ديوان الشاعر ::: عايد الضافي:::

[هندي المقبل]

][®][^][®][الشاعر عايد الضافي][®][^][®][

نبذه عن الشاعر:

هو الشاعر عايد بن ضافي بن سليمان الجلوي الضوي الجعفري العنزي رحمه الله
عاش متنقلاً بحياته مابين ( سوريا والسعودية ) وكان يعيش بمنزلة في سوريا، ولكن حالته الصحية تجبره على مراجعة مستشفيات السعودية ومع العلم أن أبيـه المرحوم ضافي بن سليمان الجلوي العنزي كان فارساً فذاً له شهرته بين عنزة ولكن لم يدونوا له شيئاً سوا روايات كبار السن، وكان لأبيه صولات وجولات بفروسيته خصوصاً في الأراضي السورية وقيلت به قصائد مدح من قبائل
أخرى دليلاً على شجاعته .

توفي في مدينة تبوك في 31/8/2006 م رحمه الله رحمة واسعه واسكنه فسيح الجنان

تنقلت قصائده بين صدور الرواة كماهو عاش متنقلا , شاعر مقل ولكنه مجيد , لم يطرق باب الاعلام ولكن حُفظ له الكثير من القصائد
شاعرٍ قصيدته مرتبطه ارتباط وثيق بالاصاله ,شاعرٍ حرفه سفير أمين لصدق الموهبه وسمو الفكر

تذكرني بلاغة قصائده بالشعراء الصعاليك الذين حملوا هذه التسميه للطريقة التي كانوا يعيشون
بها وفرضت عليهم منهجيةٍ مختلفه لبناء القصيدة وبلاغتها وكانوا اعلامٍ ببلاغة الكلمة وسرعة البديهه 00
شاعرٍ متمكن حكيم ,قصيدته مؤثره , وحجته رصينه وشاعريته حقيقيه0

بقلم : الشاعر صالح الضويحي

[هندي المقبل]

زمان راح يالافي

لا تجيب ذكرى زمان راح يا لافي = خله على طية النسيان لا تجيبه
اخاف يطري عليه زين الاوصافي = اذكر زمان الغضي واذكر تعاجيبه
مريت دار سكنها ما بها اشوافي = مدهال زين الوصايف عاوي ذيبه
دور نبيه وتعدى معطي قافي = علمي بوقت الوناسة يوم علمي به
يوم ان عمك هكالايام غريافي = مستانس كل مرقاب يغني به
ماكدر الوقت باله خاطره صافي = بأول شبابه غليم ما ظهر شيبه
وانا عليه بشيت خل رفرافي = والمرعز اللي هدبها زاهي جيبه
قضى الهجيني ونطة كل مشرافي = من يوم راح الهوى واخلت مراقيبه

هذا القليب اللي وردناه ياحمود

هذا القليب اللي وردناه يا حمود=وهذاك منزلنا ومنزل عربنا
وهذا السماد و ماقد النار موجود=وهذاك منزل بيتنا يوم يبنى
قدام بيض أيامنا تنقلب سود=قبل خبيثات السنين تحربنا
يا مسندي ما ينفع اللوم يا حمود=على السنين الماضية لو عتبنا
والله يا لولا هلة الدمع منقود=لاشكي زمانٍ طيب وقته عقـــبنـــا
وقت تخبره يوم أنا وأنت يا حمود=يا ما ضحكنا به ويا ما طربنا
يوم الغنم تسرح بها نوف وعنود=مستانســـين مع طوارف عربنا
مكيفين بونسة ما لها حدود=لايام تالي وقتنا ما حسبـــنا
كم جادل يوم العرب صدر وورود=تشـــر لنا يم الوعد و تهزبنا
وياما وردنا صبح الأمطار يا حمود=وياما ملينا من الخباري قربنا
بالصيف مع صفقات عمري ومحمود=نشره نجيب الكسب لو ما كســـبـنــــا
واليوم ما يسرح لهم ناعم العود=وش عاد لو نرقى الرجوم وتعــبـنــا
رعيانهم صاروا بكستان وهنود=قلب علــينــا وقتنا وانقلـــبــنــا
الشيب ما يحتاج تثبيت وشهود =يا حمود عقب شبة العمر شـبــنــا
(من كمل الستين لا يرجي الزود=غير السجود , وقول يا رب تبــنــا )

مدري متى لشيوخنا تطلع الشمس

ولي ديار جيتها مالها جنس=زادت على كل الديار بغلاها
مقيظها طيب ... ومسكانها ونس=ليا نسنس الغربي وذعذع هواها
لذة طربها يوم فواز واورنس=معهم نهج طيب الديار وحلاها
بس المنازل خالية ما لهم رمس=ولا عد اخو فوزة برجله وطاها
والشيخ ابن مرشد ترك ديرته حمس=وديار مصوت بالعشا من ولاها
تبدلت ما هي سوالف نهار امس=قعد لهم حكم الدول وعملاها
شفت المنازل و انعمس خاطري عمس=والعين هلت دمعها من عناها
مدري متى لشيوخنا تطلع الشمس=ويجلي ظلام الليل عنهم ضحاها
ويشرق عليها نورها مثل قبل امس=ويسكن قديم الدار حي بناها
ونرجع على الشنبل بجموعنا الخمس=وعنها نزيل ظلال غيم غشاها

نظم القوافي صميم القلب هيضهن

نظم القوافي صميم القلب هــــيـــضهن = من راس تل تهايف صوب ريـعاني
وطلعت قورن سراب القيض ينهضهن = من دونهن يوم يزمي تقل غـدراني
جاوبت ذيبٍ اصـــواته ما يريــــضهن = عوى على عقلتٍ من بين جيـــلاني
ذيـبٍ رقــا بالعـــوالي ثـم فــيــضهـن = اقبل عليه المسا ما شاف زيـــلاني
راحت علينا اسنين من تــعــــوضهن = لو جا عقب وقتهن سيلٍ ورجعاني
ماغير ذكرى هكاالايام حافظــــــهن = ذكرى زمانٍ عـزيتـه يــوم خــلاني
والبيض الي شـبنا من غــمايــــضهن = صارنٍ عجايز وحنا اليوم شيبــاني

[هندي المقبل]

ياشيخ عمار

حلمت ليّه حلم ياشيخ عمار= ومن حلمتي له صار بالقلب تأثير
حلمٍ سرابي تالي الليل لديار=وأصبحت عن هالدار في ديرةٍ غير
مع وسط ناسٍ مالهم غير الأذكار= غابوا عن الدنيا وجونا مسايير
من غير حروه جونا الأخيار زوار= وقامت هلاهيل الفرح والتباشير
أفترت المكره على ماض الادوار= على زمانٍ يوم أنا شبّ وصغير
أحيّا آمالاً كاذبه يأبن الأخيار= حلمٍ يصوّر لي هاك الوقت تصوير
شفت السلف فاتوا على جيش وامهار= وشفت الضعون المقفيه والغنادير
ويوم أختفوا طلعت برا عن الدار= فزيت أبرقا نايفات العناقير
الياآني بحوش وبين بابين وجدار=مامن سلف حولي ولامن مظاهير
احلام ليلٍ من هواجيس الأفكار=سوّن بلقبي في منامي مصاخير
طرى عليّه سجةٍ عقب الأمطار= بدفّاق هملول المزون المبادير
ياما حلى صوت أم سالم بالأقفار=والجو هادي مابروضه معاصير
مستانسين بصوتها وسط نوّار= نسمع غناها طلعت الشمس واعصير
والديك مانوحيه يلعي ورا الدار= وباليل مانسمع رجيف المواطير
ياغير عوي الذيب أو حنّة احوار= وصوت النجور اللي تجيب المسايير
اليا أنتهى المرباع وردوا للأبيار= وكلٍ لذوده جر حوضه على البير
يازين شوف اضعونهم هاك الأدوار= وشوف النزول اللي على الماء مقاطير
يوم الشباب ويوم لفتات الأنظار= لبيض الخدود اللي عليهن دواوير
وابكرتي تقطعت عنها الأخبار=وأفخت حروة وردها والمصادير
نشدت عنها كل طارش ودوّار=وأيست ماجابوا خبرها المداوير
يوم العوارض سود والشيب ماصار= نلقى عوضها مع طياح المغاتير
وجنّا سنينٍ ماعرفنا لهن كار= وراحن علينا من كبار المخاسير
حضارةٍ عمّت على كل الأقطار=بسلمٍ جديد اليوم وسلومنا غير
لقيت ناسٍ ماتبي شبت النار=وقلت السبب؟ قالوا حضارة وتطوير
والنجر مال لدنته عندهم كار= عدّه وحي سطلٍ يدهديه معصير
ولو جيت تدعيهم على بنّ وابهار= أعطوك من عذر السكانه معاذير
من خوف " لايفوتهم" فلم غوّار= وأفلام كرتون ووراها فوازير

ياحمود

ياحمود سلّم لي الياجيت "ابامغير" = وسلّم اليامنّك توسقت "قـمراء"
ولاتختصر عن "عنز" شف وصفها غير = القطعاء.. اللي غربي " الضلع"سمراء
والياأعتليت برأسها ماقع الطـير = سلّم وقل يادار الأجداد عَـــمراء

يابن سماح

يابن سماح انكرتني يامحبوبي=خليتني واقفيت للربع ذولاك

وانا صديق" لك ولاني لسوبي =وان شفت صدات الجفا منك مشناك

ياصار عندي ماهفالك وجوبي = وسني وقم سنك ومرباي مرباك

مايمشي الاقدام غير القلوبي =ومن ماشتهى لو تفتح الباب ماجاك

كان ماتبي المسيار منت مغصوبي =وان جيتني يالهيلعي قلت حياك

مابيك تغفر لي سوابق ذنوبي = ولابيك تعطيني من اطراف دنياك

والله لو ماملك غير بشتي وثوبي = اني عزيز النفس مثلك وشرواك

جاني خبرك انك حسنت الشنوبي = وحطيت لك لحيه وبالجيب مسواك

لانتا شمالي ولانتا جنوبي = عجزت لاميز مذاهبك والقاك

خابرك يوم انك ظحوك" عجوبي = قبل بياض الشيب ياشع ملحاك

يوم انت عوق" للهنوف النصوبي = اللي تروقب بالوعيده تحراك

ذكرتني سنة ربيع الخبوبي = يوم البكار يداحمنك بمفلاك

يوم انت بطراف العرب لك ذهوبي = وضح" تبي تقفي بهن مع رعاياك

البكره اللي ماضرت للركوبي = ترجح بممشاها على صوب ممشاك

لو شفت مفلاهن خلي" تهوبي = صفقت باليمنى على كف يسراك

يامسندي سكر نسيم الهبوبي = يوم انتهى عند الغنادير طرياك

شمسك عصير وهورفت للغروبي = واللي تخبره باول العمر خلاك

ولياحتريت احتر عليم الغيوبي = لاتحتري يرجع زمان" تعداك

لو سالت الشعبان سيل" سحوبي = ماظنتي يرجع مثل وقتنا ذاك

الله يفكك من عكاش الدروبي = ومن البناشر والمطبات ياقاك

وعساك ماتسكن ببيتك عزوبي = والله يخلي لك ذلولك ومعزاك

يابو علي

يابوعلى لو اتماني بها خير=مبطي على مشهاة نفسي تمنيت
ابا أتمنا يرحل القصر وا الحير=والحوش يطوا طيت البدو للبيت
يرحل وينزل مع طياح المغاتير=واليانبنا وسط الفياض الرجهنيت
تسوا ازروع الي مطرها نوافير=اليا ارقبت قدام المظاهير ووميت
مدراج هملول المزون المبادير=ليم بعيد النجوعهم عقب تشتيت
هي منوتي ماضن للي منوت(ن)غير=لو المنا قالب حلوم وهرابيت

يابو فلاح الوقت ماهو على الكيف

يابوفلاح الوقت ماهو على الكيف=ولا تصفي الدنيا على كل الأحوال
ولا أنت فاهم من الرجال(ن) عوا ريف=ولا من على مثلك طواريق مدخال
هذا زمانن من توطاه ماشيف=خلى قوي إلباس يبرك بلا عقال
لوهو على كيفي تمشيت بالريف=مع لأبتن يعدل بها الحق يامال
يوم الفعول بطعنة الرمح وسيف= جعافرة ضد المخالف الياعال
ينزل لهم شيخ(ن) يكف الطاريف=أليا جأ انذر مايقشع البيت رحال
زيزم قوم ويدحم الخوف ويخيف=قدام ربعن ون مشو كنهم جال
ببيوتهم تلقى المسايير وضيف=وناستن يطرب لها ضيق البال
ونجرن وحيه يشرف البيت تشريف= من يسمعه ينصاه من دون مرسال
وضحن على حس المودة مواليف= مالقطوهن من شريطي ودلال
واليا ذكرت الترف زين التوصيف = أيام يومنا على الزمل نشتال
اعوي اعو إلي ينط المشار يف=ذيب(ن)عوا بين الطرايف وغسال
ياطا على صم ارضم والحجا ريف=ويطوي طويلات المراقيب ذومال

فنجال الضحى

يازين فنجان الضحى يابو غازي= بالمنزل اللي يانزلته يجوزي
بين النفودوبين لغف النوازي= العشب واجد والحطب مايعوزي
ياصرت محرز والقوايم أعزازي=لاتنجضع للعجز قبل العجوزي
خل الكسل للهل المدن والحجازي= ولله على ماتكره النفس موزي

ياجبر

يـاجـبــر جــبــران الـخـواطــر عــلــى الله =جبار عظم المنكسـر مخضـر البيـد
ربــــــــآ كــــريــــم وعــــنــــده الــخـــيـــر كــــلـــــه = هـو الـذي يبـدي علـى الـنـاس ويعـيـد
الـــلــــي بـلــطــفــه كـــــــل روضـــــــآ يــبـــلـــه = محـيـي الفـيـاض الممحـلـه بالـدواعـيـد
يـــاجـــبـــر ويـــــــــن مــحــاربــيـــن الـــمـــذلـــه = عــــلــــى الــمـــغـــازي نــاقــلــيــن الــبـــواريـــد
مــاعــدهــم داجـــــــو عـــالــــى الـــقــــاع لله = اقــفــت بــهــم جــــرد الـسـنـيـن الـسـرامـيـد
يــاجــبــر ويـــــــن الـــــــي جــعــدهـــا تــفــلـــه = ايام حفلات البني في ضحاء العيد
يـــــوم الـــطـــرب والـــعـــز حـــنـــا هـــلالـــه = مــاعـــاد نـخــضــع لالـعـمـامــآ ولاســيـــد
ولـــيــــا عــقـــدنـــا عــــقــــد مــــحــــدآ يــحـــلـــه = يـوم اسمنـا عنـد القبايـل ضنـا عبيد

ياحنيف

هنيت من يلحق تمانيه يا حنيف=قبل يصير ال تالي العمر ساموح
كافحت مع وقتن ادروبه تعانيف=نبي نضد الوقت والوقت مكبوح
راحت جديد ايامنا والعجاريف=وين اليال الي بها ضحك ومزوح
الله كريم يبدل الوقت بالريف=عقب المحل يرجع للوطان برشوح
بدرب السحاب اللي المزنه رفاريف=بخشوم غراَ بدجاء خلت له ضوح
ان ربعت نفودنا والاطاريف=والبر زان وصار بالبر مصلوح
من شان نرحل الطعوس المشاريف=او للجلد ياقيل بذكر ممدوح
عشبه جديد وكل ماذعذع الهيف=ريحه اليا هب الهو ينعش الروح
الياختلط عشب الدحل والقفاقيف=ماتفرق الريضان من خضرت السوح
مار اليالي معطني على الكيف=ولا ان ودي اترك القصر واروح
بيتاً بله دوٍ تجيه الهذاليف=اخير من قصر المرندات وسطوح
ومشيك مع البيداء اوساع الاطاريف=مع كل درب باب الارزاق مفتوح

[هندي المقبل]

وش وقع مشيك بحامي القيظ يا رجلي

وش وقع مشيك بحامي القيظ يا رجلي = ليـا عـاد انـا منـتـوي والــدرب قـدامـي
ليا دام انـا عـن مديـد الصبـح معتجلـي = عــدوي الـلـي يشـيـر الـيـوم بمـقـامـي
والله لادرج مـا زول الرجـل تـدرج لـي = مـا زول باقـي الجهـد والمـخ بعظامـي
دار جفاها الغضـي عـن قربهـا لاجلـي = واسكـن بـدار سكنـهـا الـتـرف قـدامـي
ابــو عـيـون وســاع ولونـهـن نـجـلـي = حـجـل الاومـانـي لـيـا مــدوه عـزامــي
والله مـا تلحـق جزايـه لـو تحجـج لــي = يـا معـزل الوسـط يـا قــواد الاروامــي

وله ايضا رحمه الله

طرا عليه شلعت النجع بالصيف = يوم الضعون بوجهن غربني
ياما توطن فيضة الهجم واطريف = صوب الحزوم الي شمالآ زمني
ديار الجلاس بوجهن بالمذاريف= فاتن وسيع اديارهم واشملني
تنحرن ديرة ضنا عبيد بالصيف = بالشط ياما اضعونهم شرعني

حنيـت لايـام الثـلاثيـن يـاسعـود

حنيـت لايـام الثـلاثيـن يـاسعـود = أبـي مراقـيب الرجوم وعذابي
و أبي الوليف الي هاك الوقت موجـود = للـي جنـابه مايمله جنابـي
بكـيت ناس ن لاخوالي و لاجـدود = ولاهم بني عمي ولاهم انسابـي
من شان مسلوب الحشـاء ناعم العود = الـي سبايب عرفها هو ذهابـي
فطـن علي العنق وعيـونها السـود = خشف النفود اللي بالاطعاس رابي
علـمي بها يـوم المواثيق وعهـود = بارض التلول النايفات النوابـي
وهالحين ماني عن هوى الترف منشود = لـو مرني داف الحشاء ماشقابي
من يوم شفت البيض غطن على السود = ايس هوا الخفرات قلبي وتابي
ما جـاك من يعطيك الاخبار ياسعود = محداً درى عن حالتي وش جرابي
يـوم استرحت وغفت العين برقود = البـارحة بالحـلم جـاني منابـي
الفـى علي بعـز نومـي وانا أنود = مـن فوق فلك في بحور السرابي
واصبحت في ناس رحيل على القود = وشفت الغضي معهم وزاد العتابي
غـرواً سكن بين الصلافيح و لحود = جانـي تخطى عقب طول الغيابـي
يـوم اقبلت ظنيت أنا العلم ماكـود = فزيت ابلبس ما زهـا مـن ثيابـي
أثـره حلم و كـل ماشـفت مفقود = حلـماً هجـدني بالمنـام وغدابـي

يا للى رقيت با نايفات المشاريف

يا للى رقيت با نايفات المشاريف = قبلك رقيت بروسهن و اتعبنى
حمر الهضاب النايفات المشاريف = اللى بهن سحم الذيابه عونى
تجاوبن برض بها الزول ما شيف = و استسعرن يوم الديار امحلنى
عسى المزون اللى تقافت مراديف = تسقى ندف نيال ما يجنبنى
يقبل علينا برقهن له رفاريف = وصكن على فوقيه ثم ارعدنى
سيله يجعف قوع الاشجار تجعيف = يا ما حفر عن قوعهن و ارتكنى
وشال الغضى اللى نابتً بالاطاريف = يا ما ركب فوق الندف و اتقنى
فج الطعوس وذرف القاع تذريف = وخبرا الطرودى و الهوج امتلنى
عروس تذرف كنها شاطئ السيف = هابنها القطعان ما يشرعنى
من مدلهمن كنه الليل يا شيف = البرق يلعج و الرعد ما يونى
يسقي اطفيحاء و الغوار المكاهيف = ارجعلها يوم الديار امحلنى
ياربعت ما تنوصف بالتواصيف = لو اتمنى ما تجى بالتمنى
تلقى بها عجف العشائر مشاعيف = حلايب الخطار يا روحنى
تلقى الجوازي يوم الاقفار و الريف = هن و المها بحزومها يرتعنى
و العين هلت من دموعن ذواريف = تبكى على مافات و القلب حنى
حنين ذودا للموده مواليف = سمعن لهن صوتً بعيدن يغني
عز الله انى مثلهن بالتواصيف = يا وقفن بعد العشاء و اعولنى
طراء عليه شلعه النجم با الصيف = يوم الضعون بوجهن غربني
يا ما تواطن فيضه الهجن و طريف = صوب الحزوم اللى شماله زمني
ديار الجلاس بوجهن با المذاريف = فاتن ديارا هن و اشملنى
تنحرن ديره ضنا عبيد با الصيف = و با الشط يا ما ضعونهم شرعني
دشن هل العرفى من غير تعريف = رمحى شطير و شذرته ما تسنى
نبي ضنا ماجد حماه الاطاريف = نطاحت العايل برمح المطني
و الولد نذخرهم لصعب المواقيف = و انا اعتزي با الولد و الولد منى
هذى منايه لو تجيلى على الكيف = و عزي لمن رغبات قلبه تمنى

[هندي المقبل]

البارحة يوم انجضع كل مرتـاح

البارحة يوم انجضع كل مرتـاح = نامم وطاب النوم للــــي حذاهم
ما نمت اخيّل بالدجــى بارق لاح = يبرق عاى ربعي بقلبـي غلاهم
يبرق ليامـــا بهّج الصبــح وانباح = مزنن تحدّر غيبت الشمس جاهم
روّح عليهم كفـــة المـــال مرواح= فيّض عاى بطيمان سيله غشاهم
تباشروا بالسيل يوم المطر طـــاح = رحمة كريم ٍمن فضــوله عطاهم
سيل غرّق ما هو تناقيع ضحضاح = ينبتلهم قمــح ٍيجيــــب الــدراهم
ديرة عطاالله هو والأركع وصياح = وساع الصدور اللي بعيد ٍمداهم
حامينها للي يجي عقـــب ما راح = وبغيابهم ما يطمعـــون احدداهم
ياليت لو ما الشيب بوجيهــم لاح = ياليت لـــو يرجع عليهم اصباهم
علي بعيد الصيت كسّاب الأمداح = ليا جوه ربعه ما تغالى جراهـــم
نبّه عليهم غيبة الشمــــس بمراح = حرّم وطلّق غيــــر عنده عشاهم
بديوان أبو مطلق تعاليل وأمزاح = ونالسة ٍعقب السفر هــي مناهم
نامم عاى فــرش ٍعذيات ٍاريـــاح = بوســـط ديوان دفيــّن غطــاهم
وسم التعب والبـــرد بوجيهم راح = صبح المقام معلقينن افراهــــم
ومساعد الكسّار للحيــل ذبّــــاح = زكّن عليهم بالغدا واحتساهــــم
صميدان قطّاع الفيافي ليـــا راح = من الرجال اللي بعيد ٍ مداهــــم
ما هومن اليا انفسق راح ســوّاح = ينهج لناس ٍمـا لغاتــه لغاهــــم
أبو خلف ليا لفا عاى الربع يرتاح = وهم يفرحون بجيّته يوم جاهم
عسى لياليهم مســـــرات وافراح = ريف الضيوف مشيّمين اقصراهم
وبيوتهم عند دقّـــــة البــاب فتّاح = مــا غيّرم عاداتهم مــن صخاهم
ليا مر عقب العِشا رمي واصياح = والخيل لاجت بالمرابـــط تراهم
تحيزمــوا باللـــي يسلّن الأرواح = وتنادبوا بالجعفريـــــّـة نداهــم
جت اول الفزعة على الخيل طفّاح = تحت ظلام الليل تسمع احداهم
يعرف وحيهم بين رعوي وفـلاح = ما ينتخي بالجعفريّة ســـــواهم
والله يعز ربوعنا صدق وانصاح = كــم واحد ٍيبي الذرا من ذراهم
من قارب الركعان يدله ويرتــاح = هـم والرخيّص يسعد الله مساهم