((حنـــا سبــاع الليل))

[رابح الغضيان]

احبابي زوار واعضاء صرحنا الشامخ

شبكة ويلان العربيه

هذه المتواضعه تشرفت بإلقائها في حفل قبيلة الضواويه من الجعافرة من عنزة

الذي اقامته لقبيلة جهينه العريقه......

اضعها امامكم لعلها تنال شي من ذائقتكم

((حنــــا سبـــــاع الليل))

سلام اعذب من شخاليل ديموم=واجمل من الألماس غالي ومنظوم
سلام صادق والنوايا سليمه=للابه اللي كوم وامجادها كوم
سلام وافي للرجال الوفيه=سلام لجهينه مثنا ومردوم
جهينه سنام المجد والطيب بيته=عوق الخصيم وعون من كان مظيوم
جهينه لياعدت فعول القبايل=ترقص لها الخيل الاصيله من الزوم
جهينه ذرى لمن لاذ يطلب ذراهم=خطلان الايدي سيرة افعال وعزوم
جهينه عمى عين الحسود ورمدها=ياطيبهم وان صاحت القوم للقوم
جهينه على عصر الصحابه جهينه=من يذكر التاريخ بالصدق ملزوم
جهينه هل المنسب سلايل قضاعه=تاريخهم عاطر وبالمسك مختوم
من غربي الاردن لينبع وجده=بالطيب خطت مجدها نقش ورسوم
حييت ياابن غنيم شيخ الشهامه=اسمٍ مابين الجود والطيب مقسوم
قالط ياابومشعل عن الغير قالط=نصيبك من اسمك على العز ملموم
انت السخى ياشيخ كنه شقيقك=وبرج المراجل بيت والجود لك توم
كفك على الجزلات ياشيخ ضاري=حرٍ مجرب طلعته تجدع الحوم
ولك بالوفا بصمه ولك فيه رايه=يامعتق اللي بين الاسوار محكوم
حياكم الله مثلكم يعتنابه=واجبكم اكبر من ثنى قروم لقروم
حياكم الله هيل مع شاذليه=ولو القدر ينشاف شفتوه مزموم
في حفل ربعي تاج راسي وعزي=ضواويه لاعدة علوم لعلوم
ضنا حمد ضنا حسن عقب دلهام=رمز الوفا من اصغر طفل لاكبرالقوم
ضواويه اسمٍ به المجد لامع=نارٍعلى راس العلم فوق مرجوم
لاقلت ضوي قيل ياحي فاله=لطامت العايل وذباحت الكوم
عقب المضوي شيخ نخوه ومبدا=ماشاخ فيهم بشت واوراق وختوم
مع جمع ابن مرسال راي ومشوره=والعلم لادسناه صامل ومحسوم
حنا منازلنا منازل رفيعه=بشوتنا عزه ومعروفنا هدوم
حنا الشجاعه والكرم والحميا=حنا سباع الليل لامرح البوم
حنا الصقور الجارحات الكواسر=بيماننا رمحٍ على الضد مسموم
حنا الهضاب الشامخات الرواسي=حنا الجبل مايشبهه تل وحزوم
حنا القراح العذب ياواردينه=ذا سلمنا والناس كلٍ له سلوم
حنا ربيع الجار حنا وقاره=حنا الحقايق ماهي اوهام وحلوم
حنا ستر من طاح عنها غطاها=يومٍ سور اللاش مرمي ومثلوم
حنا منيع البيت نكرم جنابه=ضواويه منيعهم بات محشوم
حنا الفعل وان عودت للفعايل=الشمس ماتحجب بغربال وغيوم
خوينا كنه شقيق لحدينا=مايلحقه زله ولايحلقه لوم
صديقنا ينام مرتاح باله=وغريمنا عينه جفت لذة النوم
ضواويه جسره على وردة الماء=وابن الردي ذوده عن الورد محروم
وان زغردة بنت الرجال العفيفه=ضواويه عدوهم راح مهزوم
ياقرد عين اللي نهاره لقاهم=لازرفلت بنت العبيه بشغموم
الياداج سبار العدو في حرانا=انكف وقال رويكب العز موسوم
عدونا يهابنا مانهابه=وان جلبت الارواح نفرق بها السوم
ولاهو قصورٍ في فخوذ القبيله=وايل سماء وقبايله وسطه نجوم
ولاعاش راسٍ مايطوح عقاله=هذاك راس الذل والذل مذموم
والنعم في كل القبايل عزيزه=وكلن فخور بلابته مابها لوم
ومسك الختام اخوان كل الحمايل=في حكم ابومتعب عسى عهده يدوم
الحاكم العادل عظيم السجايا=صقر العروبه ساطي الراي زيزوم
سلام ياشيخ الشيوخ الكريمه=لشيخ ابومشعل مثني ومردوم
سلام وافي وانت ياشيخ وافي=ياقالط ابن غنيم يمقلط الكوم

وســـــــــــلام عليكم

محبكم ابوهيــــــــــم

[ماجد الغانم]

الشاعر المميز والرقي

رابح الغضيان

لله درك على هذه المعلقة التي احتوت الجزالة

وبدون شك ليست هناك غرابة فهي مذيلة باسم رابح الغضيان

صح لسانك ولا فض فوك

كان لي شرف سماعها في هذا الحفل الراقي والمميز وكيف كان تفاعل ذلك الجمهور الغفير معها

بيض الله وجهك

والنعم بقبيلة الضواويه شرفونا وهذي عوايدهم وجهينة تستحق هذا المدح والثناء

دمت بكل خير ...

وتقبل جل تقديري واحترامي

[غموض الشمال]

شاعرنا القدير // رابح الغضيان

صح لسانك ملياااار

على هذه الشامخه بشموخ حرفك العذب

المدح في هذه الشامخه لايوفيها حقها

تقبل مروري المتواضع

تقديري لك

[سعد النفج]

الشاعر الجزل و العذب / رابح الغضيان ..
صح لسانك ..
نص فاخر و جهينه تستاهل المدح و انت شاعر لا تصفه كلمة شاعر بل ما تكتبه فوق الشعر..
ليس النص فقط بل الآداء في الحفله كان مميزاً و لا غرابه فأنت رابح غضيان ..
سلمت و سلم فكرك و بوحك ..
دمت بخير ..

[سالم صالح]

الشاعر القدير واالمبدع


رابح الغضيان


صح السانك وكلك قصيدة رااائعة ومميزة ولا هي غريبة الجزالة منك فانت بحر من الجزالة والابداع

قصيدة راقية برقي حضورك ويستاهلون المدح جهينة وكذلك ربعنا الضواوية ماقصروا بيض الله وجيههم على هذا الحفل الجميل والمميز

لاهنت يابو هيثم وتستاهل القمة داائما


تقديري وودي لك

[بدرفهد الجعفري]

رابح الغضيان

شكرا لقبيلة الضواويه على هذا الحفل المشرف

وشكرا لهم لأنهم اجبروك للعوده الي الحفلات والي شبكة ويلان العربيه بعد غياب اطلت علينا به

صح لسانك يابو هيثم

[سالم العنزي]

ابو هيثم

اهلا بهذا الحضور والف نعم بكم وفي الويلان جميعا

صح لسانك ابا هيثم