رغم طعن الزمان وضحكة الأحتيـال

[ناجي الخمشي]

بسم الله الرحمن الرحيم


تعالو لنقراء الجزاله والمعنى

لشاعر عيد مربح الرشيدي

وقت رجم الشقا من عرض من واق فيه=وسبقوني علـى متنـه قـروم العيـال
بين نمة حسود وبيـن هـذرة سفيـه=اتّكالي على المحيـي عزيـز الجـلال
الوفاء ماشـيٍ بـه والـردى محتريـه=حسبي الله على الهقوه ومكر الرجـال
والخطاب المبطّـن والسـؤال الوجيـه=كلبوهن لهـن مغـزى وجملـه تقـال
ومجلـسٍ مايقـدّر خطوتـك لاتجيـه=حط بينـك وبينـه بـرزخ الأعتـزال
روّض النفس وأردعها عن اللي تبيـه=وكان طاوعتها غنـت علـى ليـل لال
وأعطها فرصه المسجـون لمزاوريـه=ودفها دفـة الطاغـي لمستـور حـال
قبل تفهم غلـط معنـاي عـرّج عليـه=بكره النفس تسأل عن حـرام وحـلال
يامساعد ربيـع يابـو فيصـل ياهيـه=خذ عن الوضع نبـذة ياكريـم السبـال
ياولد من تمـد الجـود راحـة يديـه=ياغصن دوحةٍ يلقـى تحتهـا الظـلال
مستحيجٍ ريال ووسـط جيبـي جنيـه=ولازم أصرف جنيه لحاجتـي بالريـال
أتخذت القـرار الصعـب ماقلـت ليـه=شيٍ أكبر من الواقـع وحلـم الخيـال
المهم أرتكيـت بمرقـبٍ منـت أبيـه=رغم طعن الزمان وضحكـة الأحتيـال
وأي طيب نزيـه أنـا خويـه وأخيـه=لين حمر النثايل فـوق قبـري تهـال

تحياتي لكم

[جلال الدرعان]

الله يعطيك الف عافية على المشاركة الرائعة وهذا التواجد
الرائع والمميز وهذا العطاء الغير محدوُد اللى عوُدتنا عليه

بأنتظار جديدكـ العاطر بكل شوُق .
عوآفـيـ
همسـةً :. المشاركة رائعة ومقدمة بأسلوُب رائع تسسسًلم الايآدي .
لاعدمنآك .

[ناجي الخمشي]

اخي جلال الدرعان

الله يعافيك على هذا الاطراء الجميل

من قلم وفكر مميز

الف شكر على مرورك

لك ودي وتقديري

[سليمان مفضي العنزي]

شكرا ياناجي الخمشي على هذا الاختيار

فعلا اختيار جزل

شكرا لك وصح لسان الشاعر

[ناجي الخمشي]

سليمان مفضي العنزي

الجزل مرورك يالغالي

تحياتي لك