لمداحم الشعار صحت وتزهبت ::::: وإن كنت ذيب اليوم جوك الذيابه

[حمدان المطرفي]

السلام عليكم ورحمة الله وبركاته


علها تجد صدى واستحسانا من جنابكم الغالي .

أترككم معها :

إحلم وخل الشعر ياصاحبي كبت=وإترك هروج العولمه والشبابه
الفرعنه بالشعر لامن تعزبت=ماهي مثل ماقيل جر الربابه
إثنى عشر مارس يبي علمه السبت=وأربع عشر مارس وشيك إقترابه
من منطق العقال لامنك أذنبت=تطلب به الغفران قبل إحترابه
لمداحم الشعار صحت وتزهبت=وإن كنت ذيب اليوم جوك الذيابه
وإن كنت شاطر فالطواريق لاجبت=غيرك ترى فاق المزن والسحابه
لاتقرب الشعار وتقول قربت=ولاتستهين الناس وتقول مابه
إعرف خصيمك وإفهمه لو تلقبت=وش فايدة مخلب على غير نابه
ولاضير في خصمك إلى جيت رحبت=سياسة الترحيب تعمي جوابه
وإليا دفن بيته وشرق وغربت=لاترجع القيفان شتم وسبابه
إدفن له بيوته حدر منبت النبت=وإترك نباته ضايعن وسط غابه
وإليا بغى المعلون وإنته تحزبت=إرفع مقام القوم وإدفن جنابه
وإليا شتم ربعك وضقت وتلهبت=القوم في صفك وكل القرابه
وإنت الخصم مقرود باللي تسببت=تلفيك من وايل كتايب تشابه
لأنك على ماقيل ضعت وتشببت=والله قردك اليوم بين الذيابه

أخوكم/

حمدان بن ربيع المطرفي العنزي

[ناصرالسويلم]

حمدان المطرفي

صح لسانك ملايين

راااااااااااااااااائعه

ياحمدان

تقبل تحياتي

[البحتري]

صح لسانك ... و الله يعطيك العافيه

تقديري

[تركي صالح]

الله الله على هذه الابداع

الذي تعدى حدود الروعه بجزالته

ومفرداته الرائعه

معاني ساحره تجسدت خلال هذه القصيده

ليكون لنا معها هذا الانسجام وهذا الاعجاب المتناغم

قدمت الاروع وهذا هو ما تقدم دائمً

الشاعر / حمدان المطرفي

صح لسانك وسلم بنانك

على هذه الباذخه في مجملها

دمت بكل خير

وتقبل خالص التحايا

[منصور الجلعود]

لاتقرب الشعار وتقول قربت
ولاتستهين الناس وتقول مابه

قصيدة رائعة لشاعر يجيد الرد كما ينبغي الرد

لله درك من رائع

صح لسانك مليار وتكرار


لك ودي وتقديري

,

[سعد النفج]

حمدان المطرفي

الله الله

مبدع الى ابعد الحدود

و نعم بك و كفو يا حمدان

نص رااااقي و حضور رائع

ادهشتنا بهذه الشامخه

لك التقدير

[الصقار]

ولاضير في خصمك إلى جيت رحبت
سياسة الترحيب تعمي جوابه
وإليا دفن بيته وشرق وغربت
لاترجع القيفان شتم وسبابه
إدفن له بيوته حدر منبت النبت
وإترك نباته ضايعن وسط غابه
وإليا بغى المعلون وإنته تحزبت
إرفع مقام القوم وإدفن جنابه
-------------------

حمدان -- صح لسانك

قصيده رائعه من شاعر مبدع

تقبل مروري وتقديري