قدام تضعف - °~*¤®§(§ شبـــكة ويــلان العـربـيـه §)§®¤*~ˆ°

**سراب نجد** · 26/11/11, (12:44 AM)

أعزائي الكرام

السلام عليكم ورحمة الله وبركاته وبعده

هذه القصيده أعجبتني ونقلتها لكم حسب ما هي مكتوبه في منتديات مملكة البحرين الشقيقه وهي للشيخ/ يحيا بن خليفه الرشدان .....
*******

ما كل عش ٍ يأبيض الوجه لي عش

ولا ني وراء ما شافت العين لحاق

ما ننخدع باللون لو هو منقرش

طبعي تكانه عارفاً كل الأذواق

على الصخر منحوت شعري وينقش

ولي بصمة ٍ تخفى على كل سراق

سج القدم قدام تضعف وتبلش

بلشه بعدها لفة الساق بالساق

أمش الوطاء بأداب وضحك وفرفش

تنسى الهموم وخالق الكون رزاق

مع صحصح ٍ لا هو بقاسي ولا هش

جو الوناسه والمشاعر والأشواق

بأرض ٍ عذيه جوها زين ينعش

والنفس له طربه والأقدام تنساق

حس الهوى بغصون الأشجار لا هتش

تشبه مزاميراً تلحن ال دقاق

ابعد عن التلفاز ومقابل الدش

ومهايطات وكلها انفاق بنفاق

وابعد عن اللي هرجته بالقفاء حش

شين الطباع امزور الهرج هلاق

سوالفه بالليل والصبح ما هنا أش

سراب دون ضاع من بين الأطباق

وحنا بزمان العولمه كلها غش

غش ٍ بنقل الهرج وغش ٍ بالأسواق

تبغى الصراحه شوف واسمع وطنش

وأجعل على سمعك عن الهرج مغلاق

لا تستمع لهروج ناس ٍ امخرش

اللي سوالفهم على غير ميثاق

ناس ٍ تطش الهرج صوب الملاء طش

خباث النوايا لحبكة الشر سباق
***

الشيخ/ يحيا بن خليفه الرشدان .....

نقل / سراب نجد .....
والمعذره أن صار فيها أخطاء من الكتابه أومن النقل

**تركي علي الخالدي** · 26/11/11, (07:40 PM)

صح الله لسان شاعرها الشاعر يحي بن خليفه الرشدان

وشكرا لك على النقل اخوي سراب نجد

قصيده رائعه

**حمد الضوّي** · 27/11/11, (02:04 PM)

سراب نجد

نقل أكثر من رائع سلمت أناملك أخوي
وصح لسان الشاعر الشيخ/ خليفه يحيا الرشدان فهو بلاشك
شاعر كبير ومعروف ويعتبرمن أكبر شعراء عنزه بالوقت الحالي

تحايا

**غموض الشمال** · 27/11/11, (02:22 PM)

صح لسان شاعرها
وتسلم اخوي على الاختيار الجميل
تقديري لك

**سراب نجد** · 27/11/11, (02:31 PM)

[quote=تركي علي الخالدي;398426]
صح الله لسان شاعرها الشاعر يحي بن خليفه الرشدان
صح الله بدنك ياتركي علي الخالدي

وشكرا لك على النقل اخوي سراب نجد
والشكر لك على مرورك المتميز

قصيده رائعه
تشريفك الروع
[/
quote]

لك مني وافر الشكر والتقدير

**سراب نجد** · 27/11/11, (02:42 PM)

[quote=حمد الضوّي;398483]سراب نجد
نعم طال عمرك

نقل أكثر من رائع سلمت أناملك أخوي
وأنت تسلم ولايسلم ردي العزايم ومرورك الروع ومتميز

وصح لسان الشاعر الشيخ/ خليفه يحيا الرشدان فهو بلاشك
صح بدنك أنت والشاعر يحيا
شاعر كبير ومعروف ويعتبرمن أكبر شعراء عنزه بالوقت الحالي

فعلاً معروف والله يكبر مقدارك ومقداره

تحايا
لك ودي
[/
quote]

لك شكري وتقديري

**سراب نجد** · 27/11/11, (02:47 PM)

[quote=غموض الشمال;398486]
صح لسان شاعرها
صح بدنك
وتسلم اخوي على الاختيار الجميل
وأنتي تسلمين على هالمرورالطيب على متصفحي المتواضع
تقديري لك
أحترامي لك

[/
quote]

لك وافر التحايا