الاخ ماضي بن منقل المرسال

[معيض بن عريفج]

هذه القصيده موجهه الى الاخ العزيز ماضي بن منقل بن مرسال العنزي

يـاالـلـه يالـلـي كــان قـلـت لشي كـن بالحــال كان = ان شئت فانت تكونه مابين كاف وبين نون
يـانـاصـر عبـادك هــل التوحيد وانت المسـتـعان = ومـن امنـوا لاخـوف علـيـهم ولاهـم يـحـزنون
يـارب تـفـرج ضـيـقة(ن)تصبح بها العشرة ثمان = يـدوخ فـيـهـا صـاحي التفكير من قو الطعون
البـارحــه ياطـول لـيـلي بـيـن خوف وبين امان = واليـأس يـغـلـبـه الأمـل بالله في كل الضنون
من هاجس(ن)يلعب على الحبلين وعقدهن متان = يـلـعب عـلى الحبـلـيـن والحبلين بعروق المتون
تـلـفـي ضيوف(ن) مـاتـزور الا معـنـيـن الزمـان = والكـل مـنـهـم يـفـتـح البـيبان بالصدر ويمون
مـاكـنـهـم غـيـرازدحـام الـلـي يــقـيمون رمضان = ان جاء الامام وقال بـسم الله عبر الميكرفون
كـل(ن) يـوديـنـي عـلى رايـه ولـه درب ومكـان = وقـامـت شـياطيـن المعنى يـلعبون ويرقصون
مـابـيـن صـحوات العـقـل مابـيـن نزغات الجنان = اشــوف بـعيوني ثنين الانس وازوال الجنون
نــوب ابـتـســم واصيـر بـخـلاقي خلوق وبهلوان = ونـوب يـتـعـقــد ناظري واترجم الونه لحون
واسبـح مـع الطاروق واجـاري طـروق الغيهبـان = وانـسـق بـيـوت القـصيـد بكل شكل وكل لون
تجـي المـهـار الشـاردة مـن غيـر سـرج ولاعنان = ثمين احط السرج وخطام الرسن بين العيون
خـيـل(ن)من خيـار الخـيـول اللي بـها مــايســتهان = تنساق لعيال الظهور وترفض عيال البطون
تنساق لك ياماضي المرسال من قلب ولسان = وانته مـن الـلـي بالمواقـــف ينـتـخــون وياقـفون
يا مـحزمـي فـي ساعة(ن)يكرم بها المرء ويـهان = وان كان معي السيف ابو حدين فاعداي يهبون
الـلـه يـعــز الصـقر ويخـيـب طـيــور البـغـبـغـان = ومن يشترون البغبغانه والله ان مايربحون
والا الصـقر يـعجـبـك فـعـله فـي نهـار الامـتحـان = راعيه صدره منشرح واهل الوكارى يزعلون
ملـيـت والـلـه يـابن عمي من فلان ومن فلان = أيـلـيـن طاب الخـاطـر مـن اقـوال مالايـفـعــلــون
الحمل يبغاله جمل وانت الجمل وانت الحصان = والنار من شبابها وانت اول اللي ياصلون
السالفه طالت وعرضت من زمان اليا زمان = وبعض مراسيل البشر دون الحراوي يرجعون
وانته ليامـنـك فتلت الشارب تجيب السمان = وشرواك مـن بـيـن النشاما يذكرون ويشكرون
واليابذل جهده رفيقك مايذم ولايدان = ومـن لايـقــدر مايـقـدر والنشـامــاء يـفـهــمــون
ومن مدت يدينه وفاء يؤجر وبأمر الله معان = واكثر فقارا الشعب محتاجين لاكن يستحون
ولاتواخذني تراني ضايق وحنا اخوان = واهل الوفاء هم مزبن الخايف عساهم يسـلـمون
واسلم وسلملي على اهل الطيب في ايت مكان = واسمح وسامحني على التقصيروالطيب يمون

[الصقار]

الاخ الشاعر معيض بن عريفج

صح لسانك --جزله من شاعر جزل ورائع

تقبل مروري وتقديري

[سالم صالح]

صح السانك يامعيض شاعر جزل ولاتاتي الا بالجزالة


قصيدة رائعة ونعم بالمادح والممدوح


تقبل تقديري

[معيض بن عريفج]

المشاركة الأصلية كتبت بواسطة ابن هندي

الاخ الشاعر معيض بن عريفج

صح لسانك --جزله من شاعر جزل ورائع

تقبل مروري وتقديري

الاخ ابن هندي

صح بدنك وبيض الله وجهك والجزل والرائع مرورك يالغالي

الذي انار متصفحي لاخلا ولاعدم ولك كل الشكروالتقدير

[معيض بن عريفج]

المشاركة الأصلية كتبت بواسطة سالم صالح

صح السانك يامعيض شاعر جزل ولاتاتي الا بالجزالة


قصيدة رائعة ونعم بالمادح والممدوح


تقبل تقديري

الأخ سالم صالح

صح بدنك وماعليك زود والجزل مرورك يالغالي الذي انار متصفحي لاخلا ولاعدم ولك كل الشكر والتقدير

[طلال]

الله يعينك ياجمل تصبر على شيل الحمول


معيض بن عريفج
صح السانك مليون قصيده تستحق الوقوف امامها


تقديري لك

[عايد عوض العنزى]

الاخ معيض صح لسانك ولاهي غريبة ان تطلع قصيدة رائعة من شاعر رائع ومبدع شروك


الشاعر عايد العنزي من تيماء