!!! ذكــريــات الـعـاشـقـيـن !!!

[عايض المشعان]

تحية خاصة لهذا الصرح الشامخ



تقبلوها كما هي


..... !!! ذكريات العاشقين !!! ....

الغزال اللي صدفته ما هـو حيا الله غـزال
................................ شـي يدعـوا للتأمـل يا صـلاة المسلمـيــن
قصتي كانت غريبة أو عجيبة أو محال
............................... والمحال يلين معـها غصب والقاسي يلين
أقبلت والعين حارت زي ما حار السؤال
.............................. ها لجمال اللي سكنها ما يـمـر العالـمـيــن
لكن بسرعة وصلني شي لا يمكن يقال
.............................. ولو بقوله ما وفيت بحق لو ربع الجبـيـن
كن ٍنظرتهـا تسـافر في عيونك للخيال
.............................. يا خيال الشوق ردد بعدها ما فيــه زيـــن
الحلا هذا عطية مكرمه من ذو الجلال
.............................. ما يجي من غير ربي لو تزيْن ما تزين
يوم صوت لي هدبها من بعيد ثم قـال
.............................. لا يصيبك سهم عيني ثم تبقى لي رهين
ما بعد شفت الخفايا ما بعد شفت الجمال
.......................... بس أقول اللي عطاك الزين يعمي الحاسدين
بعدها قامت تثني من يمين ومن شمال
........................... واستثارت بي جنون العشق والحب الدفين
قلت يا قلبي تـحـمـل لا تـزودنــي هـبـال
............................. قال مقدر. قلت حاول . يا عسى ربك يعين
صرت في موقف مبين وانتظر كلمة تعال
............................ بين صـده كبرياء .. وبين خفاق ً يبـيــن
قلت والحزن اكتساني طالبك لحظة مجال
............................. لو تبين الشوق كله عادي كله لو تبين
أدري أن قلبي كفخ لك ما يـبـيلـه احتمال
.............................. مـن يشوفك ما ينام الليل . ويجر الونيـن
لكن الرفقة فديتك يا بعد عمري حـــلال
............................ افهمي مغزى سؤالي وادري انك تفهمـين
أنتي اصبحتي قضيه والقضية لا تزال
............................. في ضلوع العشق تبقى ذكريات العاشقين

وسلامتكم

[فهد الشافي]

قصيدة مميزة شاعرنا عايض المشعان


الغزال اللي صدفته ما هـو حيا الله غـزال
................................ شـي يدعـوا للتأمـل يا صـلاة المسلمـيــن
قصتي كانت غريبة أو عجيبة أو محال
............................... والمحال يلين معـها غصب والقاسي يلين
أقبلت والعين حارت زي ما حار السؤال
.............................. ها لجمال اللي سكنها ما يـمـر العالـمـيــن

[طلال الايداء]

صح الله لسانك

وتقبل تحيااتي
اخوكـ طــــــــــــــــــلال الايــــــــــــــداااء

[خلف الغريب]

الف صح لسانك اخوي عايض..

مشاعر مرهفة وشعر جميل لا يستغرب معك..

تقبل مروري..

[سعد النفج]

و انت سالم و غانم اخوي عايض المشعان..

و صح لسانك على النص

احساس رااااقي ..

الله يعطيك العافيه ..

و لك التقدير و الاحترام ..

[سلامة الجعفري]

عايض المشعان دخلتنا جو بهالابيات الجميلة

صح لسانك ملايين


تقبل مروري


تحيتي وودي

[رابح الغضيان]

الشاعرالجميل /عايض المشعان

صح لسانك

مبدع كالعاده

ودي واحترامي لك