الشيخ محمد رمضان العواجي

[انور العبدلي العنزي]

السلام عليكم ورحمة الله وبركاته

اهداء الي .. الشيخ : محمد رمضان العواجي

يالله ياللي عالمٍ بالخوافي = ياللي عبادك في دجا الليل ناجوك
ياللي لعبدك مانت جافي ونافي = بابك لدعوات المخاليق مفكوك
يارب يا رازق وحوش الفيافي = يافارج الضيقه على كل مضنوك
يالواحد اللي للخلايق تعافي = طالبك يارب المقادير وارجوك
انك تجنبني طريق المهافي = وانك تجيب لدعوتي حين ما ادعوك
وانك تجنبني خطا كل هافي = وانك تخلي كل ما اقول مبروك
وانك تسهلي صعيب القوافي = وتلهمني الجزله على صفحة البوك
في مدح من هو بالجزيلات نافي = محمد سليل المجد للطيب مشبوك
نسل العواجي والخوافي نظافي = مثل الذهب علمه منقا ومسبوك
وافي يا ابو نواف بالحيل وافي = هذا وكادٍ ما يجي حوله شكوك
ذكرك مع الاجواد يا شيخ كافي = للجنه اللي للصعيبات ربوك
علمك يا ابو نواف ماهو بخافي = واضح ولجله ساير الناس حبوك
طيبك مع اهل العرف شامل وضافي = طيبك وراثة جد من ورثة ابوك
ومع طيب نفسك يابعيد المطافي = عزة رجل منها الرجاجيل هابوك
عز الله انك يامحمد سنافي = يمدحك من لاجاك واللي بعد جوك
يالوايلي معدنك طيب وصافي = سيرة حياتك ورد ما خالطه شوك
يالوايلي تفرح ليا جاك لافي = لانك من رجالٍ على الطيب حيوك
ويلان في عفه تعف وتعافي = ويلان دم معادي القوم مسفوك
والعلم يذكر والفعايل تشافي = وعلمك وفعلك للطويلات عدوك

انور جالي العبدلي

[فاضي عبدالعزيز]

صح لسانك


وافي يا ابو نواف بالحيل وافي = هذا وكادٍ ما يجي حوله شكوك
ذكرك مع الاجواد يا شيخ كافي = للجنه اللي للصعيبات ربوك


الف الف نعم بالمادح والممدوح

يستاهل ابو نواف ونت صح لسانك

مدحت من يستحق المدح بدون شك


لاهنت

[تركي فلاح]

صح لسانك شاعرنا أنور

ونعم فيك وبأبو نواف



قصيده جزلة من راس جزل ..




لا هنت ..






تركي فلاح

[هندي المقبل]

الشاعر انور جالي العبدلي

ياهلا ومرحبا بك في شبكة ويلان العربيه

الله يحييك في بيتك الثاني وشرفتنا بتواجدك واسعدتنا بنثر هذا الابداع عبر ملتقى النخبه

صح لسانك على هذه القصيده الجزله والوافيه ولاهو غريب الوفاء والطيب عليك وابو نواف يستاهل هذا واكثر .

نشكرك على هذه القصيده مره اخرى ونتطلع الي الجديد دائما منك عبر صفحات ويلان

تقبل اجمل الامنيات والتقدير .

[محمد بن فرحان]

انور العبدلي

حياك الله بهذا المنتدى الرائع

وصح لسانك وعلا شانك

ويستاهل الشيخ العواجي هذه الشامخة

تقبل مروري

[سالم صالح]

انور العبدلي


صح السانك قصيدة جزلة من شاعر جزل

بيض الله وجهك وماقصرت

تقبل تقديري

[حمد الخمعلي]

انور العبدلي

صح لساانك وتسلم على هذه الجزااله في شيخ يستحق المدح0

كًن بخير