*يالله تبلّغني خبر * - °~*¤®§(§ شبـــكة ويــلان العـربـيـه §)§®¤*~ˆ°

**الحوراء بنت نجد** · 08/05/12, (12:28 AM)

للتواصل علها ترتقي لذائقتكم الرفيعه

اكاليل الورد لكل من يعبر متصفحي

*يالله تبلّغني خبر *

ابطيت ماجاني خبر= يالله عسى وصله قريب
اصبر وياطول الصبر = كله من فراق الحبيب
لوهو نزيل ٍ في قبر =ابكيه فجر ٍ مع مغيب
مير البلا جفّ الحبر =لليوم ما عنّه مجيب
الموت له عنّي شبر=ولا والله يفيد الطّبيب
كسر العظم يلقى جبر=كسر المحبّة مايطيب
أكبر وحظّي ماكبر=كنّه على الدنيا غريب
آخذ دروس ولاأعتبر= والكون في عيني كئيب
يالله تبلّغني خبر = لعلّ يبرا بي عطيب

الحوراء بنت نجد

**هندي المقبل** · 08/05/12, (02:47 AM)

الشاعره والكاتبه القديره الحوراء بنت نجد

صح لسانك على هذه القصيده الجميله كالعاده

اعجبت بما قرأت واسجل اعجابي مع وافر الشكر والتقدير لشخصك

**بدر الخلاوي** · 08/05/12, (10:21 AM)

الله الله الله
صباح الجزاله والشعر والكلام الراقي
الحورااااااااء
صح لساااااانك وماقصرتي وصح منطوقك وصحيتي كلك
الموت له عني شبر
...... ولا والله يفيد الطبيب
عسى الله يطول بعمرك
وتقبلي جل تقديري ومودتي واحترامي

**حمد الضوّي** · 08/05/12, (01:52 PM)

الشاعره القديره

الحوراء بنت نجد
صح لسانك حد الرضى إنتقاء مفردات وحبكة شعر لايجيدها
إلا الكبار لافض فوك أخيّه ولاهان منطوقك على هذه الرائعه بروعة شاعرتها
دمتي ودام الإبداع

انقى تحيه

**محمد دعسان** · 08/05/12, (06:27 PM)

صح السانك وسلم قلبك
نص باذخ
تقبلي مروري
الله يحفظك

**الصقار** · 09/05/12, (11:05 PM)

الحورا صح لسانك شاعرتنا الرائعه

تقبلي مروري وتحياااااااتي

**الحوراء بنت نجد** · 11/05/12, (01:24 AM)

هندي المقبل

لي شرف هذا الحضور والكلمات المعبره

اشكر لك رقي هذه المداخله0 تقديري