ياسعد ارسل من جنابي رسايل=رسايلٍ مني لها الشكر عنوان
.=.
الأوله مني لجزل الفعـايل=عطها سعود النومسي طلق الايمان
.=.
شكراً لحلال العقد والحبايل=لاهان ابوسلطان لاهان لاهان
.=.
عون الرفيق وعوق من كان عايل=له بالنقا موقف وبالمرجله شان
.=.
ارفع له البيضا على راس طايل=ارفع له البيضاء على راس ما بان
.=.
من ساحل الغربي لبيضا نثايل = من اقصى تبوك الى شروره ونجران
.=.
ارفع بصوتي يا عيال الحمايل= بيضا لولد مطلق سلايل بليهان
.=.
والثانيه مني لواف الخصايل=لموسى فلاح النومسي طير حوران
.=.
حرٍ مجرب مايصيد الهزايل=دايم وصيداته جزلات وسمـــــان
.=.
والمدح مايصلح بليا دلايل=عندي على قولي ثمانين برهان
.=.
نصاني الي مقدم ٍ لي جمايل=مالي عذر عن حاجته قدر الامكان
.=.
نصيتهم والعلم مـابه جهـايل=قالو لي ابشر كل كايد بها هان
.=.
ولاهي غريبه من كرام السبايل=هذي عوايدهم على ماضي الازمان
.=.
جدانهم يوم الطلب والسحايل=وقفاتهم تذكر وتشكر بالاكوان
.=.
فوق النجايب والمهار الاصايل=في قمة العزه مشايخ وفرسان
.=.
ياما ثنوا دون الضعن والرحايل=وياما كسرو ليثٍ بالاموال طمعان
.=.
بحد السيوف المرهفات الصقايل=ياما احتموا للنوق حلوات الالبان
.=.
ستر العذارى ناقضات الجدايل=لهم الفخر ثابت من اول وذلوان
.=.
وان جيت امجدهم بحلو المثايل =يجي الشعر جزل المعاني والاوزان
.=.
و افعالهم واجد وبيوتي قلايل=وماقل د ل ومثل ماقال راكان
.=.
وثالث رساله من ثلاث الرسايل=لاخوي شيال المحامل بليهان
.=.
عوني اليا ضاقة على المحايل= سعد حجيوي عون من جاه بلشان
23/08/08, (02:20 AM)
يا سعد قل للنومسي 3 رسائل
العرض العادي
