشهر الطير
هامـت بـي الافكـار شرقاً وشامي=والفي علـى الـى يكرمون الخطاطير
الآد وائـل فـي نهـار الـزحامي=قـومً علـى الاشـرار شـرَاً بــلا خير
وبالخير لاهل الخير قـومً عظامي=تشبـه جبـل سنجـار وطـويق والنير
واخص ابـن صالـح رفيع المقامي=واقـول لـه شـكـراً ولامـنـك تقصير
شكراً يابن صالـح عـداك الملامي=وانته يابـن صالح كما سالم الزير
ولاهي غريبه منك يابـن الكرامي=يـأهل الشجاعه والسيوف البواتير
ساقت بي الاقـدار وأسـوأ غرامي=وانـا الضحيـه عنـد بعض الغنادير
واقبل تحيـاتـي وجـزل احترامي=لك الوفـاء يالقـرم مـع كل تقدير

الشاعر:متعب العطاوي

**محمد دعسان** · 20/04/11, (12:45 AM)

ونعم بك وبفهيد العنزي
ونت /يامتعب العطاوي
عنوان الجزاله
والابداع
السامي
حيرتني
بصراحه
انت
عنوان
شامخ
تقبل
مروري
الله يحفظك

**محمد بن موسى** · 20/04/11, (10:46 AM)

شاعرنا المتألق / متعب العطاوي

صح الساانك ملايين على هذا النص الجزل

ويؤسفني نقل النص حتى يتمكن نصك السابق من اخذ حقه من الردود

وللمعلوميه سياسة قسم الشعراء بالمنتدى

تمنع انزال اكثر من نصيين بوقت واحد

ويجب ان تكون الفترة بين كل نص والثاني اسبوع على الاقل

فأتمنى منك قراءة قوانين القسم

وسوف تعاد القصيدة للقسم بعد اكتمال الوقت المحدد

تقبل فائق الود والتقدير

كن بخيرر