مع التحيه للأخ رابح غضيان - °~*¤®§(§ شبـــكة ويــلان العـربـيـه §)§®¤*~ˆ°

**محمد المغيلث** · 16/01/09, (07:05 PM)

يارابح اغضيان مطلوب فوري =بالمنتدى هذا وطالبك ديان
يارابح غضيان فجرت طوري=يومن قريت اسمك بلوحه وعنوان
اثرك عروفن بالشعر ومخبوري=شاعر وتكتب بالغزل ياكحيلان
في مامضى بالمعرفه والشهوري=مابحت لي عن شعرك اللي له اثمان
لاشك دونك علتي مع نفوري=مادمت شاعر هاك دمعي والاحزان
لي صاحبن يارابح القرم حوري=حوري يابن عناز والقلب له لان
غروٍ جعل كل الحواسي تدوري=ودارت حواسي صاحبك له يافلان
اللي وصاله لي يشوبه فتوري=وعجزت لافهــــم مقصده يالغضيان؟
القلب من يمه يلطف شعوري=ويرقص لها ساعه ويدبك له احيان
ويصفق اظلوعي والمعنى صبوري=وصرت بتناقض بامتناعي والاذعان
عجزت لاقدم وكل مقدم جسوري=في معركه مابه وسامن ونيشان
تطحن رحاها بالمعالق وزوري=وسط الحشى ثارت مدافع ودخان
النوم ماله للمغيلث حضوري=اقضيه كله يابيض القلب سهران
ابي النصيحه من جنبكم و( sorry )=ان كان انا ازعجتكم يابليهان
بيتين قلته ياجماعه ظروري=غصبن علي من ما بقلبي من اشجان
رابح ودونك واقبله في سروري=الطرح واضح وانت شاعر ولاتهان
دونك معاناتي وعطني عبوري=مادامني سطرتها بين ويلان

**ماجد الغانم** · 16/01/09, (07:19 PM)

محمد المغيلث

صح لسااااااااانك ..ولاهنت

قصيدة رااائعه وتجسيد لمعاااانة

لله درك

واسناد لشااعر كبير ...بإنتظار ابو هيثم

دمت بكل خير ..,داام هذا الحضور

تقبيل خالص تحياااااااااتي

**محمد المغيلث** · 16/01/09, (07:21 PM)

ماجد صحت ابدانك

شكرا لك مراقبنا الغالي

على مرورك

تحيه

**سعد النفج** · 16/01/09, (07:22 PM)

الشاعر / محمد المغيلث

صح لساااانك

و الله يعينك يا بو سعود

قلبك خضر

قصيده راااائعه..

و اسناد لشاعر كبير و مميز و تفنن بشعر الغزل ..

اسناد الى الرائع و العذب ( رابح الغضيان )

تقديري لك يا بو سعود و تقديري لشاعرنا رابح الغضيان

**محمد المغيلث** · 16/01/09, (07:30 PM)

مشرفنا الغالي والرائع سعد النفج

لقد تشرفت قصيدتي بمرورك

الله لايهينك على ماكتبت

دمت

وتقبل تحياتي وتقديري

**الصقار** · 17/01/09, (01:39 AM)

صح لسانك يامحمد المغيلث

قصيده رائعه من شاعر رااائع

وبانتظار المبدع -رابح الغضيان وحلوله العاجله

تحياتي لكم جميعا

**طلال الايداء** · 17/01/09, (04:11 AM)

صح الله لساانكـ

اخوووووووي محمد

ولاهنت على هذه الراائعه

وفي انتظاااااااااار جديدكـ بااااذن الله

ودمت بصاادق الود

طـــــــــــــــــلال الايداء