( الجــعــافــره ) .. الاهـداء للـشاعـر تـركـي صـالـح الجـعــفــري

[منصور الرويلي]

أهديك (ياتركي) جزيلات الامثال = يالشامخ اللي لك مكانه كبيره
ترفع لك البيضاء على رؤس الاقذال =دام الوفا والطيب مبدى وسيره

.
.

يامعرب الجدين .. ياطيب الفال = مواقفك بالطيب كلن ذكرها
الرأس به طنخه وبالصدر زلزال =بالوقفه اللي شرفت من حضرها
من طنخة الويلان ذربين الافعال=أفعالهم كل العباد أتخبرها
(جعافره) للطيب والعز مدهال = نعم الرجال اللي بعيدٍ نظرها
(جعافره) للمعتزي .. فيء وأظلال=ياحظ رُجلن للشدايد ذخرها
سلايل سليمان كان الدهر مال؟= رؤس الرجال اللي ينومس سطرها
لا ضاقت الدنيا من الجال للجال = لا دقت الساعة وبيّن خطرها ؟
ثارت (حمُياهم) فعل ماهي أقوال=وأن كبرت القالات جابوا خبرها
أفعالهم بالطيب في راس ماطال = على سنام المجد أجمل صوّرها
من صلب وايل والفخر قدر وأجلال = ماحسبوا سود السنين وقشرّها
أدناهم اللي عن ثمانين خيّال = وأقصاهم اللي فزعته ماذخرها
تاريخهم في قمة المجد يختال = ويبني على الحاضر صروحٍ عمّرها
سيرة فخر تبقى على مر الاجيال= لو الليالي غاب عنها قمرها !
والحكمة اللي قالها (فهد) وش قال=فهد العروبه بالمواقف شهّرها
شرب المصايب كنها شرب فنجال = خلدّ وفاها بالصدور وبذرها
سبحان من بيدّيه تغيير الاحوال = سبحان خالق برها مع بحرها
(يامسندي) يامعرب الجد والخال = جعلك أمجار مْن الهموم وكدرها
أي والله أنك من صناديد وأبطال = اللابه اللي نفتخر من فخرها
تعال أبعلمك من واقع الحال = والسالفه مضمونها يختصرها ؟
ودك اليا منك تعرّفت برجال؟=أن ماكسبت الغانمه ماتخسرها
هذا ولك عندي معزه ومنزال = وعندي تساوي مع عيوني نظرها

.

.

.
.

[منصور الرويلي]

كــلــمــتــي لا قــلــتــهــا كــــــــذا والا كــــــــذا = دون عـصـمــان الــشــوارب واقـفـيــن
ربــعــي الــويــلان .. يـالــعــزوة .. لـــــذا ؟= أعـــــــتـــــــمـــــــد بالله رب الــــعــــالــــمــــيـــــن
مـاعــلــيــنــا مـــــــــن طــهــابــيـــل الــــهـــــذا = سارقيـن الضـوء .. خاليـن اليـديـن
والادب ذاك الـــشــــمــــوخ الـــجـــهـــبـــذا = في مجالسنا على المركى اليمين
هـــكــــذا حـــنــــا .. ؟ ونــبــقـــى هــــكــــذا = عـــلّـــم الـــلــــي بـالـمـعــاني طـامــعــيــن
رؤســنــا للـمـرجـلـه .. نــبــض وغــــذا = مــــــن خـلـقــنــا الله وحـــنـــا شـامـخــيــن
والــوطـــن لا رواحــنـــا نــفــحــة شــــــذا = ريــــح هــيــل وريـــــح ورد ويـاسـمـيــن
مــــادريــــنــــا كــــــــــــان مـــقـــصُـــدهـــم اذا = لــــــــن حــــكــــام الــجـــزيـــرة مـنـصــفــيــن
يــابــن وايــــل لــجــل رأســــك حــبـــذا = يـاصـلـه مـــن رأســــي الـعـلــم الـيـقـيـن

.

أذا حدتني أوجيه الليالي والرجال أوجيه = أنا والله مالي عم ياكود أعروق جداني
أحب من الرجال الطيبه الا الشجيع اغليه = ليامن صار موته في يديه يصافح أيماني

.

.

.

.

[حمد الضوّي]

الشاعر القدير

منصور الرويلي

صح لسانك وإعتلى شانك وبيض الله وجهك
والف نعم بك وبالشاعر والإعلامي المتألق تركي صالح الجعفري
وأكيد يستاهل ماقلت فيه . كما أشكرك على مدح قبيلة الجعافره
وهذا من طيب أصلك وإضهار الثناء من سمات الرجال الأوفياء
ولا عليك زود ياراعي العلياء





ودي وتقديري

[خلف الغريب]

صح لسانك اخوي منصور ويستاهلون الجعافرة هذا المدح الرائع ونعم فيهم ويستاهل اخوي تركي هذا الاهداء وبيض الله وجيهكم جميعا

[محمد الجضيعي]

الله عليك الله شاعرنا الجزل / منصور الرويلي هطول غير ..وابداع متفرّد تماماً شاعر مبدع ويروق لي طرحك صح لسانك وطاب فالك لاهنت ويستاهل الممدوح .....

[صالح الأسود الجعفري]

منصور الرويلي

والنعم بك صح السانك وبيض الله وجهك
ويستاهل اخوي تركي
دمت بخير

[سالم صالح]

الشاعر القدير /

منصور الرويلي

صح السانك ابدااااااااع نفتقده وهاهو يهطل لنرتوي منه جزيل الكلام وروعة المعنى

اشكرك شكرا جزيل على هذة القصيدة الشامخة ونيابة عن اخي تركي لانه لم يعلم بهذة القصيدة والحقيقة انني دخلت بالصدفة ولذلك انحني لك تقدير وعرفان لهذة المشاعر الشامخة والله يديم المحبة والطيب بين الاجواد

تقديري وودي