ياصباح جنينة الورد

[معيض بن عريفج]

ياصباح جنينة الورد واعذبها = من يشم انفاسها الفجرنعنشته
والنسيم غصون الازهار داعبها = يرقص الغصن وتناجيك وشوشته
مع نسيم الصبح بأعلى جبال ابها = والجبل باللون الاخضر لبس بشته
والسحابه يوم تسدل مناكبها = عقب ماهي كل ظلع(ن)مروشته
والسماء لثامه سنا الشمس حاجبها = والطبيعه من يطالع لها ادهشته
في حضور الغايبه عندغايبها = وهي غلاها بين الاضلاع ناقشته
تعزف اوتار الغلا لها ومطربها = بريشة اوتار الغلا لاتناوشته
ودي اكلها من الشوق واشربها = جاع قلبي من غلاها ومعطشته
يابسن قلبي غلا من سبايبها = يوم ادق الصدر تزعجني اقرشته
خيتي فديتهاوابي اعاتبها = وهقوتي تحتمل اخوها وقروشته
ودي اسألها وش اللي مغيبها = والملك شعبه يحبه مملكته
عسى ياسع صدرها لي و مذهبها = ولاتقول اقلق فؤادي بخربشته
وتعذرالدمعه والايتام تسكبها = وصدر اللي ضايق وعبراته اجهشته
ماهو انا قلبي هو اللي يخاطبها = من كثر شوقه لهاهي موحشته
اللهم اني بريء من عواقبها = الغلا بالقلب والبنت مبلشته
مايطيع القلب لوقلت جنبها = عاصي(ن)مهما عذلته وهاوشته
كل ماراحت وراها مراقبها = والله اعلم انها هي مندبشته
جعل تفداها القصيده وكاتبها = والزمان اللي بقالي واللي عشته

[خلف الغريب]

وجدان لا يضاهى ومشاعر شاعر لا يكتب الا مشاعر ..

ودي اكلها من الشـوق واشربهـا

جاع قلبي مـن غلاهـا ومعطشتـه

يابسن قلبـي غـلا مـن سبايبهـا

يوم ادق الصدر تزعجني اقرشتـه

صح كلك يا معيض وعادتك الابداع ..

[حمد الضوّي]

معيض بن عريفج



صح لسانك وإعتلا شانك قصيده جميله من شاعر جميل واللي عرفته عنك إنك شاعر نظم ومحاوره أيضا ً وهذا دليل على إنك شاعر محترف ومميّز ... ولكن لدي إستفسار بسيط جدا ً قد لايذكر وبعض الشعراء يجيز هذا الشئ وهو أختلاف القافيه في شطر بيت واحد فقط ألا وهو الشطر الثاني من البيت الحادي عشر حيث أنك وقفت قافية الأشطر الأخيره من القصيده على ثلاثة حروف هي ( ش ت ه )مثل ( كلمة نعنشته ) إلا ّ الشطر الآنف الذكر وقفته على ثلاثة حروف أيضا ً وهي ( ك ت ه ) في كلمة ( مملكته ) وهذا لايعيب القصيده ومثل ما أسلفت بعض الشعراء يجيزه .. وجهة نظر لاغير وقد تكون في غير محلها .. والمعذره إذا أثقلت عليك يالغالي.. ولك تحياتي

[محمد بن موسى]

معيض بن عريفج

حينما تحضر يحضر الابداع معك

قصيدة رائعه اخي الكريم بروعة حضورك وتواجدك

وانت مبدع في كل حالاتك بالنظم والمحاورة وشهادتي بك مجروحه

واسأل الله العلي القدير ان يطمنك عن من سألت عنه

وان تجد عنده مايبرر غيابه

وملاحظة اخي حمد الضوي في محلها

وتغييرك لهذة القافيه بالتحديد امر يبعث للتساؤل وعلى قولتهم المعنى ببطن الشاعر

وانا على ثقة ان شاعر بقامة وجزالة معيض العريفج لا يصعب عليه تصخير القوافي وتذليلها

ولكن اعتقد ان هناك هدف من ورا هذا الاختلاف

آسف على الاطاله

وصح السانك ملايين يابو عريفج

كن بخير

[البدر]

الشاعر القدير معيض بن عريفج صح لسانك واعتلا شانك

قصيده مميزه بحق وتطرب السامع والقاريء .

اسمح لي بتعليق حول ماذكره الاخوان بخصوص قافية البيت الحادي عشر

ودي اسـألـهـا وش الــلــي مغـيـبـهـا = والـمـلــك شـعـبــه يـحـبــه ممـلـكـتـه

الشاعر هنا الزم نفسه بما لايلزم وذلك بإلتزامه بثلاثة حروف (ش , ت , هـ) مع ان القافيه من الممكن ان تستقيم على حرفين فقط (ت , هـ) ولامشكله في ذلك .

لكني ارى بما انه الزم نفسه بذلك من بداية القصيده الي نهايتها كان من الاولى ان يلزم نفسه بهذا البيت ايضا مع انه لايعيب القصيده ولا يعتبر خلل في القافيه اي ان الجرس الموسيقي موجود.

لكن هناك بعض الاشطر التي فيها ثقل في الوزن وفي اعتقادي بل اجزم ان هناك خطأ املائي في بعضها واترك للشاعر تعديله وهي :

تعـزف اوتــار الـغـلا لـهـا ومطربـهـا

والـمـلــك شـعـبــه يـحـبــه ممـلـكـتـه

صح لسانك مره اخرى وشكرا لك

[سليمان مفضي العنزي]

معيض بن عريفج

لله درك كم انت مبدع بلا حدود .. صح لسانك الي ان ترضى

تقبل اعجابي الشديد

[سعد النفج]

معيض بن عريفج
صح لسانك ..
شاعر مميز و راقي و لا يكتب إلا الجمال ..
و معيض بن عريفج شاعر نظم و محاوره و أحد القامات الشعريه المميزه في هذا الصرح الراقي
و الملاحظات لا تغير من شاعريته و معيض بن عريفج معروف بثقته و رقيّه و سعة صدره ..
شكرا لك على هذه الجزاله يا معيض و دمت بخير ..