احبتي في هذا المنتدى الرائع اهديكم هذه القصه والتي تدل على الوفاء والشهامه والرجوله التي لا تغيب عن ابناء الجزيره العربيه وهي ليست بالماضي البعيد انها قبل ايام قلايل من الشهر الفضيل حدثت هذه القصه عندما قام الاخ احمد الزيدان بزياره لأبل الشيخ محمد بن صالح السديس رحمه الله وكان برفقته الاخ طارق بن محمد السديس في هذه الزياره وابداء الاخ احمد ملاحظته حيث قال للاخ طارق ابلكم من الابل النادره لكن الفحول الي عندكم كبيرة سن وانا عندي فحل طيب ( حرشان ) ابي اهديكم ايه للابل للحفاظ على سلالتها الطيبه و ذلك رد معروف لوالدك رحمه الله لما له من مواقف طيبه معي فعلاً وصل الفحل ولكن بعد وصوله بأيام مات عند أبل السديس وهو من الجمال النادر ه والطيبه وما كان من الاخ طارق غير انه اتصل يعتذر ورد عليه الاخ احمد بقوله لو الموت يرد عن احد رديته عن ابوي لكن عساه فدوه لكم وابشر بغيره وهو في نفس الحظه قد فقد فحل ثاني طيب عنده ( غزاي ) وقام الاخ احمد بالاتصال بي الشيخ شجاع الدوسري ( بن قرموط ) واخبره بقصة الفحلين وما جرى لهما ورد عليه بن قرموط بقوله هذه تعتبر مصيبتين والكن ابشر بالعوض وقام بأرسال فحل نادر من سلاله نادره للاخ احمد الزيدان وهو بدوره قام بأكمال جميله وارساله الى ابل الشيخ محمد بن صالح السديس رحمه الله وفاً له
يالله يا منشـي سحـاب المخيلـة=يا باسطاً سبعـاً وسبعـاً رفيعـات
يا واحداً كـل البشـر تلتجـي لـه=لا نشفت الارياق لا فـات مافـات
يالله ذكـرك للطيبـيـن بدليـلـه=في محكم الايـات مذكـور بالـذات
والشعر اميز صاملـه مـن هزيلـه=وانا بحوري مايجـي فيـه ميـلات
نعطيه من يستاهلـه ونهّـدي لـه=احلى البيوت الي بها عـز هامـات
تخليـد للـي شبتـه كـل ليـلـه=الي على ضيـم الرجاجيـل مابـات
الطّيب يعجبنـي وروح تعـدي لـه=واحب طيب افعـال راع المـروات
النشمـي الـي مـا نـدور بديلـه=نضيف ذات وما بقلبـه حـزازات
سمعت عن فعله وشعـري يجيلـه=واقوى المعاني فيه تكتب والابيـات
احمد بن زيـدان راعـى الجميلـه=اهدى جمل للـي يحـب الطويـلات
ابن الفحل حرشـان ماهـو هميلـه=سليلاً من ساس كسبـن وغـارات
عطيتن مـا مـن وراهـا حصيلـه=طيب وكرم ماهي علـوم ودعايـات
لبن السديس الي رقـاء بالطويلـه=النـادر الـي ماتجـي منـه زلات
وعوض عنه من عند شهم الخصيله=ابن قرموط الدوسري طيب الـذات
وافي وصل وافـي فعولـه تشيلـه=وهذي سلوم اللي علـو بالمقامـات
الاصل واضـح مايبـي لـه دليلـه=الجـد وائـل والشهامـه علامـات
وعناز ماتجنـح علـى كـل ميلـه=ربعي ووصفهم صقور السمـاوات
وكل العرب عندي عطور الخميلـه=والطيب فيهم واضحاً مابـه افـات
قصـه وشاقتنـي سمعتـه بليلـه=والجود فيهـا واضحـاً بشهـادات
فزعـة ابـن زيـدان راع النفيلـه=لبن السديس الي يـرد الجمـالات
قلته وانا رجال ضمن القبيلـه=عبـدالله معـزي علـى الـدلالات
وصلاة ربـي عـد ماسـال سيلـه=على النبي المصطفى عـد الايـات
وتقبلو تحياتي
05/10/06, (02:10 AM)
وفاء - الزيدان وطيب السديس
العرض العادي
