ســـــــــــوق برزان

[نافع عيد الجديد]

الله على اللي شفتها بسوق بـرزان=تمشي بوسط السوق في مشيها فن
مشي الدلع كنه علـى دق فنـان=من شافها يفتن من الانس والجـن
سالتها من الانس والا مـن الجـان=قالت انا من شافنـي لا زم يـون
قالت من انت ..وقلت اكيد اني انسان=قالت تراي ادري ولكن على مـن
انته شمالي من كلامك لنـا بـان=فيكم طبيعه يزهم الشخص ياهـن
قلت ارحميني رحت فيها مـن الان=قالت انا مثلك ولاتخيـب الظـن
يابعد حيي وميتي وكل الاخـوان=تكفى توضح لي ويش اللي تبي من
قلت ابغي الجوال وياليت عنـوان=قالت خذ بسرعه ولا احـد يشوفـن
راحت وانا محتار بالوضع بالشان=واقفت تطالعنـي بحبـي تراهـن
وفزيت من نومي وانا منه حيران=وراح الخيال اللي بحلمي تمكن
بس الحقيقه سبة الحلم غزلان=صادفتهن بالسوق واقفن ولا جن

[سعود المسعودي]

صح لسانك وعلئ شأنك


وتسلم يمناك على الرائعه


لاهنت يانافع

[الجادل]

شاعرنا المتألق

نافع الجديد

صح لسانك

منظومة راقية عذبة الصور والأخيلة

رائع في تسلسل أبياتك وانهمار مشاعرك

اطيب التحايا

[الصقار]

اولا عليك حق --لانك مواعدني انك اذا جيت حايل تكلمني

حتى ولو كان بالحلم --وبعدين ماعندكم اسواق تحلم بها --حبكت على سوقنا --

وصح لسانك وسلمت يمينك قصيده رائعه من شاعر رائع

تحياتي ابو عيد

[هبوب العنزي]

صح لسانك ولاهنت قصيده بها خفت الظل وفعلا يتمتع الانسان يوم يقراء قصيده


خفيفه على الروح حتى ولو كانت بالنهايه حلم...ذكرتني بالشاعر رابح الغضيان


وقصيدته العيادات ... اجد متعه عند قراتي لمثل تلك قصائد قصيده اشبه ماتكون قصه قصيره...



قلت ابغي الجوال وياليـت عنـوان
قالت خذ بسرعه لا احـد يشوفـن


الوكاد ماعندك وقت سريع سريع يانافع

[خلف الغريب]

في الحقيقة اول ما قريت القصيدة بغيت اتصل على واحد متين بهيئة الامر بالمعروف عندنا في تيماء ( يعرفه ابو عيد )
وابغيه يتفاهم مع نافع وبعد ما سحبت الجوال اكتشفت ان الموضوع حلم قلت : العجلة ما بها خير والا كان علوم .


الف صح لسانك يا ابو عيد على هالطريفة بس عاد لا عاد تمر حايل الا وانت جاي ابن هندي ...

تحياتي وودي للجميع ..

[تركي صالح]

الصراحه اني اقراء وانسجمت مع القصه بس ابعرف وش النهايه

وبالاخير حلم يابو عيد

مبدع مبدع

قصيده رائعه صغاها شاعرها بأسلوبً رائع ومميز

سلمت ودمت

وتقبل خالص التحايا