كان سعدون العواجي يوماً من الايام يسامره الحزن على ابنائه عقاب وحجاب واراد
ان يختبراحفادة ابناء عقاب وحجاب ويحثهم على اخذ الثار من هايس القعيط
فقال الشيخ سعدون العواجي هذه القصيده:
الصدرضاق وضاقت الارض بيه = والهم مابين الصناديق لاجي
من العيشه اكل مارماهي هنيه = والدمع يسكب من عيوني بجاجي
على الشيوخ مدلهين الرعيه = ترعى هيت عن دربها ماتعاجي
مرحوم ياللي مايخلي خويه = يلكد على الموت الحمر مايجاجي
رجواي لبن عقاب ثامن ضحيه = الصبرقل وفات وقت المراجي
ارجيه رجوى غارسين الوديه = ماخاب غراس يدورالنتاجي
مصيبتي ماهي عليكم خفيه = تنخاك يابن حجاب سفر الحجاجي
لكم على هايس مطالب دعيه = متبينه ياعيال ماهي مناجي
صبر صبرته يخلفه الله عليه = عقب الزلالي صارشربي هماجي
ان ماطلعتو طلعة الصيرميه = عندي مثل حسبة عيال النعاجي
وهذه قصيدة ابن حجاب يرد على جده سعدون
ياجد قلبي صار مثل الشويه = بنارجحيم واللهب له عجاجي
والدمع من عيني كثيراً اوتيه = ماهوعلى راع الثمان اللعاجي
هواي والله مهره معنقيه = مشمراً بنت الحصان الرواجي
الكد على الصابورفي كل هيه = واطلق عقال الذود والليل داجي
واطلق عليهم غارة جعفريه = حتى يطير غبارها والعجاجي
كبيرة الدبدوب ليه حضيه = خزيزتي من عرض جمع العواجي
ثار ألابو حق بليا وصيه = يلعن غلام شاف خصمه وماجي
لوا هني من طارد الزوبعيه = قبل وديع الروح ياجد ياجي
لابد من قبراً يدهدم عليه = ماينفعن كثرالنعى واللجاجي
وقال ابن عقاب يرد على جده سعدون العواجي
ياجد يازبن الجواد الرديه = اليانذعر راع الجواد الرواجي
انا هوايه فوق بنت العبيه = ولاعبه قدام طرش العواجي
ومصقل حده سهوم المنيه = عليه وصف من حسام الخفاجي
اما حولت بفارس الزوبعيه = ولاعلى قبري يثور الجاجي
ان ما خليت الرمح مثل الحنيه = مع الجعر حطوا عشايه بصاجي
ثار ببوي عقاب ذيب السريه = مودع جياد الخيل سرج مراجي
ان جانهار فيه شل الدميه = وغدا لهن فوق الطريح ارتواجي
يلكد عليهم والعزايم قويه = ليث يعقب للسبايا انزعاجي
ولوعرضت لي بنت حام التليه = قبل القصا يحرم عليه الزواجي
وقال سعدون العواجي يمدح حفيده جارالله ابن عقاب عندما اخذ بثار والده وقتل هايس القعيط
فاتن ثمان سنين والثارغادي = موا كرك ياعقاب عقبانها صغار
اعوام فرخك مايجيد الهدادي = سنه صغير ولاتمكن من الثار
واليوم رواء مرهفات الهنادي = والخيل من فعله هزايم وعبار
ياعقاب ناد لهايس جاك بادي = ماراسئله ينبيك كيف الخبر صار
راحن قلايع خيلهم باليادي = وهايس رمنه يوم عج الرمك ثار
فرخ العقاب اللي رمابه وكادي = ليث على خيل المعادين كرار
حول بهايس يوم حل الطرادي = ثارن بابوه وصاحب الدين يختار
حرا قنص حرا بثاره وصادي = خلا بداد الريش شتن وبذار
الى عثا بمشمرات الجيادي = ياعقاب مثلك لاحمر الدم نثار
العن صبيا ما بثاره ينادي = والخوف ماطول قصيرات الاعمار
وقال القصيده الثانيه
ياسابقي رد البرا مات راعيه = الجيش حزب والرمك موفلاتي
يا ناس زول اعقاب ماني بناسيه = عقبه فلاتسوى ريال حياتي
لو من غذا جرون لقا ما هقا فيه = كان العرب كله تسوي سواتي
الورع ورع عقاب لاخاب راجيه = حول بهايس ماتناسى وصاتي
كزه لبوه ويذكر انه موصيه = يعد ماشافت عيونه ثباتي
الخيل تثقل لين تسمع عزاويه = ومن يوم سمعنه وهن مقفياتي
لعل ورعٍ ما مشى درب اهاليه = تشق عليه جيوبها المحصناتي
امل ان تحوز على رضاكم
وسلامتكم
10/02/09, (12:53 AM)
فاتن ثمان سنين والثارغادي موا كرك ياعقاب عقبانها صغار
العرض العادي
