العلم شوف العين سيف وسله ..( في ابطال حائل )

[بشير النزال]

العلم شوف العين سيف وسلـه=ورشيد قل له يالصميـدع قل لـه
وثلث على عمر الفقيه الباتـع=ثلاث يالستـرة اخـوان الملـه
عمر ٍ كتبـة الله لـك بيديهـم=يوم البشر طقت اركبهـا الذلـه
ظول ٍ يسد الشمس من مشرقها=اشناب وأجسام ٍ عليـك مطلـه
اللي دعالك بالنجـاه و واقـف=واللي يصور والحدث فطنٍ لـه
قد بلغ السيل الزبى فاجهشتـي=من منقذي ؟ وأعمارنـا بيـد الله
الناس فيها قلوب تنبض رحمـه=والعمـر غالـي مـا نلّـوم لله
كلن يبي يابنـت يفـزع لكـن=السيل من ياقف بوجهـه شلـه
هنا يكون الفرق فرقٍ واضـح=وين القلوب الصامـدات القلـه
يابنت لوما هالثلاثـة منهـم=رحتوا بموتركم خليـلٍ وخلـه
على المنايا ذب روحـه يمـكَـ=سيف النماصي سيف فعله سله
فتح عليك الباب وانـتِ جيتـي=جلمود صخرٍ منحدر مـن تلـه
ولقفك منحوف الجسم بيدينـه=وغطس معك سيف السنافي كَله
ورحتوا درو سيلٍ عرموم هادر=من ينقـذ المنقـذ فدلـه دلـه
حتى أنبرا للصعب صعبٍ صامل=تقـول كبـده للمنايـا مغـلـه
رشيد مسطور همـزان وثلّـث=بالسيل بس السيل معهـم تلـه
مصيرهم اصبح مصيـرٍ واحـد=ولاظلٍ الا اللـي عليهـم ظلـه
السيل فرّقهـم ورحتـي منهـم=شتتهم الهـادر شتـات الحلـه
وحظر على الموعد عمر ينقذها=خبير غوص وخبرتـه تذعنله
القلب صندوق الضلوع يشيلـه=ثوبه عن المـاء نزّلـه لايبلـه
وغطس ويوم الله كتب بيديهـم=عسى يمانيهـم ماهـي للعلـه
انقاذ من ماتت وربـي احياهـا=بيدين من صعب العقود تحلـه
نوط الملك عبدالعزيـز الحاكَـم=يستاهلون من الملكَ عبـدالله
ملكينـا فـي فعلهـم كرمهـم=وكلن بفعلـه موقفـه سجلـه
ولـي عهـد المملكـة كافاهـم=سلطان عل الله يبـري علـه
ونوط الشجاعه بامر نايف جاهم=ماكل رجل النـوط ذا يحصل لـه
وبامر الامير محمد بـن نايـف=توطيفهـم والترقيـة تكفـل لـه
من قدهم عمر العمر مايرخـص=مايرخص الا يوم ياتـي حلـه
واهل الفعل وقت الرخا الكذابه=اللي يهايط في حضـور الشلـه
قولوا لهم محدن جبرهـم لكـن=يبقى الشجاع اللي يدوس الملـه
جابتهـم استنجـادة المكلومـة=وجوها حمية والرجـال جبلـه
ماهو مهايط موت مابـه مابـه=فعـلٍ يقّّـدرة الرجـل ويجلـه
لكم التحايا من سلايـل وايـل=معجب يفعـل النادريـن القلـه
ثلاث يابنت الرجـال اخوانـك=ثلاث ياستـره اخـوان الملـه

[أبو غرام]

صح لسانك اخوي بشير نزال

وبيّض الله وجهك على جميل بوحك

وشوشتك الطيبه




لك مني فائق الود والتقدير

[هبوب العنزي]

صح منطوقك اخوي الشاعر ((بشير نزال)) وبيض الله وجهك,,,

في زمن كثر به الكلام وقلً الفعل يأتون هؤلاء الابطال ليجددوا افعال الرجال من نخوه وشهامه,,, بارك الله فيهم ,,

[نافع عيد الجديد]

الشاعر الكبير ابو يزيد

صح السانك ملايين ولايكفون وبيض الله وجهك

ابدعت ويستاهلون الابطال

لك التحيه والتقدير

[تركي صالح]

شاعرنا المبدع / بشير النزال

صدحت بهذه الرائعه بالملتقى الاول لشبكة ويلان العربيه

وأمتعتنا بروعة أداءها وجزالة معانيها

وها نحن نقراءها هنا لنستمتع بمعانيها وجمال صياغتها

مبدع دائمً ودومً يابو يزيد

ويستاهل أبطال حائل هذه القصيده

دمت بخير

وتقبل خالص التحايا

[أبو غرام]

المشاركة الأصلية كتبت بواسطة ابو غرام

صح لسانك اخوي بشير نزال

وبيّض الله وجهك على جميل بوحك

وشوشتك الطيبه




لك مني فائق الود والتقدير

كان هنالك هذا الرابط

http://www.weelan.com/vb/showthread.php?t=16497

وهو يحاكي نفس الامر

ولا اعلم لما تم حذفه ؟

اخواني ... مشرفي واعضاء المنتدى الكرام

وضع الرابط

يعني اننا متابعين للشاعر بشير النزال .. ابن القبيله والجماعه

قبل ان يضع قصيدته بنفسه

ويعني ان الاخ عبدالعزيز السعود
قام بعمل يُشكر عليه ... من خلال نقل النص والصوت

كذلك هو دليل على متابعته للاخ الشاعر بشير النزال

وهو يضيف هنا للشاعر ويخبره عند احد المتابعين له من اعضاء ويلان

ولا ينقص من هذا الموضوع اي امر

فلم الحذف ؟

شكرا لكم ولحرصكم الجميل ... ولكن ليس بوضع الرابط اي خطأ

فائق الود والتقدير لكل من مر من هنا

وخاصة لمن حذف الرابط بحسن نيه

[نايف سعد الخمعلي]

صح لساااانك مليون ولايكفون
ويستاهلون الابطال المدح
لك شكري اخوي بشير وانت مفخرة للشعر هذي حقيقة وليست مجامله