الانس و الجان.......

[احمد العريفي]

إلى ضحكتي تضحك الانس والجان=وإلى زعلتي يزعـل الكون كـلـه
يادرةٍ عـزة عـلى كـل الاثمـان=بالوصف عن كل الدرر مستقـلـه
يافرحـةٍ تبسمـت بين الاحـزان=يافـرجةٍ بين الشدايد امـطـلـه
ياكـف شهـمٍ مدها يم غـرقـان=باخر رمق من تحت الامواج تلـه
ياجرعةٍ عـذبه على حلق عطشان=امن الضما عجزت اعظامه تشلـه
ياضوح برقٍ لاح بعـيـون بدوان=تباشـروا عقب السنين المغـلـه
يانشوة الصحـه على جسم وجعان=اربـع سنينٍ ثاويٍ فـي محـلـه
يالذة الغفـوه على عين نعـسـان=مـره تغم العيـن ومـره تفلـه
يادمعـة التوبه على خـد ندمـان=تحدرت يومٍ سمع خـف مـن الله
يافيضةٍ عشبه غدى اشكال والوان=بالسدر عن شمس الظهر مستظله
يانسمـةٍ تسللت بين الاغـصـان=ياوردةٍ مـن شـمـهـا مايملـه
صرتي ورب البيت للزين عـنوان=كنك شعاع الشمس والناس ظلـه
لو قسموا زينك على كل الاقـران=كـفى وفاض ومابقي شَيَنْ لـَلـْه
ماهمني غيرك من العالم انسـان=من بينهم وسط الحشا مستحـلـه
يارب سهـل دربها وين ما كـان=وخل الحياة بوجهها مسفـهـلـه
يارب وفـقـها على كل ميـدان=يارب لاتجعـل حياتـه مـمـلـه
أعيذها بالله من كـل شيـطـان=واعيذها من كل نفـسٍ مـظٌـلـه
أستغفر الله واحمده عالي الشآن=إن شاء .. يغـفـر كل ذنبٍ وزلـه

احمد بن عبدالرحمن العريفي
(نديم المجره)

[أبو غرام]

هنا اتشرف بالتواجد في المقام الاول
لمعانقة هذه الفاتنه الوافره

صح لسانك الا كل كلك اخوي احمد .. ولاغرابه ان يكون الابداع
عنوانك والتميز موضوعك

ابيات من مشدها وخالقي حتى النهايه

رااااااااااااااااااائعه ..

شكرا لك على اتحافنا بهذه الجميله

اخوك ومتابعك ابو احمد

[احساس قلم]

الله عليك شاعرنا الرائع
احمد العريفي
صح لسانك عدد بلا مدد
كان لي شرف المرور هناااا
دمت بود دوما

[طلال معيض]

الشاعر الرائع احمد

صح لسانك ولاهنت

[صبيح العوض]

اخوي احمد العريفي

صح السانك قريت هذا النص الشامخ واجبرني بتسجيل اعجابي

الله يحميها ويخليها لعينن ترجيها

تحياتي واحترامي

[هندي المقبل]

كالعاده شموخ شعري بتميز

احمد العريفي صح لسانك

واسمح لي بتسجيل اعجابي بما كتبت

ودي وتقديري

[ماجد الغانم]

الغاالي

احمد العريفي

صح لساانك ولاهنت

مشاعر رائعه لله درك

ودمت بكل خير