اقرب شاعر يجي وعسى الله يوفق للكلام الزين - °~*¤®§(§ شبـــكة ويــلان العـربـيـه §)§®¤*~ˆ°

**بدر الخلاوي** · 02/11/09, (12:07 PM)

بدون اي مقدماااااااااات اللي يبي يرد يجي

ســـــلام رديه لها روح ..اقولها والبـال مرتاح=مني وانا بدرالخلاوي..سلام رديه لها روح
يااللي تشوف الباب مفتوح .. يسكن بوسط البيت سفاح=لاتندفع صوب الخطاوي.. كانك تشوف الباب مفتوح

**سلامة الجعفري** · 02/11/09, (01:26 PM)

يامرحبا والصدر مشروح .. يالمزنه اللي برقها لاح = ان علت القاع السناوي .. يامرحبا والصدر مشروح
مافيه بالاجرام مصلوح .. فالحرب كل ٍ عنده سلاح = خلك عن البلوى غناوي .. مافيه بالاجرام مصلوح

**بدر الخلاوي** · 02/11/09, (01:52 PM)

ياحي من يمشي على الضوح..لا والله الا صاحبي طاح=ذيب الخلا ماهاب شاوي.. مثلك رجل يمشي على الضوح
انا لو احاربك مسموح.. لانك رجل ماطعت نصاح= ماعاد تنفعك النخاوي .. وانا لو احاربك مسموح

**حمد الخمعلي** · 02/11/09, (01:54 PM)

الاخ بدر الخلاااااوي0

ياهلااااابك وينك من زمااان صح لسااانك شاعر لا يختلف عليه اثنين0

الاخ سلاااامه صح لساااااانك وكلكم مبدعين وشعرااااء جزلين0

متااااابع

**سلامة الجعفري** · 02/11/09, (02:34 PM)

ترى سفينة نوح مع نوح .. واللي بها غايص وسباح = مار انت لو عندك هقاوي .. ماانته من اللي شالهم نوح
كانك على ماقلت مشفوح .. حاول مادام السد ماباح = وش تستفيد من المناوي .. كانك على ماقلت مشفوح

**بدر الخلاوي** · 03/11/09, (02:40 PM)

[align=right]ربانها ياالقرم مطروح لازم يذوق الويل لو صاح

توقيع : بدر الخلاوي

**بدر الخلاوي** · 03/11/09, (02:49 PM)

ربانها ياالقرم مطروح لازم يذوق الويل لو صاح=ان طعتني خل الدعاوي ربانها يالقرم مطروح
ابليس قام يجيك ويروح حاول تعوذ منه ياصاح=من يتبع الشيطان غاوي وابليس قام يجيك ويروح