شـــرد الجـــفــــيــــل - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 26/04/11, (05:16 PM)

بسم الله الرحمن الرحيم

ياجميل النوم بعيوني جـميـل = والبلا لي ساعتين احايله
كل ماغمضت جفني يالزميـل = قاد جيش الهم في اصايله
هذا حالي كل يوم وكـل ليـل = اطرد النوم الهني وخـــايــلــه
مثل من يطلب من كفوف البخيل = والبخيل يموت قدمه سايله
ولا من يطرد سراب المستحيل = راح عمره ماكسب له طايله
اه يادنيا العـنا حملي ثقــيـل = من صغر سني وانا اللي شايله
واه يالدنيا وانا عابر سبيل = نسـيت العــربان وش جــمايــلــه
الجهات اربع وانا مالي دليل = غير اناظر بالسما مخــايــلـــه
المزون احلام والمسرى طويل = والزمن فيني عمل عـمـايـله
اصعب احلامي مثل شرد الجفيل= من طردها يفتقد رحـايـله
واسهل احلامي مثل طلع النخيل = بالحصات تزول وقت القايله

**بنت الكحيلا** · 26/04/11, (05:31 PM)

صح لسانك شاعرنا مشهور الرشدان

قصيدة قليل في حقها كلمة رائعه

بل درة من الدرر الثمينه

تسلم ويسلم بوحك الراقي والجميل

لك شكري وتقديري

**فــرج الدهمشي** · 26/04/11, (07:19 PM)

الشاعر مشهور الرشدان

صح لسانك مدد ولله درك على هذه الشاعريه المميزه والعذبه

بانتظار مايفيض به قلمك

تحيتي

**محمد بن موسى** · 26/04/11, (07:32 PM)

ابو حفص

صح السااانك واعتلاا شاانك

كتبت فابدعت فامتعت

استمتعت بقرائتي لهذا النص

تقبل مروري واعجاابي

كن بخيررر

**محمد دعسان** · 26/04/11, (07:58 PM)

ياجمـيـل الـنـوم بعيـونـي جمـيـل والـبـلا لـــي ساعـتـيـن احـايـلـه
كـل ماغمضـت جفـنـي يالزمـيـل قــاد جـيـش الـهـم فــي اصايـلـه
هـذا حالـي كــل يــوم وكــل لـيـل اطــرد الـنــوم الـهـنـي وخـايـلـه
مثل من يطلب من كفوف البخيل والبخـيـل يـمـوت قـدمـه سايـلـه
ولا من يطرد سـراب المستحيـل راح عمـره ماكسـب لــه طايـلـه
اه يـادنـيـا الـعـنـا حـمـلـي ثـقـيـل من صغر سني وانا اللي شايلـه
واه يالدنـيـا وانــا عـابـر سـبـيـل نسـيـت الـعـربـان وش جمـايـلـه
الجهـات اربـع وانـا مالـي دلـيـل غـيـر انـاظـر بالـسـمـا مخـايـلـه
المزون احلام والمسرى طويـل والـزمـن فيـنـي عـمـل عمـايـلـه
اصعب احلامي مثل شرد الجفيل مـــن طـردهــا يفـتـقـد رحـايـلــه
واسهل احلامي مثل طلع النخيل بالحصـات تـزول وقــت القايـلـه

مشهور الرشدان
اقيف لك احترام
لنصك الشامخ
لله درك
تقبل مروري
الله يحفظك

**مشهور الرشدان** · 26/04/11, (09:33 PM)

الشاعره القديره / بنت الكحيلا

صح بدنك استاذتي الكريمه والدرر تكمن في ردك الكريم وكلامك العذب
شاكر تشريفك حفظك الله ورعاك

**مشهور الرشدان** · 26/04/11, (09:35 PM)

الشاعر القدير / فرج الدهمشي

صح بدنك استاذي الكريم وشاكر تشريفك حفظك الله ورعاك