مجاهيم الهجوس .. ( جديد جدا )

[مشاري بن فالح]

السلام عليكم
اسمحو لي في هالمتواضعه واتقبل النقد بكل رحابة صدر

:
:

هجوسي قوم لاترقد.. ابي جزل ٍ عليه اشهود = صهيل الفكره في راسي امانه لا تعاندها
قبل حالك اذا تذكر كما صلب الصخر جلمود = فقير القول والفكره تحت راسك مسندها
زمان اول هذاك اللي تحول لاتقول يعود = سرى خيلك مع كوح ٍ جزل قوله يعودها
انا ماني صغير السن ولاحتى بشايب عود = ولكن العقل شايب حكيم وعارف ٍ جدها
تحت غيم الفكر يصرخ شعر مايعرفه منقود = زلال الفكر لا همّل نبت منها قصايدها
اسير الصمت في جوفي واذا تصحى افك اقيود = واحررها المعاني اللي عجز منهو يجندها
انا هاجس وحرماني تعدى ولايعرف حدود = سكن ديرة بلاها الله ..عجز منهو مقيّدها
كـ أن اللي زرع حزني ومات ولاخذا المحصود = و تباشير الفرح ضاعت حياتي من يمجدها
مغير الشعر واعلومه وفعل ٍ طيب ٍ مشهود = عقب هذا .. جميع الناس ترى النسيان هددها
زمن ولـّى ولكنـّه رجع يظلم بنا و يزود = تحت حكم القدر عشنا قهر منهو ينكدها
قصد منهو رفيع الراس ولامنــّا احد مقصود = نسى انـّه يهين النااس بحجـّه ماتعمدها؟
كليم الله موسى لو بغى يطغي البلاد ايسود = ولكن عاهد اللي قال ... صدق منهو يعاهدها
تعلمنا الصبر حكمه وانا جودي من الماجود = مدام انـّـا تعلمنا يهاجس دلتـّـك زدها
بقهوي منهو ضامي الكيف فنجال ٍ وطيب العود = ومن يقدع جزيل الشعر ماظنـّه ينقدها

[/quote]

الشاعر : مشاري بن فالح البدري العنزي ( هاجس الحرمان)
راعي اكحلا
6 / 2 / 2010

:

:

[طلال معيض]

انا هاجس وحرماني تعدى ولايعـرف حـدود
سكن ديرة بلاها الله ..عجـز منهـو مقيّدهـا
كـأن اللي زرع حزني ومات ولاخذا المحصود
و تباشير الفرح ضاعت حياتي مـن يمجدهـا
مغير الشعر واعلومه وفعل ٍ طيـب ٍ مشهـود
عقب هذا .. جميع الناس ترى النسيان هددهـا
الشاعر مشاري فالح

يشرفني ان اكون اول من رد على هذه الرائعه
اللتي تعبر عن شعور كبير بذائقتة شاعرها
مبدع يافالح وفكر راقي
شكرا لك

[هندي المقبل]

تعلمـنـا الصـبـر حكـمـه وانــا جــودي مــن المـاجـود
..................مــــــدام انّــــــا تـعـلـمـنــا يــهــاجــس دلـــتّــــك زدهـــــــا

راعي اكحلا

صح لسانك وعلا شانك على هذه القصيده الملئيه بالمعاني الجزله

ابدعت في حبكتها وامتعتنا كثيرا

صح لسانك

[محمد الراجح]

الله الله عليك ياهاجس الحرمان

(( مـشـــاري بن فـــالـح ))

صح لسانك وبيض الله وجهك يالغالي

تقبل اعجـــابي .















محمد الراجح ,,

[بدويه]

مشاء الله


تبارك الرحمن


صح لسانك يالشاعر



هجوسي قوم لاترقد.. ابي جزل ٍ عليه اشهـود
صهيل الفكره فـي راسـي امانـه لا تعاندهـا


هنا لا انتقد ولكن انبهك

على حرف الهاء وهي غلطه مطبعيه متاكده

صهيل الفكر فـي راسـي امانـه لا تعاندهـا
وصح لسانك ترليون

[طلال الايداء]

الله عليكـ اخووووي مشااري

لا تعليق فقلمـــي يصغررررررر امام

نصكـ ....... ارويتني شعررررا" يااجززززززل








دمت هكــــذااا ياانقي

تقبل مروري المتوواضع

اخوكـ طــــــــلال الايــــــداء

[مشاري بن فالح]

المشاركة الأصلية كتبت بواسطة طلال معيض

انا هاجس وحرماني تعدى ولايعـرف حـدود
سكن ديرة بلاها الله ..عجـز منهـو مقيّدهـا
كـأن اللي زرع حزني ومات ولاخذا المحصود
و تباشير الفرح ضاعت حياتي مـن يمجدهـا
مغير الشعر واعلومه وفعل ٍ طيـب ٍ مشهـود
عقب هذا .. جميع الناس ترى النسيان هددهـا
الشاعر مشاري فالح

يشرفني ان اكون اول من رد على هذه الرائعه
اللتي تعبر عن شعور كبير بذائقتة شاعرها
مبدع يافالح وفكر راقي
شكرا لك

القدير / طلال معيض

الشرف لي طال عمرك
صح بدنك يا ذووق
اسعدني تواجدك واطرائك
حياك ربي ملياار

نورت

:

: