يانجد ماحنـا تـرى اليـوم لافيـن

[شــامخ]

بسم الله الرحمن الرحيم


اخواني الاعـــزاء


السلام عليكم ورحمة الله وبركاته


الشـــعر يكون بعض الاحيان مخـــرج من بعض الهموم التي يواجهها الشخص في حياته او يخفف منها ولو بشئ بسيط






كتبت هذه الابيات في نيتي اسنادها على الوالد


لكني شطحت بها عن مرادي وصارت غزليه

































ولو قراها ابوي عوفني الشعر كله






**العضيليه: هجـــره في منطقة الاحســـاء واللي يشتغل فيها الله يعينه






اضعها تحت انظاركم على تقصير مني

يالورق نوحـك زود الهـم هميـن = ومن عقبها يالورق خطيـت الابيـات
والشعر انا واياه خـوه مـن سنيـن = هو الخوي لا صار بالصدر ضيقـات
اجيبهـا والقـاف معنـى وتلحيـن = شاعر ولايبـدع ياكـود الجزيـلات
يانجد ماحنـا تـرى اليـوم لافيـن = عنـك تبعـدنـا دروب ومسـافـات
يانجد كانـك فـي غيابـي تحسيـن = امنتـك الله توصلـيـن الكتـابـات
اول مكاتيبـي علـى نـاس غاليـن = اللي انترجى فبرّهـم دوم مرضـات
ابوي وامي ان كانوا اليـوم راضيـن = ارضي بهم ربـي ولا فيـه شكـات
يابوي في صدري رمـاح وسكاكيـن = يومك تودعني على طيـب هقـوات
ودموع امي في عصر يـوم الاثنيـن = لا وادعتني مشـت الدمـع بسكـات
من رحبها ضاقـت علـي المياديـن = وضاقت علي كل الفجوج الوسيعات
والشكوى لله اصفق شمـال بيميـن = عندي تسـاوت حزنهـا والمسـرات
وثاني مكاتيبـي تخـص المياميـن = عيـال عمـي مذلليـن الصعيبـات
اللي سموا بالقول والفعـل والديـن = واللي نصبوا في ساحة العز رايـات
متى يروق الوقـت وايامنـا تزيـن = ونفرح بكم ما بين روحـه وجيـات
والا الرجل من غير عزوتـه مابيـن = ذل الزمـن ومصارعـه للمصيبـات
وحنا معاكـم بالعسـر والا بالليـن = نرفـى الخمـال ولا نبيـن الاذيـات
وثالث مكاتيب الشقا لاريـش العيـن = اللي وضع بالقلـب درب وممـرات
ليتك تجي وتشوف ياكامـل الزيـن = حال الحبيب اللي من البعـد مابـات
يالجادل اللي فـي خفوقـي اتثنيـن = ريمـيـة ٍ مابزينـهـا بالبنـيـات
حورية ٍ لكن علـى الارض تمشيـن = وربي وضع فيها من السحـر ايـات
في عمرها ماجات واحد وعشريـن = محسوبة ٍ للحين ضمـن العجيات
عجية ٍ مامثلـهـا بالمزايـيـن = ولابحسنها حتـى بنـات الدعايـات
والا النسب من ساس ناس ٍ عريبين = مايعرفون شلون هـرج الخواجـات
شفت الشعر ماخذ من الليـل تلويـن = ويضيع علمـي لا نثـرت الجديـلات
وشفت الحجاج اللي كما شكل قوسين = والرمش راحت به ضحايـا ووفيـات
وجفونهـا مامثلهـا شفـت جفنيـن = لا سلهمت عينين خلـي الدعيجـات
والا الخشم سلة سيـوف السلاطيـن = لهم مـع التاريـخ صولـه وجـولات
والا نسمهـا فيـه فـوح الرياحيـن = وعندي هو احلى من جميع العطورات
ويافمـه اللـي محتـوي للمثاميـن = كم لي وانا مترجي ٍ منـك رشفـات؟؟
والا الصدر واقف على مطلعه تيـن = وياحظه اللي نـال ذيـك الغضيـات
ومع خصرك اللي لا بغيتـي تميليـن = على الخصر تنقـاس خصرالعبايـات
ويدين ماناشـت غسيـل المواعيـن = ولا تعرف التايد وجمـع الهدامـات
والا الردايـف لـو تسـام بملاييـن = ترخص لها ياخـوك كـل الريـالات
وقف هنا ياهيه ماشي علـى ويـن = لا تزود المذنـب ذنـوب وخطيـات
انزل تحت لاجيـت للزيـن ساقيـن = امكملن وصفـه رجولـن نحيـلات
ياام العيون الناعسـه لـو تحسين = عقبك تعاف العيـن كـل الجميـلات
واذا مـع الشـارع دقيقـه تمريـن = تجمهروا حولـك فـراد وجماعـات
خليتنـي يازيـن ضمـن المجانيـن = اللي لهم بالحـب شعـر وروايـات
يالفاتنـه لا زان حكـي المحبـيـن = والليل ضاويبه مـن البـدر ضيـات
جبت القصايـد والشعـر والتلاحيـن = من شانكم يا ام العيـون الكحيـلات
شفت الجسد لا صار داخله روحيـن = هـذا انـا ويـاك ماهـي بخيـالات
وحتى بصلاتي مع جموع المصليـن = يسج بـك قلبـي بوسـط التحيـات
والحين ماشي ولا تقولي على وين؟ = ياصاحبي والله على الكيـف ماجـات
يم العضيليـه تـرى اليـوم ناويـن = نقصد هـل الفايـر دوام ٍ وشفـتات
ماهو بيدي بقلبي لا شـك تدريـن = كم هو يتقطع لا طرينـا الوداعـات
ودعتـك الله مثل منتي تشوفين = امقـدر ومكتـوب ولا فيـه حيـلات

والمعذره على القصــور

[الواطي]

الله يجزاك بالخير

اول مكاتيبـي علـى نـاس غاليـن
اللي انترجى فبرّهـم دوم مرضـات
ابوي وامي ان كانوا اليـوم راضيـن
ارضي بهم ربـي ولا فيـه شكـات

قصيدة حكيمة محبكة

[سعيـــــد]

الاخ شـــــــــــــــــامخ
تبغي الحقيقه ماقصرت ارضيت الوالد والوالده,,ورضيت الحبيبه,,,
ورضيت المتصفح,,, بها المعزوفه الرائعه,,,, تسلم يمينك وماقصرت
قصيده تدل على إحساسك النبيل,,,, تحياتي سعيــــــــــــــــــد ...

[اميرة الحرف]

شامخ كفيت ووفيت لاهنت اخوي صح لسانك
العيوووف

[تركي صالح]

المشاركة الأصلية كتبت بواسطة شــامخ

بسم الله الرحمن الرحيم


اخواني الاعـــزاء


السلام عليكم ورحمة الله وبركاته


الشـــعر يكون بعض الاحيان مخـــرج من بعض الهموم التي يواجهها الشخص في حياته او يخفف منها ولو بشئ بسيط






كتبت هذه الابيات في نيتي اسنادها على الوالد


لكني شطحت بها عن مرادي وصارت غزليه

































ولو قراها ابوي عوفني الشعر كله






**العضيليه: هجـــره في منطقة الاحســـاء واللي يشتغل فيها الله يعينه






اضعها تحت انظاركم على تقصير مني

يالورق نوحـك زود الهـم هميـن = ومن عقبها يالورق خطيـت الابيـات
والشعر انا واياه خـوه مـن سنيـن = هو الخوي لا صار بالصدر ضيقـات
اجيبهـا والقـاف معنـى وتلحيـن = شاعر ولايبـدع ياكـود الجزيـلات
يانجد ماحنـا تـرى اليـوم لافيـن = عنـك تبعـدنـا دروب ومسـافـات
يانجد كانـك فـي غيابـي تحسيـن = امنتـك الله توصلـيـن الكتـابـات
اول مكاتيبـي علـى نـاس غاليـن = اللي انترجى فبرّهـم دوم مرضـات
ابوي وامي ان كانوا اليـوم راضيـن = ارضي بهم ربـي ولا فيـه شكـات
يابوي في صدري رمـاح وسكاكيـن = يومك تودعني على طيـب هقـوات
ودموع امي في عصر يـوم الاثنيـن = لا وادعتني مشـت الدمـع بسكـات
من رحبها ضاقـت علـي المياديـن = وضاقت علي كل الفجوج الوسيعات
والشكوى لله اصفق شمـال بيميـن = عندي تسـاوت حزنهـا والمسـرات
وثاني مكاتيبـي تخـص المياميـن = عيـال عمـي مذلليـن الصعيبـات
اللي سموا بالقول والفعـل والديـن = واللي نصبوا في ساحة العز رايـات
متى يروق الوقـت وايامنـا تزيـن = ونفرح بكم ما بين روحـه وجيـات
والا الرجل من غير عزوتـه مابيـن = ذل الزمـن ومصارعـه للمصيبـات
وحنا معاكـم بالعسـر والا بالليـن = نرفـى الخمـال ولا نبيـن الاذيـات
وثالث مكاتيب الشقا لاريـش العيـن = اللي وضع بالقلـب درب وممـرات
ليتك تجي وتشوف ياكامـل الزيـن = حال الحبيب اللي من البعـد مابـات
يالجادل اللي فـي خفوقـي اتثنيـن = ريمـيـة ٍ مابزينـهـا بالبنـيـات
حورية ٍ لكن علـى الارض تمشيـن = وربي وضع فيها من السحـر ايـات
في عمرها ماجات واحد وعشريـن = محسوبة ٍ للحين ضمـن العجيات
عجية ٍ مامثلـهـا بالمزايـيـن = ولابحسنها حتـى بنـات الدعايـات
والا النسب من ساس ناس ٍ عريبين = مايعرفون شلون هـرج الخواجـات
شفت الشعر ماخذ من الليـل تلويـن = ويضيع علمـي لا نثـرت الجديـلات
وشفت الحجاج اللي كما شكل قوسين = والرمش راحت به ضحايـا ووفيـات
وجفونهـا مامثلهـا شفـت جفنيـن = لا سلهمت عينين خلـي الدعيجـات
والا الخشم سلة سيـوف السلاطيـن = لهم مـع التاريـخ صولـه وجـولات
والا نسمهـا فيـه فـوح الرياحيـن = وعندي هو احلى من جميع العطورات
ويافمـه اللـي محتـوي للمثاميـن = كم لي وانا مترجي ٍ منـك رشفـات؟؟
والا الصدر واقف على مطلعه تيـن = وياحظه اللي نـال ذيـك الغضيـات
ومع خصرك اللي لا بغيتـي تميليـن = على الخصر تنقـاس خصرالعبايـات
ويدين ماناشـت غسيـل المواعيـن = ولا تعرف التايد وجمـع الهدامـات
والا الردايـف لـو تسـام بملاييـن = ترخص لها ياخـوك كـل الريـالات
وقف هنا ياهيه ماشي علـى ويـن = لا تزود المذنـب ذنـوب وخطيـات
انزل تحت لاجيـت للزيـن ساقيـن = امكملن وصفـه رجولـن نحيـلات
ياام العيون الناعسـه لـو تحسين = عقبك تعاف العيـن كـل الجميـلات
واذا مـع الشـارع دقيقـه تمريـن = تجمهروا حولـك فـراد وجماعـات
خليتنـي يازيـن ضمـن المجانيـن = اللي لهم بالحـب شعـر وروايـات
يالفاتنـه لا زان حكـي المحبـيـن = والليل ضاويبه مـن البـدر ضيـات
جبت القصايـد والشعـر والتلاحيـن = من شانكم يا ام العيـون الكحيـلات
شفت الجسد لا صار داخله روحيـن = هـذا انـا ويـاك ماهـي بخيـالات
وحتى بصلاتي مع جموع المصليـن = يسج بـك قلبـي بوسـط التحيـات
والحين ماشي ولا تقولي على وين؟ = ياصاحبي والله على الكيـف ماجـات
يم العضيليـه تـرى اليـوم ناويـن = نقصد هـل الفايـر دوام ٍ وشفـتات
ماهو بيدي بقلبي لا شـك تدريـن = كم هو يتقطع لا طرينـا الوداعـات
ودعتـك الله مثل منتي تشوفين = امقـدر ومكتـوب ولا فيـه حيـلات

والمعذره على القصــور

الاخ / شامخ

صح لسانك وسلم بنانك على هذه الرائعه اللتي جمعت

الرحمه والوفاء والحب والاصاله

لتجتمع جميعها وتطرح لنا هذه الرائعه

اللتي فعلاً تقدمت بقوتها وروعتها لنا هنا

لتحكي لنا معناة شاعر

أبدع وكتب ليصور لنا الحدث وكأننا نراه

لله درك على هذه الرائعه

ودمت وسلمت يالغالي

وتقبل فائق التقدير والاحترام

[شمــــــــوخ]

شامخ


قصيدة جميله تستحق الوقوف طويلآ

صح لسانك ... وعلا شانك


..

سجل أعجابي بقصيدتك


..

كُـــن بخير

[شــامخ]

اخــــوي الواطــــي


حياك الله ياالغالي


ويجزاك خير على مرورك وتعليقك


شـــــــاكر لك جزيـــــل الشــــــــكر ياطويل العمر على تشــريفك لي وايضا اشكرلك دعوتك لنا في الرياض يوم الاربعاء


تحياتي ودمت بود