برقن شلع شرق برقي - °~*¤®§(§ شبـــكة ويــلان العـربـيـه §)§®¤*~ˆ°

**عناد الغريب** · 22/05/09, (10:22 PM)

الليله الهاجس طغا واربك الطرق=ويالله تجملني على حبك طرقي
اخذت لي منحى جديدن وبه فرق=وعن ماضيات طروقنا فيه فرقي
يدمرني الهاجس ليا جامن الشرق=ويربك بنيات الفكر هجس شرقي
بخاطب اللي بالهواء شفت له برق=وابعتبر برقن شلع شرق برقي
ياسيدي ترى الهواء مايجي درق=تعال لي واضح ولا ابيك درقي
الدرب واحد مالنا مفترق طرق=وفي مايلي تعريف لوحات طرقي
اجامل العالم واغني مع الورق=واضحك وانا بالصدر ياكبر حرقي
اسرق من جفون الزمن نومتي سرق=وعزي لمن نومه من الوقت سرقي
وفي كل ليله ينتحر بالصدر عرق=افزع ترى ماباقين كود عرقي
ان جيتني ادخل بصدر الغلا وارق=يامرحبا بك يابعد كل طرقي
غنيت لك ياسيدي بالهواء طرق=وشرحت لك حالي بمضمون طرقي

**ابوالهيثم** · 22/05/09, (11:03 PM)

لله درك وصح لسانك

ولاهنت وبيض الله وجهك

**حمد الخمعلي** · 22/05/09, (11:38 PM)

الله عليك ياعناد0

والله انك جزل وتضرب على الوتر الحساس عندي0

اسرق من جفون الزمن نومتي سرق
0000000وعزي لمن نومه من الوقت سرقـي

دمت ودام تواصلك وابداعك الغير محدود0

احترامي

**منصور الجلعود** · 22/05/09, (11:40 PM)

اسرق من جفون الزمن نومتي سرق
وعزي لمن نومه من الوقت سرقـي

الله عليك ياعناد

صح لسانك ودام ابداعك

قصيدة تعانق النجوم

,

**جبار بن عابر** · 23/05/09, (12:10 AM)

اسرق من جفون الزمن نومتي سرق
وعزي لمن نومه من الوقت سرقـي
وفي كل ليله ينتحر بالصدر عـرق
افزع ترى ماباقيـن كـود عرقـي

صح لسانك وسلم بنانك

ابداع كعادتك اخي الشاعرالجزل / عنــــاد الغريب

لافض فوك

**علي السابل** · 23/05/09, (01:17 AM)

صح لسانك

شعر ومعنى رغم شح مفردات القافيه

عملاق شعر ياعناد

تحياتي وتقديري

**محمد المغيلث** · 23/05/09, (01:20 AM)

عناد

صح لسانك لاهنت

دمت بود ولك مني كل الحب والتقدير

لك تحياتي وداااااااااااااااااااااااااااااااام حرفك