ياخادم البيتين - °~*¤®§(§ شبـــكة ويــلان العـربـيـه §)§®¤*~ˆ°

**مبروك الجابر** · 04/03/11, (10:32 PM)

هذه القصيدة بمناسبة عودة خادم الحرمين الشريفين
الملك عبدالله بن عبدالعزيز لأرض الوطن من رحلته العلاجية
والتي تكللت بالنجاح ولله الفضل والمنه
ياخادم البيتين

النو ساق وساق معه التباشير = مزن من الفرحة حقوق يهله
في عودتك ياسيد كل المشاهير= المملكة فــي شوفتــك مسفهله
وفي عودتك صارت فياض ونواوير = وأنـتـه كـمـا وبـــل إذا أدهر تعله
في شوفتك شفنا الفرح منظره غير = وكل يردد مرحبا في محله
يا مرحبا وعــــداد ماغــرد الطير = وعداد ماخط القلم في سجله
ترحيب احلى من حليب المصاغير = ان ربعت يم الفياض المطله
طلعت فرحه ضمن كل الجماهير= طلعت وفا ماهي بتخريب للـه
لك يابو متعب يا سليل المناعير = الشعب كله شوفتك فرحت له
مادمت في خير ترى الشعب في خير = الخير عم الــدار ذال يوم كله
انت الزعيم اللي تقود الطوابير = وأنت الذي سيفـك علـى الشـرك سلـه
بالعدل حكمك ماهو بحكم تكفير= الشرع دايم منهجه تمتثله
ياخادم البيتين ما منك تقصير = اديت حق الله بدقه وجله
وحنا معك لجات رياح ومعاصير = عاداتنا والعمر كله فدله

**العنود حسين** · 04/03/11, (10:50 PM)

استاذمبروك الجابر

الله يعطيك العافية قصيدة رائع

بس مدري انت كاتبه اومنقولة

تقبل تحياتي

**بنت الكحيلا** · 04/03/11, (11:26 PM)

صح لسانك اخوي مبروك الجابر

والله يعطيك العافية على القصيدة الرائعه

وتسلم على البوح الصادق والنبيل

لك شكري وتقديري

**مبروك الجابر** · 04/03/11, (11:32 PM)

يعافيك ربي اختي العنيدة
سعيد بمورك الكريم واطرائك المتميز على قصيدتي
هذا وإليك التحية

**سالم صالح** · 05/03/11, (01:10 AM)

مبروك الجابر ,,

صح السانك ومشاعر وطنية راائعة بمقدم خادم الحرمين الشريفين ,,, اطال الله بعمره وعافاه

تقبل تقديري وودي

**محمد بن موسى** · 05/03/11, (11:18 AM)

مبروك الجابر

صح السانك ملايين يالغالي

قصيدة جزله ومشاعر صادقه تجاه ملك الانسانيه والخير ابو متعب

لاهنت على روعة ماسطرت

تقبل فائق الود والتقدير

كن بخير

**سليمان مفضي العنزي** · 06/03/11, (05:26 PM)

مبروك جابر

ابو متعب يستاهل منا الكثير وصح لسانك على هذه المشاعر الوفيه