اشبّ الضلوع العوج وآبهـّر ادلالي ..!!

[مشاري بن فالح]

السلام عليكم

اضع هذه المتواضعه بين ايديكم علها تنال على رضا ذائقتكم الجميله
جديد .. من العراق .. فتقبلوها ..


:




:

:

سقيم المشاعر من بعد غيبة الغالي=ولا فادني دكتور لوّ كثـّر اعلاجه
الا من طرالي هلّ من عيني و سالي=غزير الدموع اللي تغــرّقني امواجه
اسجّ القدم واميل معْ ميلةْ اعقالي=على ديار خلّي رغم ماهي بدوّاجه
يقولون خلّي عشرة سنين رحالي=جرح خاطرهْ كثرةْ عواذيل هرّاجه
وعوّدت معْ همّي على الماكر العالي=كرهت البشرْ بعدهْ ولا لي بهم حاجه
ولاعاد ينفعْ صفقة ايديّ بالخالي=اذا صارت اعيوني عن النوم هملاجه
اشبّ الضلوع العوج وآبهّر ادلالي=معاميل حزني نارها دوم وهّاجه
والاشواق هزّة معْ طواريه فنجالي=تبيح المشاعر خافي القلب واخلاجه
سقاللهْ زمان الحبّ من يجلس اقبالي=نواوير خدّهْ زاهيهْ دون مكياجه
مواليف ..! لكنّ القدر يقطع احبالي= شحوح المواصل سبّب لقلبي احراجه
طيور الاماني كمْ تباكت على حالي=وكمْ كان يبكي في سما ليلي اسراجه
كِثِر ما توجّد خافقي ماتت امالي=دفنت الامل واخفيت في صدري ازعاجه

لـ مشاري بن فالح البدري العنزي ( هاجس الحرمان)

12/1/2012

:

[عبدالرحمن الجابري الحربي]

الشاعر / مشاري فالح

صح لسااانك .. أبيااااات راقت لي واستمتعت بها ...

تقبل مروري وتسجيل إعجااابي ...

[محمد دعسان]

هلا بك يا مشاري
حضور ك مميز وراقي ياالبدري
سلم فكرك الراقي
انت دائماً مبدع
ربي يحفظك

[سعد النفج]

صح لسانك يا هاجس الحرمان ..
و ابيات لا تستغرب على الشاعر المميز مشاري ..
لله درك و لا تحرمنا نصوصك ..

[صالح الأسود الجعفري]

مشاري العنزي

صح السانك نص رااائع
دمت بخير

[حمد الضوّي]

مشاري البدري

صح لسانك مدد بلا عدد ولافض فوك
شكرا ً جزيلا ً على الإتحاف



تحايا

[مشاري بن فالح]

اقتباس:
المشاركة الأصلية كتبت بواسطة عبدالرحمن الجابري الحربي
الشاعر / مشاري فالح

صح لسااانك .. أبيااااات راقت لي واستمتعت بها ...

تقبل مروري وتسجيل إعجااابي ...



صح بدنك يا ذووووق

اسعدني حضورك واطراءك الجميل

لاهنت يابعدي