معاناة كبار السن مع من يجهل قدرهم - °~*¤®§(§ شبـــكة ويــلان العـربـيـه §)§®¤*~ˆ°

**محمد خلف الزايدي** · 14/10/09, (11:44 PM)

بسم الله الرحمن الرحيم

هذه القصيده تتحدث عن مايعانيه كبار السن تحت إدارة

من يصغرهم سناً وهي على وجه التخصيص

وليس على وجه التعميم لأن الخير لازال في امّة محمد

حتى تقوم الساعه كما قال صلى الله عليه وسلم ,,

عزاه ياقلباً من الهم ملهود= غيضاً كتمته والملا جاهلينه
دعوى نظام وبها الحق مضهود= عن السنع درب الخطاء قاصدينه
ياما صبرت وكل شيٌ له حدود= ون طالت الغلطات صارت غبينه
الشيب لاح وراح كثره من السود =بيضاً لحانا والعمل متقنينه
طلع علينا جيل نقصاً بلا زود= خلّى السلوم وراح يتبع قرينه
مامن وقار ولأنت راجي منه فود= غير الرزاله طارفه في يمينه
عنده كبار السن في خانة هنود= وتلقى المعزه كان عمرك سنينه
ماذم كل الجيل والأمر مشهود= الناس فيها أجناس ساساً وطينه
فيها الوفاء والطيب والفعل محمود= والا الردي مثبور تقصر يدينه
مثل المعادن فيه ليّن وبالود= وفيه الرخيص وفيه منها الثمينه
من هام درب المجد يصبر على الكود= لو شاف بعض الشين يغضي بعينه
ماهو على ماقيل ملحٌ ببارود= عند أتفه الأسباب يظهر دفينه
ترى المعيشه تجبر الناس ياسعود= من دار ستر الحال ربي يعينه
انصارع الأيام والعمر محدود= واللي انكتب باللوح ياتي بحينه
والله ماخاف وكافل الرزق موجود= منجي نبيه نوح راع السفينه
وصلاة ربي عدّ ماتزهر ورود= على رسولٌ تتبع الناس دينه

من أشعار // محمد خلف الزايدي الخمعلي

**مرضي الخمعلي** · 15/10/09, (08:05 AM)

انصـارع الأيـام والعمـر محـدود
واللي انكتب باللـوح ياتـي بحينـه
والله ماخاف وكافل الرزق موجـود
منجـي نبيـه نـوح راع السفينـه

سبحانه،
قرأت ما يثلج الصدر

خالص الشكر والتقدير

**الجوكر** · 15/10/09, (08:09 AM)

الشاعرا لقدير

محمد خلف

ما أجمل من الفعل سوى الأحساس...

كلمه التبسها الأحساس..

وهذا انبنا تحت قاعدنا الأسلاميه

شكراً لهكذا صياغه

تقدير الجوكـر

**سعود المسعودي** · 15/10/09, (09:41 AM)

الشاعرا لقدير

محمد خلف

بارك الله فيك وفي قلمك المبارك

**masha3el ** · 15/10/09, (04:23 PM)

الشيب لاح وراح كثره مـن السـود
بيضـاً لحانـا والعمـل متقنيـنـه
طلع علينـا جيـل نقصـاً بـلا زود
خلّى السلـوم وراح يتبـع قرينـه
مامن وقار ولأنت راجي منـه فـود
غير الرزالـه طارفـه فـي يمينـه

الشاعر القدير
محمد خلف الزايدي

صح لسانك الى مالا نهايه
شاعرنا الرائع لقد طرحت قضيه اجتماعيه من خلال نص باذخ بالمعاني
تصوير وحبكه رائعه واي كلمات مدح وثناء ستكون ناقصه امام روعه حضورك
كفيت ووفيت وعز الله مقامك
ما شاء الله عليك
تحياتي واعجابي
دمت بخير

**طلال الايداء** · 15/10/09, (05:16 PM)

صح الله لسانكـ

على هذه الراائعه ودليل على معدنكـ الطيب

لافض فوكـ

وسلم لنا ..... فكــــــــركـ الراقي

تقبل مروري المتواضع

اخوكـ طــــــــــلال الايـــــــــداء

**سلامة الجعفري** · 16/10/09, (11:41 PM)

من هام درب المجد يصبر على الكود
لو شاف بعض الشين يغضي بعينـه

الشاعر العود صح لسانك وابدعت في هالابيات الجزلة

قال النبي صلى الله عليه وسلم : ( ليس منا من لم يوقر كبيرنا ويرحم صغيرنا ) بما معناه