يــامن هـرج هـرجه جدال ؟؟؟ - °~*¤®§(§ شبـــكة ويــلان العـربـيـه §)§®¤*~ˆ°

**جميل الفلاج1** · 02/05/05, (11:34 PM)

لاخوه ولاخوات مشرفي واعضاء وزوارمنتدى ويلان الكرام
السلام عليكم ورحمة الله وبركاته
اسعدكم الله جميعاًً في كل الاوقات
هذي اول مصافحه لهذا المنتدى الشامخ بكم

عندي نصيحه قلتها لعلها تلقى القبال
........................مضمونها واقــــــــع لنا في كل يوم وكل ليل
اقول من واقع لنا لوهوشبيهٍ بالخيال
.........................ممانشـــــوف ونسمعه والناس في ظلٍ ظــلـيل
مافيه مجلس خالين من قول قيل وقيل قال
........................ ولافيه شخصٍ سالمٍ من قول شذاب الشـــــــليل
أن كان قالوا لك تكلّم وأبتدوا لك بالسؤال
........................ أحفظ شعور المستمع وأحذر تقـول المسـتحيل
وأن مالقيت لهرجتك في داخل المجلس قبال
........................ أحفظ علومك وأستمع والهرج محصول وحصيل
تهتال من بعض الملا من يوم يفتح له مجال
........................ من يبتدي لك بالكلام تقـــول بأفعاله يهــــــيل
المشكله يامن هرج هرجه جدالٍ في جدال
....................... أما يغـــث الحاضـــــرين والاّ يزيد الكــيـــل كيل
وش حيلتك كانه بدأ في ذم وافين الخصال
....................... مجبور تتــــرك مجلســه مادام ماعــنــده دلـــيـل
أعطيتكم زيده وأنا مأبي جزاها لو ريال
...................... هاذي نصيحه من ضميري منتجه وآخر مـــــوديل

لكم كل الاحترام

**القايد** · 03/05/05, (12:18 AM)

أعطيتكم زيده وأنا مأبي جزاها لو ريال
...................... هاذي نصيحه من ضميري منتجه وآخر مـــــوديل

هلا وغلا اخي الفاضل جميل الفلاج

صح لسانك ولاهنت على هذا المشاركه

الاكثر من رائعه ونطمع منك بالمزيد

وتواصلك دائماً يشرفنا

ودمت

**محمد المقبل** · 03/05/05, (12:25 AM)

مافيه مجلس خالين من قول قيل وقيل قال
........................ ولافيه شخصٍ سالمٍ من قول شذاب الشـــــــليل

الاخ العزيز جميل الفلاج

قصيده جميله ونصيحه من ذهب

نشكرك من الاعماق لإهدائها لنا في هذا المنتدى

ونتمنى ان تتحفنا بكل ماهو جديد ومفيد

**جميل الفلاج1** · 03/05/05, (12:30 AM)

القايد

اسعدالله مساك بكل خير

اخي انه من دواعي سروري

ابتواصلكم الدايم على المحبه

وصح بدنك ولاهنت

تحياتي

**جميل الفلاج1** · 03/05/05, (12:41 AM)

محمد المقبل

هلابك اخوي وانا سعيد هذه الليله

بينكم ولايسعني الاان اقول لقد

غمرتوني بتواصلكم معي

على المحبه

تحياتي

**مزيد المزيد** · 03/05/05, (02:12 AM)

هلاابك مليوووووووووووووووون

وحيااك الله في مكانك وبين اخواااااااااااااااانك

اجمل هديه كتبت بقلم الرائع / جميل الفلاج

حكم ونصائح تخرج من القلب قبل اللسان وتصل القلب قبل الاذان ....

لايكتبها الا اهلها وانت من اهلها ..............

تسلم يمينك وصح لساااااااااااااانك مليووووووووووووووون

دمت بخير

**عبدالكريم العنزي** · 03/05/05, (02:52 AM)

جميل الفلاج

صح لسانك على النصيحه القيمه

والله يعطيك العافيه على الابيات الرئعه

دمت بخير