المشاهير .. ياسر التويجري !!

[بندر البجيدي]

السلام عليكم ورحمه الله وبركاته

هذه قصيدة رائعه ومن العيار الثقيل

للشاعر الفذ // ياسر التويجري

حبيت انقلها لكم

وماهي غريبه عليه فهو لاياتي الا بالجزل

اترككم معاها

مقابر الشهره ثلاثة مقابر=بعض الغرور ومدة الناس رقمك
والثالث ان كان اعتليت المنابر=معي انا يمكن اقفّي بنجمك
لذلك احسبها وجاهد وثابر=ولاتقتنع لا قسموها بقسمك
وان ماوسمت اسمك على كل صابر=لاتزعل ان حطوا على الورك وسمك
واليا نشفت دونك كبود المحابر=انحت على ضلع النهايات اسمك
لاتشتكي ويقال مسكين صابر=اكتم قهرْك وشرط كلٍ يحشمك
ماهوب صح إن الرجوله مخابر=إن مانفع مخبرْك ينفعْك جسمك
إدحَم مادام الوقت مظلم وغابر=لاينقتل عزم الطموحات قدْمك
ولاصرت دايم بالمجالس تكابر=بينك وبينك لازم تعرف حجمك
وإذا انت تدري انك انسان عابر=أقله ارفع عند الاجناب خشمك

[سندريلا]

ياسلام عليك يابندر اختيار موفق


صح لسان ياسر وتسلم يمينك

[سعوط المجانين]

وعليكم السلام ورحمة الله وبركاته


وإذا انت تدري انك انسـان عابـر
أقله ارفع عنـد الاجنـاب خشمـك

صح لسان ابو محمد ولاهنت يابندر البجيدي على النقل

وياسر التويجري او كما يحلو لي ان اطلق عليه لقب مروّض القيفان يعتبر من اجزل شعّار جيله فقد فرض نفسه

فالساحه الشعريه في زمن قياسي وهذا قد يكون صعب في ظل الزخم الكبير التي تحضى به الساحه الشعريه من شعراء

دمت بود

...

[سعود المسعودي]

صح الله لسان الشاعر

والله لا يهينك