بسم الله الرحمن الرحيم
كل من ينتمي لهذا الصرح
السلام عليكم ورحمة الله وبركاته
هذه قصيده متواضعه وهي عباره عن مصافحه اولى والتي اتمنى ان تحوز على القبول
لكم القصيده ولي الشرف با الردود
طالبك انا ياشعر فزعات واحســان = افزع معـــــي في يوم قلل مقامي
مابيك هــــــــين لا ولا ابيك صلفان = ابي الجزيل اللــــــي عليه الكلامي
ابي القصـــيد اللي كما قدح ضيان = يدري به اللي عــــايش في غرامي
امحضر نفســــــــك على كل ميدان = وان خنتنـــــي روح عليك السلامي
لو ان مالي فيــــــــك حيله وبرهان = ما انخاك ياشـــعري علي الحرامي
عزي لمن جرحه عطيــــب(ن) ولابان = بين الضلــــــوع الحدب جاله حيامي
اليـا انفتـــــــح لي باب تنسد بيبان = وش حيلتي يا ذيــــاب عفت المنامي
لا يـــاوجودي وجد من طاح مرضان = ومن كثــــرت اوجاعه عجز لا ينامي
ولا يا وجودي وجد حــافي وعميان = والي يقوده من غثـــا الوقت عامي
سارو على شوك الكسايف والاحزان = ودرب الســـــلامه راح مامن سلامي
على حبيب(ن) غــــاب واقفى وخلان = وقلبي خليط بين هجــــــر وهيامي
امبيسم(ن) مرســـــــوم والوجه لا بان = بدر عليــــــــــــه العلم يوم التمامي
ولا شفت خصره قلت مسكين جوعان = وشـــــــعر كما ليل كساه الضلامي
ومشــــي المقيد في كلبشات سجان = سبحـــــــان من سواه مشيه نظامي
وسط الحشى يملك مقــــــر ومسكان = وزوله يجينــــــــي كل يوم ابمنامي
واليوم من فرقــــــــاه با القلب نيران = تصلى الحـــم وتذوب منها العضامي
خلاص انا يا ذيـــــــاب با الهم شبعان = حسبي على العـاذل حريب الكرامي
قالو لي تلقى غيــــره اشكال والوان = قلت الوكاد ان حب غيـــــره حرامي
الشاعر/ صالح الجطيلي
11/06/07, (07:36 PM)
طالبك انا ياشعر
العرض العادي
